ជីវិតកម្សាន្ដ

អ្នកគាំទ្រចិនខឹងខ្លាំង ក្រោយបុរសម្នាក់តែងខ្លួនជា Lisa

បានផុស

១ year មុន

នៅ

ថ្ងៃអាទិត្យ ៥ វិច្ឆិកា ២០២៣

ដោយ

បញ្ហាដ៏គួរឲ្យភ្ញាក់ផ្អើលមួយបានកើតឡើងក្នុងចំណោមអ្នកលេងអ៊ីនធឺណិតចិនម្ដងទៀត។ បន្ទាប់ពីព្រឹត្តិការណ៍ Halloween ចុងក្រោយ មានរូបភាពរបស់យុវជនម្នាក់តុបតែងខ្លួនជា Lisa សមាជិកក្រុម BLACKPINK សម្តែងក្នុងកម្មវិធី Crazy Horse Paris cabaret ដែលកំពុងតែមានការរិះគន់នៅក្នុងបណ្ដាញសង្គមចិនយ៉ាងខ្លាំង។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ការតុបតែង cosplay របស់យុវជនម្នាក់នេះ បានធ្វើឲ្យអ្នកនិយមលេងអ៊ីនធឺណែតនៅប្រទេសចិនមានការខឹងសម្បារយ៉ាងខ្លាំង ព្រមទាំងរិះគន់គាត់ថា លេងសើចពីបញ្ហារសើបរបស់អ្នកដទៃ និងមិនគាំទ្រការ cosplay នេះ ដែលអាចធ្វើឲ្យយុវវ័យចម្លងតាមថែមទៀត។

យ៉ាងណាមិញ ទាក់ទងនឹងបញ្ហានៃការ cosplay ជា Lisa ក្នុង Crazy Horse Paris មើលទៅ មិនត្រូវបានមហាជនចិនជំទាស់ទាំងស្រុងនោះទេ ព្រោះមនុស្សជាច្រើនគិតថា សព្វថ្ងៃពិធីបុណ្យ Halloween ផ្តល់ឱកាសឲ្យមនុស្សបាន cosplay ដូចតួអង្គផ្សេងៗទៀត ក្រៅពីគ្រាន់តែស្លៀកពាក់ជាខ្មោច ការស្លៀកពាក់ឲ្យដូចមនុស្សល្បីគឺមិនមានអ្វីថ្មីនោះទេ។

សូមរម្លឹកដែរ គណនី Weibo របស់ Lisa ត្រូវបានលុបចេញនិងមានប្រតិកម្មតបវិញពីអ្នកគាំទ្រចិន ដែលចាត់ទុកអាកប្បកិរិយារបស់សមាជិកក្រុម BLACKPINK ថាផ្ទុយនឹងសីលធម៌ល្អនៃវប្បធម៌អាស៊ី។ នេះត្រូវបានគេគិតថា ជាលទ្ធផលនៃការសម្តែងដ៏ចម្រូងចម្រាសរបស់នាងនៅក្នុងក្លិបកម្សាន្ត Crazy Horse ក្នុងទីក្រុងប៉ារីស ប្រទេសបារាំងកន្លងមក៕