ជីវិតកម្សាន្ដ

រូបរាងចុងក្រោយរបស់ Lee Min Ho មិនមែនធាត់ តែហើមមុខចំណាំសឹងមិនស្គាល់

បានផុស

៣ years មុន

នៅ

ថ្ងៃចន្ទ ២៨ សីហា ២០២៣

ដោយ

ការបង្ហាញខ្លួនកាលពីពេលថ្មីៗនេះរបស់ Lee Min Ho បានធ្វើឲ្យមានការភ្ញាក់ផ្អើលជាថ្មីម្តងទៀត។ ជាពិសេស រូបថតមួយចំនួនទទួលបានការចាប់អារម្មណ៍ពីសំណាក់មហាជន ក្រោយប្រទះឃើញសភាពមុខមាត់លោកប្រែជាហើមខ្លាំង។

យ៉ាងណាមិញ ក្នុងនោះមានការបញ្ចេញមតិយោបល់អំពីរូបរាងបច្ចុប្បន្នរបស់គាត់។ មនុស្សជាច្រើនជឿថាមុខរបស់គាត់មិនបានផ្លាស់ប្តូរច្រើនពីមុនទេ។ ប៉ុន្តែអ្វីដែលធ្វើឲ្យមនុស្សជាច្រើនភ្ញាក់ផ្អើលនោះ គឺការហើមមុខរបស់តារាសម្ដែងដ៏ល្បីរូបនេះ។

ជាពិសេស ពេលមើលឲ្យជិតមុខ Lee Min Ho ហាក់មានសភាពហើមគួរឲ្យកត់សម្គាល់ ដែលធ្វើឲ្យភាពស្រស់សង្ហារបស់គាត់ធ្លាក់ចុះខ្លាំង។ តាមពិតទៅ មានមតិមួយចំនួនបានលើកឡើងថា រូបរាងបច្ចុប្បន្នរបស់លោក ហាក់ដូចជាចាស់ជាងមុន បើប្រៀបធៀបទៅនឹងមនុស្សប្រុសដែលមានវ័យស្រកលោកដូចជា Hyun Bin ឬ Won Bin ។

លើសពីនេះទៀតដែរ អ្នកនិយមលេងអ៊ីនធឺណិតជាច្រើនបានសម្ដែងការភ្ញាក់ផ្អើលក្នុងការបញ្ចេញមតិអំពីរូបរាងបច្ចុប្បន្នរបស់ Lee Min Ho ដូចៗគ្នាថា “ខ្ញុំមិនស្គាល់គាត់ទាល់តែសោះ ពីមុន Lee Min Ho ធ្លាប់មើលទៅឡូយណាស់”។

តាមពិតទៅ នេះមិនមែនជាលើកទីមួយទេ ដែល Lee Min Ho ក្លាយជាប្រធានបទនៃការពិភាក្សា ដោយសារតែមុខហើមរបស់លោក ដែលបណ្តាលមកពីការឡើងទម្ងន់ខ្លាំង។ កន្លងមក ក្នុងព្រឹត្តិការណ៍មួយនៅប្រទេសថៃ តារាប្រុសរូបនេះ បានបង្កភាពចលាចលក្នុងចំណោមអ្នកគាំទ្រ ដោយសារតែមុខរាងមូល និងមិនសូវទាក់ទាញដូចពីមុន៕