លី ​លីនជា ​​បង្ហាញ​ខ្លួនលើ​ប្រព័ន្ធ​ផ្សព្វផ្សាយ ប្រាប់ទស្សនិកជន​ថា លោកមិនទាន់ស្លាប់ទេ

ដោយ​សារ​តែ​បញ្ហា​សុខភាពជាចម្បង ទស្សនិកជន​កម្រ​ឃើញ​រូបភាព​ Jet Li ឬ លីន​ លីនជា នៅលើប្រព័ន្ធ​ផ្សព្វផ្សាយ សង្គមដូចពីមុនណាស់។ ប៉ុន្តែតាមពិតទៅ តារា​ក្បាច់​គុន​ចិន​បង្ហាញ​ខ្លួន​តាម​ប្រព័ន្ធ​ផ្សព្វផ្សាយ​ដូច​ធម្មតា ហើយស្ទើរតែរៀងរាល់ឆ្នាំ តែងតែលេចឮនូវពាក្យចចាមអារ៉ាមអំពីការស្លាប់របស់លោក។​

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ទោះយ៉ាងនេះក្ដី កាលពីពេលថ្មីៗនេះដែរ លីន​ លីនជា បានបង្ហាញខ្លួននៅចំពោះអ្នកសារព័ត៌មានម្តងទៀត បន្ទាប់ពីធ្វើដំណើរជាច្រើនម៉ោងមកចូលរួមព្រឹត្តិការណ៍មួយដែលបង្ហោះដោយហ្វេសបុកឈ្មោះ Chinese entertainment news បង្ហាញរូបភាពរបស់លោក។

តាមរយៈរូបភាពប៉ុន្មានសន្លឹកនោះអាចបញ្ចាក់បានថា ទឹកមុខរបស់តារារៀមច្បងចិននៅតែស្រស់ថ្លាត្បិតមានសុខភាពមិនសូវគាប់ប្រសើរដូចកាលនៅវ័យកំលោះ។ ជាពិសេសលោកក៏បានត្រៀមខ្លួនស្វាគមន៍អ្នកគាំទ្រដោយនិយាយថា “អរុណសួស្តី ខ្ញុំមិនទាន់ស្លាប់ទេ!” “។

លី លីនជា ត្រូវបានទស្សនិកជនស្គាល់លោកយ៉ាងច្បាស់ថាជាតារាសម្តែងភាពយន្ត ផលិតករភាពយន្តសិល្បករក្បាច់គុន និង ម្ចាស់ជើងឯកវូស៊ូ ដែលចូលនិវត្តន៍។ លោកត្រូវបានគេចាត់ទុកថាជាតារាភាពយន្តចិនដ៏ល្បី បំផុតមួយរូប និងជាតារាក្បាច់គុនដ៏ល្បីបំផុតមួយរូបក្នុងជំនាន់របស់លោក៕

ប្រែសម្រួល៖ សាង ស្រីល័ក្ខ

ចុចអាន៖ទស្សនិកជនស្រែកពេញឆាក Miss Universe ក្រោយឃើញសម្រស់បវកញ្ញានេប៉ាល់