ការបដិសេធ​មិន​បន្តកុងត្រារបស់ Lisa ​​បង្ក​ឲ្យ​មាន​ការ​ព្រួយ​បារម្ភ​អំពី​អនាគត​ Blackpink

អ្នកគាំទ្រក្រុម Blackpink មានការងឿងឆ្ងល់អំពីអនាគតរបស់ក្រុមចម្រៀងនារី K-pop ដែលពួកគេចូលចិត្ត បន្ទាប់ពីមានសេចក្តីរាយការណ៍ថា Lisa បាន​បដិសេធ​មិន​បន្តកុងត្រា​ថ្មីជាមួយ​ផលិតកម្ម YG Entertainment ។

ក្នុងអំឡុងពេលនៃការប្រគំតន្ត្រី Born Pink នៅទីក្រុងសេអ៊ូលកាលពីថ្ងៃសៅរ៍ អ្នកគាំទ្រជាច្រើនបានក​ត់សម្គាល់ថា Jennie មើលទៅមានអារម្មណ៍ធ្លាក់ទឹកចិត្ត ដែលបង្កើត​ឲ្យ​មានការព្រួយបារម្ភ​អំពី​ការបន្តកិច្ចសន្យាក្នុងចំណោមអ្នកនិយមលេងអ៊ីនធឺណិត។

ទីភ្នាក់ងារព័ត៌មានកូរ៉េខាងត្បូង Star News បានរាយការណ៍ថា Lisa បានច្រានចោលការផ្តល់ជូន​បន្តកិច្ចសន្យារបស់ YG Entertainment ដែលមាន​ពាក្យចចាមអារ៉ាម​ថា មានតម្លៃប្រហែល ៥០ ពាន់លានវ៉ុន (ប្រហែល ៣៧.៦ លានដុល្លារ​អាមេរិក) ។ ដំណឹងនេះបានធ្វើឲ្យ​ភាគហ៊ុនរបស់ YG ធ្លាក់ចុះជិត ៩% កាលពីថ្ងៃសុក្រ ហើយមាន​ពាក្យចចាមអារ៉ាម​ទៀតថា ភ្នាក់ងារ​ជាច្រើនរួមទាំងអ្នកនៅក្នុងប្រទេសថៃបាននឹងកំពុងធ្វើការផ្តល់ជូនដល់ Lisa ។

ទោះបីជា YG ចេញសេចក្តីថ្លែងការណ៍មួយថាពួកគេកំពុងពិភាក្សាគ្នាក៏ដោយ ក៏អ្នកគាំទ្រជាច្រើនជឿថាព័ត៌មានអំពី Lisa បដិសេធមិនបន្តកុងត្រាគឺជាការពិត។ មានហេតុផលជាច្រើនដែលនាំឲ្យអ្នកគាំទ្ររបស់ Lisa គាំទ្រការសម្រេចចិត្តរបស់នាង រួមទាំងភាពខុសគ្នានៃប្រាក់ឈ្នួល និងការអនុវត្តការរើសអើងផ្សេងទៀត។

លើសពីនេះថែមទៀត នៅក្នុងថ្ងៃដំបូងនៃការបង្ហាញខ្លួនដំបូងរបស់ Blackpink អ្នកគាំទ្រកូរ៉េខាងត្បូងមួយចំនួនថែមទាំងបានអំពាវនាវឲ្យមានការបណ្តេញ Lisa ចេញពីក្រុម ដោយសារតែនាងជាជនជាតិថៃ។ ប្រព័ន្ធផ្សព្វផ្សាយកូរ៉េខាងត្បូងកំពុងប៉ាន់ស្មានថា នេះអាចស្ថិតក្នុងចំណោមកត្តាជាច្រើនដែលរួមចំណែកដល់ការសម្រេចចិត្តរបស់ Lisa ក្នុងការបដិសេធការបន្តកិច្ចសន្យា។

សូមបញ្ជាក់ថា ក្រុមដែលមានសមាជិកបួននាក់រួមមាន Jisoo, Rose, Jennie និង Lisa បានបង្ហាញខ្លួនជាលើកដំបូងនៅក្នុងខែសីហា ឆ្នាំ ២០២៦។ សិល្បករ K-pop ជាទូទៅចុះកិច្ចសន្យា​រយៈពេលប្រាំពីរឆ្នាំជាមួយភ្នាក់ងាររបស់ពួកគេ ដោយផ្តល់យោបល់ថាកិច្ចសន្យារបស់សមាជិក Blackpink នឹងផុតកំណត់នៅក្នុងខែសីហាឆ្នាំនេះ៕

ប្រែសម្រួល៖​ សាង ​ស្រីល័ក្ខ

ចុចអាន៖ប្រេះឆាស្នេហាភ្លាម Vill បញ្ចេញឈុតសិចស៊ីមួយអស់ដៃក្នុងកម្មវិធីមួយ