កុមារអូទីស្សឹមច្រៀងបទ«Solo Again»ធ្វើឲ្យ វណ្ណដា រំភើបលាយទឹកភ្នែក

ភ្នំពេញ៖ តារាចម្រៀង ម៉ាន់ វណ្ណដា ហៅ វណ្ណដា កាលពីថ្មីៗនេះបានទៅជួបសួរសុខទុក្ខ និង ចែករំលែកក្តីស្រលាញ់ ដល់កុមារអូទីស្សឹមនៅវិទ្យាល័យអប់រំពិសេស ក្រុងតាខ្មៅខេត្តកណ្តាល។ ក្នុងឱកាសនោះ អ្វីដែលចាប់អារម្មណ៍ គឺគេឃើញលោក វណ្ណដា បង្ហាញក្តីរំភើបខ្លាំងរហូតស្រក់ទឹកភ្នែកក្រោយកុមារអូទីស្សឹមម្នាក់ច្រៀងបទ«Solo Again»និងបទ«កំលោះស្រុកខ្មែរ »របស់ខ្លួន។

ប្រាកដណាស់នៅលើបណ្តាញសង្គមTikTok និងហ្វេសប៊ុកក៏មានការចែករំលែកសកម្មភាពរបស់កុមារអូទីស្សឹម ច្រៀងបទ«Solo Again»របស់លោក វណ្ណដា ជាមួយការលើកទឹកចិត្តនិងសរសើរសមត្ថភាពផងដែរ។

នៅលើគណនីហ្វេសប៊ុកលោក ចាន់ សារិន នាយកវិទ្យាល័យអប់រំពិសេសក្រុងតាខ្មៅបានលើកឡើងថា ការផ្ទុះក្នុង បណ្តាញសង្គម តិកតុកថ្មីៗនេះ ដោយមានសិស្សអូទីស្សឹមរបស់ខ្ញុំម្នាក់បានខំច្រៀងចម្រៀងអាដលរបស់គាត់២បទ ដោយមានសំឡេងគាំទ្រ ៩០ភាគពីមហាជនគ្រប់ស្រទាប់យុវវ័យ។

លោកបន្តទៀតថា «កូនសិស្សរបស់ខ្ញុំម្នាក់បានច្រៀងចម្រៀង២បទរបស់លោក វណ្ណដា ជាអាដល់របស់គាត់ គឺបទ”Solo Again” និងបទ”កំលោះស្រុកស្រែ” ខណៈដែលម្ចាស់បទនេះគឺ លោក ម៉ាន់ វណ្ណដា បានមកជួប ពួកគេដោយផ្ទាល់នៅវិទ្យាល័យអប់រំពិសេសក្រុងតាខ្មៅតែម្តង ដោយលោក វណ្ណដា មានក្តីរំភើបលាយឡំ និងទឹកភ្នែករលីងរលោងដោយសារលោកមិននឹ កស្មានថាកុមារអូទីស្សឹមម្នាក់នេះអាចច្រៀងចម្រៀងគាត់បាន។

នាយកវិទ្យាល័យអប់រំពិសេសក្រុងតាខ្មៅបញ្ជាក់ថា” ខ្ញុំសូមជម្រាបជូនថា កុមារអូទីស្សឹមមានចំនុចពិសេ សមួយ ដែលអ្នកផ្សេងពិបាកនឹងធ្វើបានពិសេសត្រង់ ថាបើគាត់ពូកែរអ្វីមួយហើយគឺច្បាស់លាស់បំផុតចំ ពោះប្អូនដែលបានរិះគន់ ខ្ញុំមិនបន្ទោសទេមកពីប្អូនមិនយល់តែសូមប្អូនរៀនស្វែងពីមនុស្សដែលមានអូទីស្សឹមឡើងវិញសូម្បីតែអំពូលភ្លើងដែលយើងកំពុងប្រើបច្ចុប្បន្នក៏ជាស្នាដៃមនុស្សអូទីស្សឹមជាអ្នករកឃើញមុនគេដែរបើគ្មានពួកគាត់ទេពិភពលោកមកទល់និងពេ លនេះប្រហែលនៅតែប្រើចង្គៀងប្រេងកាតនៅឡើយទេ”។

លោកបម្ថែមថា សូមចូលរួមចែករំលែកក្តីស្រឡាញ់ ពេ ញបេះដូងនិងចងចាំស្នាមញញឹមរបស់កុមារអូទីស្សឹម ទាំងអស់ នេះជាមួយ យើងទាំងអស់គ្នានៅពេលអ្នកសម្រាកពីកាងារហើយខ្ញុំជឿថា អ្នកនិងមានសេចក្តីសុខក្នុងចិត្តពេល ឃើញពួកគេញញឹមមករកអ្នកនៅវេលានោះ ៕

អត្ថបទ ៖ ចាន់រ៉ា