ជីវិតកម្សាន្ដ

សារព័ត៌មានធំៗរាយការណ៍ថា V និង Jennie បានបញ្ចប់ទំនាក់ទំនងស្នេហាយូរណាស់មកហើយ

បានផុស

៤ ខែ មុន

នៅ

ថ្ងៃពុធ ៦ ធ្នូ ២០២៣

ដោយ

យោងតាមរបាយការណ៍របស់ JTBC ដែលជាប្រព័ន្ធផ្សព្វផ្សាយដ៏ល្បីរបស់កូរ៉េខាងត្បូង នៅថ្ងៃទី ០៦ខែធ្នូ បានឲ្យដឹងថា V សមាជិកក្រុម និង Jennie ក្រុម BLACKPINK បានបញ្ចប់ទំនាក់ទំនងរបស់ពួកគេជាយូរណាស់មកហើយ។

បើទោះជាកាលពីមុន ភ្នាក់ងាររបស់ V និង Jennie ដូចជា Big Hit Music និង YG Entertainment មិនបានបញ្ជាក់ថាតារាទាំងពីរមានទំនាក់ទំនងជាមួយគ្នានោះទេ។ ប៉ុន្តែគូស្នេហ៍មួយគូនេះត្រូវបានប្រព័ន្ធផ្សព្វផ្សាយចាប់អារម្មណ៍ពេលនៅជាមួយគ្នាជាច្រើនលើកមកហើយ។ អ្នកលេងអ៊ីនធឺណែត និងអ្នកគាំទ្រជាច្រើនជឿថា ទំនាក់ទំនងរបស់ពួកគេគឺពិតប្រាកដ ទោះបីជាវាមិនត្រូវបានបញ្ជាក់ជាផ្លូវការក៏ដោយ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក្នុងនោះផងដែរ ទាំង V និង Jennie ត្រូវបានគេប្រទះឃើញធ្វើដំណើរទៅកោះ Jeju ជាមួយគ្នា រួមទាំងការដើរចាប់ដៃគ្នាពេលនៅឯទីក្រុងប៉ារីស ប្រទេសបារាំង រហូតដល់ក្លាយជាដំណឹងធំជុំវិញពិភពលោកនៅពាក់កណ្តាលខែឧសភា។

ទោះជាយ៉ាងណាក៏ដោយ របាយការណ៍នៃការបែកគ្នាបានមកពី JTBC ប៉ុណ្ណោះ ខណៈដែល Big Hit Music និង YG Entertainment មិនរាយការណ៍ពីការបែកបាក់នោះទេ។ មិនទាន់មានសេចក្តីថ្លែងការណ៍ណាមួយត្រូវបានចេញផ្សាយនៅឡើយ។ បន្ថែមពីលើព័ត៌មានដ៏រសើបនាពេលថ្មីៗ សមាជិកក្រុម V, RM, Jimin, និង Jungkook ជិតចូលបម្រើយោធាហើយ ខណៈដែលថ្មីៗនេះ BLACKPINK បានបន្តកុងត្រាជាមួយ YG ជាស្ថាពរ៕