ជីវិតកម្សាន្ដ

ម៉េង កែវពេជ្ជតា មោទនភាពឃើញភ្ញៀវអន្តរជាតិគាំទ្រផលិតផល និងម្ហូបខ្មែរ

បានផុស

៦ ខែ មុន

នៅ

ថ្ងៃពុធ ១៣ កញ្ញា ២០២៣

ដោយ

កំពូលតារាចម្រៀងអ្នកនាង ម៉េង កែវពេជ្ជតា បានសម្ដែងអារម្មណ៍រំភើបរីករាយ និងមោទនភាពខ្លាំងដែលបានចេញទៅច្រៀង និងសម្ដែងនៅលើទឹកដីប្រទេសបារាំងជាមួយកូនៗរបស់ខ្លួនក្នុងការបង្ហាញមុខម្ហូបប្រពៃណីខ្មែរជាអន្តរជាតិ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក្នុងដំណើរចេញទៅច្រៀង និងសម្តែងនៅប្រទេសបារាំង ពេលនេះតារាចម្រៀង ម៉េង កែវពេជ្ជតា ក៏បានបង្ហាញថា អ្នកនាងពិតជាសប្បាយចិត្តព្រោះបានបញ្ចេញកម្លាំងដើម្បីជាតិខ្មែរខ្លួនឯងពិសេសទៀតនោះ គឺពេលឃើញ ភ្ញៀវអន្តរជាតិគាំទ្រផលិតផល និងម្ហូបរបស់ខ្មែរ។

តារាចម្រៀងសំនៀងផ្អែម ម៉េង កែវពេជ្ជតា បានថ្លែងពីប្រទេសបារាំងថា ក្នុងការសម្តែងថ្ងៃទី២នាងកាន់តែសប្បាយ សប្បាយជាមួយពលរដ្ឋខ្មែរដែលបានចូលរួមសប្បាយ ព្រោះឃើញភ្ញៀវអន្តរជាតិគាំទ្រផលិតផល និងម្ហូបខ្មែរ សប្បាយព្រោះបានបញ្ចេញកម្លាំងដើម្បីជាតិ ខ្មែរខ្លួនឯង ។

អ្នកនាង ម៉េង កែវពេជ្ជតា បានបញ្ជាក់ថាជាថ្មីម្តងទៀតថា «សូមគោរពអរគុណឯកឧត្តម កេត សុផាន់ ឯកអគ្គរាជទូតកម្ពុជាប្រចាំប្រទេសបារាំង និងលោកជំទាវ ដែលបានរៀបចំកម្មវិធីបង្ហាញមុខម្ហូបខ្មែរ របាំបុរាណខ្មែរ និងបទចម្រៀងខ្មែរ និងអរគុណបងប្អូន ពូ មីង ប្រជាពលរដ្ឋខ្មែរដែលជាក្រុមការងារ»។

តារាចម្រៀងចាស់វស្សា ម៉េង កែវពេជ្ជតា បានបន្ថែមថា អ្នកនាងក៏អរគុណ ពុកម៉ែ ពូមីង ទស្សនិកជនដែលបានអញ្ជើញចូលរួមគាំទ្រម្ហូបខ្មែរផងនិងគាំទ្រសិល្បៈវប្បធម៌របស់ខ្មែរផង។

សូមជម្រាបថា ការចេញទៅនេះ អ្នកនាង ម៉េង កែវពេជ្ជតា ក៏បាននាំកូនៗទាំង ២ នាក់ គឺ ម៉េង ពេជ្ររតននៈ និង ម៉េង ពេជ្រតាសង្វាពេជ្រ នៅក្នុងកម្មវិធីបង្ហាញមុខម្ហូបប្រពៃណីខ្មែរជាអន្តរជាតិនៅប្រទេសបារាំង៕

អត្ថបទ៖ ចាន់រ៉ា