ជីវិតកម្សាន្ដ

ភឹម ស្រីនោ ត្រៀមឈុតតំណាងជាតិបង្ហាញលើឆាកអន្តរជាតិនៅប្រទេសវៀតណាម យប់នេះ

បានផុស

៣ years មុន

នៅ

ថ្ងៃសុក្រ ២០ តុលា ២០២៣

ដោយ

មហាជនបានដឹងហើយថា បវរកញ្ញាតំណាងកម្ពុជា ដែលជាម្ចាស់មកុដ Miss Grand Cambodia 2023 កញ្ញា ភឹម ស្រីនោ ពេលនេះកំពុងបង្ហាញវត្តមាន ដើម្បីប្រកួតលើឆាកអន្តរជាតិនៅទឹកដីប្រទេសវៀតណាម ត្រៀមដណ្ដើមមកុដ Miss Grand International 2023។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

សម្រាប់វត្តមានចូលរួមប្រកួតនៅលើទឹកដី នៃប្រទេសវៀតណាមនេះដែរ ជារឿយៗ បវរកញ្ញា ភឹម ស្រីនោ បានចេញមកស្នើសុំឲ្យមានការផ្តល់កម្លាំងចិត្តពីមហាជនអ្នកគាំទ្រ និងប្រជាជនកម្ពុជា ជាបន្តបន្ទាប់។ ដោយឡែក ថ្ងៃនេះ ស្រីនោ ក៏បានត្រៀមខ្លួនក្នុងការស្លៀកឈុតតំណាងជាតិបង្ហាញលើឆាកអន្តរជាតិនៅប្រទេសវៀតណាមផងដែរ។

ស្របពេលកំពុងត្រៀមខ្លួនក្នុងឈុតតំណាងជាតិ ស្រីស្អាត ភឹម ស្រីនោ បានលើកឡើងថា «សូមពុកម៉ែបងប្អូនទាំងអស់គ្នា កុំភ្លេចរង់ចាំតាមដានទស្សនាការប្រកួតឈុតតំណាងជាតិ ដែលនឹងផ្សាយផ្ទាល់តាមរយៈ YouTube GrandTV ចាប់ពីម៉ោង ៧ ល្ងាច តទៅ នៅឯទីក្រុងហូជីមិញ ប្រទេសវៀតណាម»។

ពិតណាស់មុនការចេញដំណើរទៅប្រកួតលើឆាកអន្តរជាតិកញ្ញាឯករបស់កម្ពុជា ភឹម ស្រីនោ បានខិតខំហ្វឹកហាត់ដោយយកចិត្តទុកដាក់ និងស្ទាត់ជំនាញ ដើម្បីតំណាងឲ្យកម្ពុជាចូលរួមប្រកួតលើឆាកអន្តរជាតិ Miss Grand International នៅទឹកដីប្រទេសវៀតណាម។

សម្រាប់ការចេញទៅប្រកួតរបស់ ភឹម ស្រីនោ នេះ នឹងនាំយកប្រទេសកម្ពុជា ទង់ជាតិកម្ពុជា វប្បធម៌ និងអរិយធម៌ដ៏ស្រស់ផូរផង់របស់កម្ពុជា ទៅបង្ហាញនៅលើឆាកអន្តរជាតិផងដែរ។ ជាការកត់សម្គាល់ មុនពេលចេញទៅប្រកួត ស្រីនោ បានត្រៀមខ្លួនរួចជាស្រេចពោរពេញដោយភាពជឿជាក់ ក្លាហាន ក្នុងនាមបវរកញ្ញាតំណាងកម្ពុជាចូលរួមប្រកួតលើឆាកអន្តរជាតិឆ្នាំនេះ៕

អត្ថបទ ៖ ចាន់រ៉ា