ជីវិតកម្សាន្ដ

អ៊ិន លក្ខិណា ស្នើកុំយកនាងពាក់ព័ន្ធ ក្រោយមានការវែកញែករឿងមិនបានមកុដ

បានផុស

២ years មុន

នៅ

ថ្ងៃចន្ទ ២១ សីហា ២០២៣

ដោយ

ក្រោយឆ្លងកាត់នូវការប្រកួតវគ្គជម្រុះជាច្រើនខែកន្លងមកនោះ ទីបំផុតរកឃើញម្ចាស់មកុដបវរកញ្ញា Miss Grand Cambodia 2023 ហើយ បានទៅលើ កញ្ញា ភឹម ស្រីនោ Miss Grand តំណាងភ្នំពេញ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ដោយឡែកសម្រាប់ កញ្ញា អ៊ិន លក្ខិណា ដែលអ្នកគាំទ្រមួយចំនួនដាក់ក្ដីរំពឹងថា អាចដណ្ដើមបានមកុដ Miss Grand Cambodia 2023 នោះ គឺមានឱកាសត្រឹមតែជ័យលាភីរងលំដាប់ទី ២ ប៉ុណ្ណោះ ជាហេតុធ្វើឲ្យអ្នកគាំទ្រ និងប្រើប្រាស់បណ្ដាញសង្គមមានការស្រងាកចិត្តរហូតមានការវែកញែកសោកស្ដាយនូវសមត្ថភាពរបស់នាងផងដែរ។

ជាមួយគ្នា នៃការលើកឡើង និងមតិវែកញែករបស់មហាជនអ្នកគាំទ្រពាក់ព័ន្ធរឿងមកុដនេះដែរ បវរកញ្ញា អ៊ិន លក្ខិណា បានបញ្ចេញសារដោយខ្លីនៅលើបណ្ដាញសង្គមហ្វេសប៊ុកខ្លួនថា «សូមកុំយកខ្ញុំទៅពាក់ព័ន្ធបានទេ»។ កញ្ញា លក្ខិណា ក៏បានសូមទោសដល់អ្នកគាំទ្ររបស់ខ្លួនផងដែរ ដែលមិនបានឈ្នះមកុដ។

នាងលើកឡើងថា «សុំទោសប្រជាជនកម្ពុជា Sorry Cambodia សុំទោសហ្វេនទាំងអស់ ទាំងហ្វេនកម្ពុជា ទាំងហ្វេនវៀតណាម ឲ្យខ្ញុំសុំទោស ខ្ញុំធ្វើមិនបានល្អជូនអ្នកទេ។ ខ្ញុំព្យាយាមអស់ហើយ តែនៅតែមិនទទួលបានជោគជ័យជូនអ្នកទាំងអស់គ្នា ហើយខ្ញុំសូមអរគុណអ្នកទាំងអស់គ្នាសម្រាប់ការគាំទ្រកន្លងមក»។

យ៉ាងណាមិញ ក្នុងនោះ ក៏មានការបង្ហាញលើកទឹកចិត្តដល់ស្រីស្អាត អ៊ិន លក្ខិណា ឲ្យបន្តការខិតខំថែមទៀត ខណៈមានខ្លះលើកឡើងដែរថា ការប្រកួតតែងតែមានអ្នកឈ្នះ និងមានអ្នកចាញ់ ជារឿងធម្មតា ព្រោះការប្រកួតនីមួយៗ សុទ្ធសឹងជួបអ្នកខ្លាំងដែលមានសមត្ថភាព ទេពកោសល្យល្អៗ ដូចគ្នា៕

អត្ថបទ ៖ ចាន់រ៉ា