ជីវិតកម្សាន្ដ

ពេជ្រ សូលីកា ថា ជំងឺបាក់ទឹកចិត្ត ឬ បញ្ហាផ្លូវចិត្ត ជាឃាតកលាក់មុខ

បានផុស

១ year មុន

នៅ

ថ្ងៃព្រហស្បតិ៍ ១២ តុលា ២០២៣

ដោយ

តារាចម្រៀង និងសម្ដែង អ្នកនាង ពេជ្រ សូលីកា ចេញមកព្រមាន បំផុសឲ្យមហាជន ត្រូវប្រយ័ត្ននូវជំងឺបាក់ទឹកចិត្ត ឬ បញ្ហាផ្លូវចិត្ត ព្រោះវាជាឃាតកលាក់មុខដោយសម្លាប់យើងយ៉ាងស្ងៀមស្ងាត់បំផុត។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ជាការពិតចំពោះបញ្ហាជំងឺបាក់ទឹកចិត្តមិនមែនជារឿងលេងសើច ហើយរឹតតែមិនអាចធ្វេសប្រហែសដែរ ខណៈបច្ចុប្បន្នគេសង្កេតឃើញមានមនុស្សច្រើននាក់មកហើយ ពិសេសយុវវ័យតែម្ដង បានសម្រេចជ្រើសរើសវិធីដើម្បីបញ្ចប់ជីវិតខ្លួនឯង ព្រោះតែមិនអាចដោះស្រាយបញ្ហា ឬ ស្វែងរកអ្នកណាមកជួយពួកគេបាន។

បើងាកមកចាប់អារម្មណ៍តារាចម្រៀង ពេជ្រ សូលីកា បានបញ្ជាក់ថា សម្រាប់នាងគឺបានយល់ពីបញ្ហានេះច្បាស់ ព្រោះបច្ចុប្បន្ននាងផ្ទាល់ក៏កំពុងជួបរឿងបែបនេះផងដែរ។ អ្នកមេម៉ាយរូបស្រស់ ពេជ្រ សូលីកា បានលើកឡើងថា វាជាឃាតកលាក់មុខ និងអាចសម្លាប់យើងដោយស្ងៀមស្ងាត់បំផុត។

ពេជ្រ សូលីកា លើកឡើងទៀតថា «សូមថែរក្សាផ្លូវចិត្តខ្លួនឯងឲ្យបានល្អ ព្រោះថា ជំងឺបាក់ទឹកចិត្ត ឬ បញ្ហាផ្លូវចិត្ត គឺវាជាឃាតកលាក់មុខ និងអាចសម្លាប់យើងដោយស្ងៀមស្ងាត់បំផុត ខ្ញុំយល់ពីវាច្បាស់ ព្រោះខ្ញុំកំពុងជួបវាផ្ទាល់»។