ជីវិតកម្សាន្ដ

Selena កំពុងមានទំនាក់ទំនងស្នេហាជាមួយមិត្តជិតស្និទ្ធរបស់ Justin Bieber

បានផុស

២ years មុន

នៅ

ថ្ងៃសៅរ៍ ៩ ធ្នូ ២០២៣

ដោយ

កាលពីព្រឹកថ្ងៃទី ០៨ ខែធ្នូ មានសេចក្ដីរាយការណ៍ថា Selena Gomez បានបញ្ជាក់ច្បាស់ៗថា នាងកំពុងមានទំនាក់ទំនងស្នេហាជាមួយនឹងតារារ៉េប និងផលិតករ Benny Blanco ជាមិត្តជិតស្និទ្ធរបស់ Justin Bieber ផងដែរ។

យោងតាមប្រភពព័ត៌មាន vietgiaitri បានឲ្យដឹងថា ថ្មីៗនេះ Selena បានចែករំលែករូបថតមួយសន្លឹក ដេកលើស្មារបស់ Benny Blanco ដោយក្តីស្រលាញ់ នៅលើទំព័រ Instagram ផ្ទាល់ខ្លួនរបស់នាង កាលពីព្រឹកថ្ងៃទី០៨ ខែធ្នូ ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក្រោយមកមានគេចោទសួរនាងថា Selena Gomez ត្រូវបានសង្ស័យថាមានទំនាក់ទំនងស្នេហាជាមួយផលិតករ Benny Blanco។ មិនបង្អង់យូរ តារាចម្រៀងស្រីកើតឆ្នាំ ១៩៩២ ក៏បានបញ្ចេញមតិខ្លីមួយថានេះគឺជាការពិត ក្រោមចំណងជើងថា Selena Gomez បានបញ្ជាក់ពីទំនាក់ទំនងរបស់នាង។

នៅពេលទំនាក់ទំនងជាមួយអ្នកគាំទ្រនៅក្នុងផ្នែកមតិ Selena បានផ្តល់ការសរសើរជាសាធារណៈដល់ Benny Blanco ដូចជា “គាត់គឺជាអ្វីគ្រប់យ៉ាងនៅក្នុងបេះដូងរបស់ខ្ញុំ, “គាត់គឺជារឿងល្អបំផុតសម្រាប់ខ្ញុំ”។ ក្នុងនោះដែរ នាងក៏មិនភ្លេចរិះគន់អតីតគូស្នេហ៍របស់ខ្លួន ពេលសរសើរ Benny ថា «គាត់ល្អជាងអ្នកណាដែលធ្លាប់ណាត់ជួបខ្ញុំ»។

គួរបញ្ជាក់ដែរថា Benny Blanco គឺជាមិត្តជិតស្និទ្ធរបស់ Justin Bieber យូរមកហើយ។ សិល្បករទាំង២នាក់នេះចាប់ផ្ដើមក្លាយជាមិត្តនឹងគ្នាតាំងពីឆ្នាំ២០០៩។ Benny កើតនៅឆ្នាំ ១៩៩៨ គឺនៅពីក្រោយការជោគជ័យជាបន្តបន្ទាប់ដោយតារាចម្រៀងកំពូលៗរបស់ពិភពលោកដូចជា Ed Sheeran, Justin Bieber, Halsey, Katy Perry, Maroon 5, Kesha, Britney Spears, Rihanna។ លើសពីនេះ លោកក៏បានសហការជាមួយ Selena’s ដែលជាមិត្តស្រីថ្មីថ្មោងដូចគ្នា៕