ជីវិតកម្សាន្ដ

ងិន ម៉ារ៉ាឌី ថា សង្គមជាតិរីកចម្រើនត្រូវការធនធានមនុស្សមានចំណេះ ក្នុងនោះក៏មានភេទទី៣

បានផុស

២ years មុន

នៅ

ថ្ងៃព្រហស្បតិ៍ ២ វិច្ឆិកា ២០២៣

ដោយ

ម្ចាស់មកុដ Miss Universe Cambodia 2021 អ្នកនាង ងិន ម៉ារីឌី បានចេញមកបញ្ជាក់ថា សង្គមជាតិ ប្រទេសជាតិ មួយមានការរីកចម្រើន គឺពិតប្រាកដណាស់ដែលត្រូវការ និងមានធនធានមនុស្សដែលប្រកបទៅដោយចំណេះដឹងសមត្ថភាព ដើម្បីជាប្រយោជន៍ទៅដល់សង្គមទាំងមូល។

ជាមួយគ្នានេះ អ្នកនាង ងិន ម៉ារ៉ាឌី ក៏បានលើកឡើងដោយស្នើអ្នកគាំទ្រថា រាល់ការនិយាយអ្វីមួយត្រូវតែមានការគិតគូឲ្យបានច្បាស់លាស់ និងប្រយ័ត្នពាក្យសម្តី។ ងិន ម៉ារ៉ាឌី បាននិយាយថា មុននិយាយអ្វីមួយត្រូវរៀនឆែកមើលបេះដូងរបស់អ្នកសិនថាតើមានកំហឹង ឬក៏ដឹងច្បាស់លាស់ដែរទេ?ភាពថ្លៃថ្នូររបស់មនុស្សគឺកើតឡើងចេញពីការចេះក្រែងចិត្តអ្នកដទៃ។

ម៉ារ៉ាឌី សង្កត់ធ្ងន់ទៀតថា “សង្គមជាតិ ប្រទេសជាតិមួយ មានការរីកចម្រើន គឺពិតប្រាកដណាស់ដែលត្រូវការធនធានមនុស្សដែលប្រកបទៅដោយចំណេះដឹង សមត្ថភាព ដើម្បីជាប្រយោជន៍ទៅដល់សង្គម ក្នុងនោះ ក៏មាន LGBTQ ដែរក្នុងការចូលរួមចំណែកទៅតាមសកម្មភាពល្អៗជាច្រើនហេតុអ្វីបានជាមនុស្សមួយចំនួន មើលរំលងរើសអើង និងបំផ្លាញទឹកចិត្តរបស់ពួកគេ?” ។

បវរកញ្ញា២០២១ អ្នកនាង ងិន ម៉ារ៉ាឌី បន្ថែមថា រៀនបើកចិត្តឲ្យទូលាយផ្តល់សិទ្ធិសេរីភាព ឱកាស ទៅដល់ពួកគាត់ក្នុងការជ្រើសរើសធ្វើជាខ្លួនឯងThe world makes you something that you’renot bu t you know inside what you are ។

គួររម្លឹកដែរថា កាលពីកន្លងទៅអ្នកនាង ងិន ម៉ារ៉ាឌី ដែលជាបវរកញ្ញាចក្រវាលកម្ពុជា២០២១ ក៏ធ្លាប់ចេញមុខអំពាវនាវដល់អ្នកគាំទ្រ និងមហាជនខ្មែរឲ្យបញ្ឈប់ការរើសអើងអ្នកស្រលាញ់ភេទដូចគ្នា៕

អត្ថបទ៖ ចាន់រ៉ា