ជីវិតកម្សាន្ដ

តារាជប៉ុនម្នាក់ សារភាពប្រាប់អ្នកគាំទ្រត្រង់ៗ ក្រោយបែកធ្លាយវីដេអូអាសអាភាសលើអ៉ិនធើណេត

បានផុស

៣ years មុន

នៅ

ថ្ងៃអង្គារ ១៩ ធ្នូ ២០២៣

ដោយ

តារាស្រីជប៉ុននៃក្រុម Schrödinger no Inu បានបែកធ្លាយនូវឃ្លិបរួមរ័ក្សជាមួយបុរសម្នាក់លើបណ្ដាញអ៉ិនធើណេត ក្រោយមកនាងបានចេញមុខសុំទោសអ្នកគាំទ្រ ហើយសារភាពថា ខ្លួនពិតជាបានប្រព្រឹត្តខុស និងទទូចឲ្យចាត់វិធានការចំពោះអ្នកដែលបញ្ចេញវីដេអូនេះ។

សមាជិកក្រុម Schrödinger no Inu គឺ Mona នាពេលថ្មីៗនេះនាងបានចាត់វិធានការដោយសរសេរសារបង្ហាញពីករណីបែកធ្លាយឃ្លិប 18+ របស់នាង ដែលត្រូវបានផ្សព្វផ្សាយនៅលើបណ្តាញសង្គមរហូតដល់មានការរិះគន់យ៉ាងចាស់ដៃសំណាក់អ្នកគាំទ្រ។

ក្នុងករណីនេះ Mona បានទទួលស្គាល់ការពិតថា នារីដែលលេចមុខក្នុងឃ្លិបនោះគឺជានាងពិតជាមែន ក្នុងនោះនាងក៏បានសុំទោសចំពោះទង្វើដែលធ្វេសប្រហែសរបស់ខ្លួនកន្លងមក។ ហើយសុំឲ្យមានវិធានការលើឃ្លិបនោះជាពិសេសអ្នកដែលបង្ហោះវាជាសាធារណៈ។

ទោះយ៉ាងណាក៏ដោយសមាជិកក្រុម Schrödinger no Inu រូបនេះធ្លាប់បានបង្ហោះនៅលើគណនី X ផ្ទាល់ខ្លួនថានាងសុំទោសដោយស្មោះ ចំពោះបញ្ហាដែលបានកើតឡើងជាលទ្ធផលនៃសកម្មភាពដែលមិនចេះខ្វល់ខ្វាយរបស់នាងនាពេលកន្លងមក។ ពេលនេះនាងបានទៅពិគ្រោះជាមួយប៉ូលិស និងមេធាវី ហើយដោយមានការសហការពីភ្នាក់ងារពួកគេកំពុងដំណើរការប្រមូលគណនីរបស់មនុស្សដែលបានចែករំលែកព័ត៌មានបែបនេះ នឹងសម្រេចចាត់វិធានការតាមផ្លូវច្បាប់ចំពោះអ្នកដែលបែកធ្លាយឃ្លិប។

សូមបញ្ចាក់ដែរថា Schrödinger no Inu គឺជាក្រុមតារាជប៉ុនដែលមានសមាជិក ៤នាក់ បង្កើតឡើងក្នុងខែវិច្ឆិកា ឆ្នាំ ២០២០ ជាមួយនឹងតន្ត្រីនៅក្នុងរចនាប័ទ្ម EDM x Rock ជាស្របពេលដែល Mona បង្ហាញខ្លួនជាសមាជិកក្រុមនៅក្នុងខែសីហា ឆ្នាំ ២០២២ ៕