ពាក្យចចាមអារ៉ាមថា G-Dragon ​ត្រៀមហក់ចូល Galaxy គឺជាការពិត

នៅក្នុងឧស្សាហកម្មដ៏សំខាន់មួយតារាចម្រៀងកូរ៉េខាងត្បូង G-Dragon ត្រូវគេរាយការណ៍ថា លោកបានចុះហត្ថលេខាលើកិច្ចសន្យាផ្តាច់មុខជាមួយសាជីវកម្ម Galaxy រួចហើយ នេះបើយោងតាមរបាយការណ៍ផ្តាច់មុខពី Money Today បានចុះផ្សាយ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ប្រភពខាងក្នុងបានលើកឡើងថា ការចរចាររវាង G-Dragon និងសាជីវកម្ម Galaxy បានបញ្ចប់ដោយជោគជ័យ ដោយបង្ហាញពីការប្រកាសជាផ្លូវការកៀកនឹងមកដល់នាពេលខាងមុខនេះតែប៉ុណ្ណោះ។ អ្នកជិតដិតនឹងតារាប្រុសរូបនេះបានលួចបង្ហើបឲ្យដឹងថា អតីតសមាជិកក្រុម BIGBANG និងសាជីវកម្ម Galaxy បានឈានដល់កិច្ចព្រមព្រៀងលើកិច្ចព្រមព្រៀងកិច្ចសន្យាផ្តាច់មុខរួចរាល់។

ទោះយ៉ាងនេះក្ដី លោក Choi Yong Ho នាយកប្រតិបត្តិរបស់ក្រុមហ៊ុន Galaxy បានទាក់ទាញការចាប់អារម្មណ៍ពីប្រព័ន្ធផ្សព្វផ្សាយក្នុងអំឡុងពេលដែលលោកបានបំពេញតួនាទីជាប្រធានអមដំណើរប្រធានាធិបតីកូរ៉េ លោក Yoon Suk Yeol ទៅកាន់ប្រទេសអារ៉ាប៊ីសាអូឌីត និងកាតាក្នុងខែតុលា ឆ្នាំ ២០២៣។

ឆ្លើយតបទៅនឹងព័ត៌មានដែលបានលេចឮថ្មីៗនេះខាង Galaxy បានចេញសេចក្តីថ្លែងការណ៍មួយទៅកាន់ Money Today ដោយបដិសេធមិនផ្តល់ព័ត៌មានលម្អិតច្បាស់លាស់ណាមួយនោះទេ។​ Galaxy​ គ្រាន់តែប្រកាសជំហររបស់ខ្លួនថា “គ្មានអ្វីដែលយើងអាចបញ្ជាក់ជាផ្លូវការបានទេនៅពេលនេះ។ វាពិបាកសម្រាប់ពួកយើងក្នុងការផ្តល់ចម្លើយនៅពេលនេះ ដូច្នេះយើងនឹងចែករំលែកបន្ថែមទៀតនៅពេលដែលយើងអាចធ្វើបាន”។

សូមបញ្ជាក់ដែរថា ទីភ្នាក់ងារ Galaxy​ ត្រូវបានបង្កើតឡើងក្នុងឆ្នាំ ២០១៩ ផ្តោតលើបញ្ញាសិប្បនិមិត្ត, metaverse, ​ការអភិវឌ្ឍន៍ IP និងការផ្តល់អាជ្ញាបណ្ណ រួមជាមួយការបណ្តាក់ទុនទៅក្នុងផលិតកម្ម ការគ្រប់គ្រង និងពាណិជ្ជកម្ម។ សាជីវកម្មមួយនេះ បានដើរតួយ៉ាងសំខាន់ក្នុងការបង្កើតស៊េរីរឿងល្បីៗដូចជា “Physical: 100” និង “Street Woman Fighter” កន្លងមក៕

ប្រែសម្រួល៖ សាង ​ស្រីល័ក្ខ

ចុចអាន៖អ្នកលេងអ៊ីនធឺណេតកូរ៉េ ប្រតិកម្មនឹងក្រុម BLACKPINK ដែលយល់ព្រមបន្តកុងត្រាជាមួយ YG