ជីវិតកម្សាន្ដ

ឃុំ ប៉ុណ្ណាដែត និង ភរិយា រំលេចខ្លួនស្លៀកពាក់ឈុតបុរាណថតលើទឹកដីអង្គរយ៉ាងស្រស់ស្អាត

បានផុស

៣ years មុន

នៅ

ថ្ងៃសុក្រ ២៩ កញ្ញា ២០២៣

ដោយ

រដូវបុណ្យភ្ជុំបិណ្ឌឈានចូលមកដល់ តារាចម្រៀងលោក ឃុំ ប៉ុណ្ណាដែត និងភរិយា អ្នកនាង យក់ ឋិតរដ្ឋា បានដឹកដៃគ្នាទៅថតរូបអនុស្សាវរីយ៍ដោយការស្លៀកឈុតបុរាណនៅលើទឹកដីអង្គរ យ៉ាងស្រស់ស្អាត។

រូបភាព ៣ សន្លឹក ដែលត្រូវបានលោក ឃុំ ប៉ុណ្ណាដែត បង្ហោះចែករំលែកនៅលើបណ្ដាញសង្គមថ្ងៃនេះ ទទួលបានការគាំទ្រយ៉ាងច្រើនពីសំណាក់មហាជនខ្មែរគ្រប់រូប។ ភ្ជាប់ជាមួយរូបភាពក្នុងឈុតប្រពៃណីបុរាណនៅលើទឹកដីអង្គរនេះដែរ តារាចម្រៀងជើងចាស់លោក ឃុំ ប៉ុណ្ណាដែត ក៏បានបញ្ចេញទស្សនៈរបស់ខ្លួនថា «សុំស្លៀកឈុតបុរាណថតជាមួយភរិយាបន្តិចលើទឹកដីអង្គរ នៃយើង»។

លោក ឃុំ ប៉ុណ្ណាដែត បញ្ជាក់ទៅកាន់អ្នកគាំទ្រទៀតថា «ប្រាសាទអង្គរវត្ត ជាដួងព្រលឹង នៃជាតិខ្មែរតែមួយគត់ដែលមិនអាចកាត់ថ្លៃបាន ដោយគ្មានជនបរទេស ឬ ជាតិសាសន៍ណាមួយមកតាំងខ្លួនជាម្ចាស់ ឬ ព្យាយាមបំភ្លៃបានទេ អ្នកអាចចម្លងរូបរាងបាន តែអ្នកមិនអាចចម្លងព្រលឹង នៃប្រាសាទបានទេ»។

ដោយឡែកបើងាកមកចាប់អារម្មណ៍លើជីវិតគូរបស់អ្នកនាង យក់ ឋិតរដ្ឋា និងស្វាមីឯណេះវិញឃើញថា អ្នកទាំងពីរស្រលាញ់គ្នាខ្លាំងណាស់ រហូតសាងសុភមង្គលដ៏ផ្អែមល្ហែម និងមានកូន ៣ នាក់ ជាចំណងដៃអាពាហ៍ពិពាហ៍ទៀតផង។