ជីវិតកម្សាន្ដ

តារាកំប្លែង ខ្ញុង ប្រតិកម្មដាក់ចំៗ លើនារីរូបស្រស់ម្នាក់

បានផុស

១ year មុន

នៅ

ថ្ងៃព្រហស្បតិ៍ ២ វិច្ឆិកា ២០២៣

ដោយ

តារាស្រីសម្ដីចាក់ទឹកមិនលិច អ្នកនាង ខ្ញុង ផ្ទុះប្រតិកម្មឆ្លើយតបយ៉ាងចាស់ដៃ ក្រោយនារីវ័យក្មេងម្នាក់ រិះគន់ប្រើពាក្យប្រមាថហាក់មានចេតនាជាន់ពន្លិច។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

តារាកំប្លែងអ្នកនាង ស្រេង សុកាន់ដា ហៅ ខ្ញុង កន្លងទៅ បានលង់ខ្លួនក្នុងរឿងបំណុលខ្ទង់កន្លះលានដុល្លារអាមេរិក ហើយប្រកាសតាំងជំហររបស់ខ្លួនថា នាងនឹងមិនទន់ជ្រាយតាមការជេរដៀលទេ ព្រោះភាពរឹងមាំមានតាំងពីដើមមកហើយ។

តែមិនបានប៉ុន្មាន ថ្មីៗនេះ ស្រាប់តែមានម្ចាស់គណនីឈ្មោះ Ka Love បានរិះគន់ថា «ជំពាក់លុយគេមិនគិតទេអញ គេផុសជេរពេញហ្វេសប៊ុក ពេញប្រទេសហើយ អត់ចេះឈឺចាប់សោះ ឆ្ងល់»។ ក្រោយឃើញការរិះគន់បែបនេះ ក៏ស្រាប់តែសាមីខ្លួន អ្នកនាង ខ្ញុង ក្តៅស្លឹកត្រចៀក ចេញមកពន្លះយ៉ាងចាស់ដៃទៅលើនារីរូបស្រស់រូបនោះ។ អ្នកនាង ស្រេង សុកាន់ដា ហៅ ខ្ញុង បានលើកឡើងថា «សរសេរអក្សរខ្មែរត្រូវ តែបេះដូង ចិត្ត គំនិត មិនមែនខ្មែរ មានតែជាតិសាសន៍ខុសគ្នាមួយចំនួនតូចដែលមានខួរក្បាលពោរពេញទៅដោយការជាន់ពន្លិច មើលងាយ។ អ្នកបម្រុងឲ្យខ្ញុំហ្នឹងឈឺចាប់ ដេកយំរាល់ថ្ងៃ មិនបាច់រកស៊ីអីមែន សូមឆ្លើយមើល»។

គួរជម្រាបថា បញ្ហា នៃការជំពាក់បំណុលនេះហើយ ទើបអ្នកនាង ខ្ញុង បានធ្លាក់ខ្លួនស្ទើរចំណុចសូន្យ ព្រោះការលក់ទ្រព្យសម្បត្តិអស់ខ្ទិចអស់ខ្ទីគ្មានសល់ពីខ្លួន។ ប៉ុន្តែអ្វីដែលគួរឲ្យសរសើរលើការតស៊ូនោះ បច្ចុប្បន្ន អ្នកនាង ខ្ញុង និងស្វាមី កំពុងខិតខំក្នុងការរកស៊ីស្ទើរគ្មានពេលសម្រាក ខណៈអាជីពកំប្លែងក៏ចាប់ផ្ដើមលេចមុខឡើងវិញនៅក្នុងក្រុមលោក សុវណ្ណរិទ្ធី ហៅ លោកតា វ៉ិចទ័រ៕

អត្ថបទ ៖ ចាន់រ៉ា