ជីវិតកម្សាន្ដ

អែន ជី គ្រងឈុតអប្សរារំលេចសារ រួមគ្នាផ្សព្វផ្សាយ វប្បធម៌ អរិយធម៌ ប្រទេសកម្ពុជា

បានផុស

១ year មុន

នៅ

ថ្ងៃព្រហស្បតិ៍ ១៩ តុលា ២០២៣

ដោយ

អតីតតារាចម្រៀងអ្នកនាង អែន ជី បន្ទាប់ពីផ្អាកសិល្បៈមួយរយៈធំមក ថ្មីៗនេះស្រាប់តែលេចវត្តមានរបស់នាងនៅលើទឹកដីប្រាសាទអង្គរវត្តនៃខេត្តសៀមរាប ជាមួយការរំលេចការតុបតែងខ្លួនស្អាតប្លែកក្នុងទម្រង់ជាអប្សរា អង្គរ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ការបង្ហាញវត្តមានរបស់អតីតតារាចម្រៀងអែនជី នៅ លើទឹកដីអង្គរនេះមិនត្រឹមតែស្រស់ស្អាតក្នុងសំលៀកបំពាក់អប្សរានោះទេ តែនាងក៏បានរំលេចខ្លឹមសារអំពាវនាវមហាជនខ្មែររួមគ្នាផ្សព្វផ្សាយវប្បធម៌ អរិយធម៌ ប្រទេសកម្ពុជាផងដែរ។ ប្រការនេះបានធ្វើឲ្យមហាជន និងអ្នកដែលបានប្រើប្រាស់បណ្តាញសង្គមមានការគាំទ្រ ហើយសរសើរចំពោះទឹកចិត្តកូនខ្មែររូបនេះ។

អតីតតារាចម្រៀង អែន ជី បានភ្ជាប់រូបភាព និងខ្លឹមសារដែលមានអត្ថន័យថា «អប្សរាអង្គររួមគ្នាផ្សព្វផ្សាយវប្បធម៌ អរិយធម៌ ប្រទេសកម្ពុជា។ ស្វាគមន៍មកកាន់ទឹកដីអច្ឆរិយ “អង្គរវត្ត”រយលានស្នាមញញឹមដើម្បីផ្សព្វផ្សាយវប្បធម៌ អរិយធម៌ ប្រទេសកម្ពុជា ថែព្រលឹងដូនតាខ្មែរ កាលៈទេសៈណាក៏ដោយ ដើម្បីជាតិខ្មែរ ចូលរួមលើកស្ទួយវប្បធម៌ខ្មែរទាំងអស់គ្នាដើម្បីប្រទេសជាតិរបស់យើង។

ជាមួយគ្នានេះ អែន ជី ក៏បានបង្ហើបពីការត្រៀមបញ្ចេញចំណងដៃថ្មីរបស់ខ្លួននៅលើទឹកដីអង្គរដែរថា «រំភើបរកអ្វីប្រៀបផ្ទឹមពុំបានឡើយដោយត្រៀមផុសចំណង ដៃថ្មីលើទឹកដីអង្គរវត្តការលះបង់មួយនេះ គឺចេញពីបេះដូងពិត ។

យ៉ាងណាមិញ កាលពីប៉ុន្មានថ្ងៃមុននេះគេឃើញថា អែន ជី បានបញ្ចេញនូវឃ្លីបវីដេអូខ្លីមួយដោយភ្ជាប់ចំណងជើងថា “អរិយក្រុង អង្គរ “។ ក្នុងនោះក៏មានការបំផុសថារួមគ្នាផ្សព្វផ្សាយមរតកដូនតាខ្មែរដ៏អស្ចារ្យមានតែមួយគ្មាន២ មួយនេះទៅកាន់ពិភពលោកគោលដៅកូនខ្មែរតែមួយ គឺដើម្បីកម្ពុជា៕

អត្ថបទ៖ ចាន់រ៉ា