ជីវិតកម្សាន្ដ
BLACKPINK អាចមិនបន្តកុងត្រាជាមួយ YG តែក្រុមទំនងមិនរំសាយឡើយ
ព័ត៌មានបំបែកក្រុមរបស់ BLACKPINK កំពុងទទួលបានការចាប់អារម្មណ៍ពីប្រិយមិត្តគ្រប់ទិសទិ ជាពិសេស BLINKs តែម្ដង ត្បិតពួកគេបារម្ភក្រុមទាំងមូលនឹងរំសាយ ប្រសិនបើសមាជិកណាម្នាក់មិនបន្តកុងត្រាជាមួយផលិតកម្ម YG ហើយក្រោយពេលលេចឮពាក្យចចាមអារ៉ាមថា Rosé នឹងបន្តកិច្ចសន្យាថ្មីតែម្នាក់ឯង រឹតតែធ្វើឱ្យអ្នកគាំទ្រមិនសប្បាយចិត្ត។
កន្លងមកប្រភពព័ត៌មានផ្សេងៗគ្នាជាច្រើនអះអាងថា Lalisa បដិសេធបន្តកុងត្រាជាមួយផលិតកម្ម YG ដែលក្នុងនោះសូម្បី Jennie និង Jisoo ក៏មិនព្រមចុះកិច្ចសន្យាថ្មីដែរ។
លុះដល់ថ្ងៃទី២១ ខែកញ្ញា ព័ត៌មានពីគេហទំព័រ Sports Seoul របស់ប្រទេសកូរ៉េខាងត្បូង បានរាយការណ៍ថា Rosé នឹងក្លាយជាសមាជិកតែមួយគត់របស់ BLACKPINK ដែលបន្តកុងត្រាជាមួយផលិតកម្ម YG ខណៈ Jisoo, Jennie និង Lalisa បានច្រានចោលលក្ខខណ្ឌបន្តកុងត្រា។ ប៉ុន្តែអ្នកទាំងបីបានបង្ហាញចេតនាក្នុងការបន្តចូលរួមសកម្មភាពផ្សេងៗក្នុងនាមជាសមាជិក BLACKPINK។
ដំបូងឡើយ YG Entertainment បានកែប្រែកិច្ចសន្យាដើម្បីបំពេញតម្រូវការរបស់សមាជិកទាំង ៣ ដែលត្រៀមចាកចេញ ដោយបញ្ជាក់ថា សមាជិកនឹងចូលរួមក្នុងការផ្សព្វផ្សាយក្នុងនាម BLACKPINK សម្រាប់រយៈពេល ៦ខែក្នុងមួយឆ្នាំ ប៉ុន្តែព័ត៌មានលម្អិតច្បាស់លាស់មិនទាន់ប្រកាសជាផ្លូវការឡើយ ក្រោយពេលចចារគ្នា។
លើសពីនេះ Sports Seoul អះអាងដែរថា Jisoo និង Lalisa បានសម្រេចចិត្តចុះកិច្ចសន្យាជាមួយផលិតកម្មផ្សេងទៀតនៅក្នុង កូរ៉េខាងត្បូង ចំណែក Jennie នៅមិនទាន់ច្បាស់នៅឡើយទេ។
តាមប្រភពដដែលបញ្ជាក់ទៀតថា ទោះបីសមាជិក Lalisa, Jennie និង Jisoo បញ្ចប់កុងត្រាក្ដី ប៉ុន្តែក្នុងការប្រគំតន្ត្រីនៅទីក្រុងសេអ៊ូល កាលពីថ្ងៃទី១៧ ខែកញ្ញា Jennie បានប្រកាសនៅលើឆាកចំពោះមុខអ្នកគាំទ្រថា ពួកគេទាំង៤ នឹងនៅតែជាក្រុម BLACKPINK ព្រមទាំងសម្ដែងរួមគ្នាដដែល ទោះបីជាសមាជិកមួយចំនួនកំពុងផ្លាស់ប្តូរភ្នាក់ងារក៏ដោយ។ សម្ដីនេះបានធ្វើឱ្យអ្នកគាំទ្រ ក៏ដូចជាអ្នកកាសែតជាច្រើនសន្និដ្ឋានថា BLACKPINK អាចមិនបន្តកុងត្រាជាមួយ YG តែក្រុមទំនងមិនរំសាយនោះទេ។
ចំពោះព័ត៌មានទាំងនេះ YG Entertainment នៅតែចេញមុខបដិសេធ ថែមទាំងបញ្ជាក់ដដែលៗថា បច្ចុប្បន្នការបន្តកុងត្រាជាមួយ BLACKPINK នៅតែស្ថិតក្នុងការចរចារនៅឡើយ៕
ប្រែសម្រួល៖ សន្យា
ចុចអាន៖ Rosé ជាសមាជិក BLACKPINK តែម្នាក់គត់ ដែលបន្តកុងត្រាជាមួយ YG
-
ព័ត៌មានជាតិ១ សប្តាហ៍ agoពិធី “រៀបមង្គលការលេង” មួយគូ នៅវត្តបឹងត្រាវ ប្រមូលថវិកាសាងសង់វត្ត អបអរបុណ្យចូលឆ្នាំខ្មែរ
-
ព័ត៌មានជាតិ៦ ថ្ងៃ ago៦ថ្ងៃក្នុងព្រឹត្តិការណ៍ «នគរសង្ក្រាន្ត» មន្ទីរសុខាភិបាលរាជធានីភ្នំពេញ បានពិនិត្យ និងព្យាបាលជូនពលរដ្ឋជាង២ពាន់នាក់
-
ព័ត៌មានអន្ដរជាតិ៣ ថ្ងៃ agoខេត្ត Kochi នៅជប៉ុនផ្តល់ប្រាក់ ១២៥ដុល្លារឲ្យអ្នកនៅលីវ ចំណាយលើការណាត់ចួបបង្កើតស្នេហា
-
ព័ត៌មានជាតិ១ សប្តាហ៍ agoកម្ពុជារឹតបន្តឹង និងទប់ស្កាត់សំណល់អេឡិចត្រូនិក ខណៈអាស៊ីអាគ្នេយ៍កំពុងក្លាយជាគោលដៅថ្មី
-
ព័ត៌មានអន្ដរជាតិ៤ ថ្ងៃ agoត្រាំ ពន្លះ WSJ ថា ជាសារព័ត៌មានវង្វេងផ្លូវ និងជាកាកសំណល់នយោបាយ
-
ព័ត៌មានអន្ដរជាតិ៣ ថ្ងៃ agoវិមានក្រឹមឡាំង៖ ពូទីន ត្រៀមជួបហ្សេលេនស្គី ទាល់តែមានការចុះហត្ថលេខាលើកិច្ចព្រមព្រៀងសន្តិភាព
-
ព័ត៌មានជាតិ៧ ថ្ងៃ agoបដិសេធមិនឱ្យ សម រង្ស៊ី ចូលរួមការជួបជុំសមាគមខ្មែរនៅប៉ារីស គឺដើម្បីបញ្ចៀសការភ្ជាប់ជាមួយបុគ្គលនេះកំពុងជាប់ទោស
-
សន្តិសុខសង្គម២ ថ្ងៃ agoតុលាការខេត្តកំពត បង្គាប់ឲ្យឃុំខ្លួនមន្ត្រីនគរបាលដែលគប់កែវស្រាលើអ្នកចាប់ទឹកកកដាក់ពន្ធនាគារ