ជីវិតកម្សាន្ដ

ម្ចាស់បទ “មុខសញ្ញា” ជួបទុក្ខធំក្នុងគ្រួសារ

បានផុស

៥ years មុន

នៅ

ថ្ងៃព្រហស្បតិ៍ ១១ កុម្ភៈ ២០២១

ដោយ

តារាចម្រៀងស្រីម្ចាស់បទ “មុខសញ្ញា” កញ្ញា គង់ ចាន់រដ្ឋា និងក្រុមគ្រួសារពេលនេះ បានជួបទុក្ខដ៏ក្រៀមក្រំ ខណៈលោកយាយជាទីស្រលាញ់បានទទួលមរណភាព កាលពីថ្ងៃទី១០ ខែកុម្ភៈកាលពីម្សិលមិញ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ដំណឹងមរណទុក្ខដ៏ក្រៀមក្រំនេះ បានធ្វើឲ្យអ្នកគាំទ្រនិងមិត្តភក្តិរួមអាជីពសិល្បៈជាច្រើនសម្តែងអារម្មណ៍សោកស្តាយ ហើយចូលរួមរំលែកទុក្ខគ្រប់គ្នា។ កញ្ញា គង់ ចាន់រដ្ឋា បានបញ្ជាក់ប្រាប់កម្ពុជាថ្មីថា លោកយាយរបស់ខ្ញុំគាត់ឈ្មោះ យិន គីម បានទទួលអនិច្ចកម្មកាលពីម្សិលមិញក្នុងអាយុ៧៩ឆ្នាំ ដោយជរាពាធ។ កញ្ញា គង់ ចាន់រដ្ឋា បានបញ្ជាក់ថា ចំពោះកម្មវិធីបុណ្យសព បានតម្កល់ទុកធ្វើបុណ្យនៅលើសាលាធម្មឬសាលាឆាន់វត្តដំណាក់ក្រុងសៀមរាប។ កម្មវិធីបុណ្យនឹងប្រព្រឹត្តទៅកាលពីរសៀលថ្ងៃពុធ ទី១០ ខែកុម្ភៈ ឆ្នាំ២០២១រហូតដល់ថ្ងៃសុក្រនៅវេលាម៉ោង២ រសៀលដង្ហែសពទៅកាន់ឈាបនដ្ឋានវត្តដំណាក់ និងនៅព្រឹកថ្ងៃសៅរ៍ទី១៣ខែឆ្នាំដដែល គឺធ្វើបុណ្យឆ្លងដាក់បាត និមន្តព្រះសង្ឃទេសនា រួចឆាន់ជាកិច្ចបង្ហើយចប់។

តាមរយៈដំណឹងនេះ គេសង្កេតឃើញមានអ្នកសិល្បៈនិងទស្សនិកជនមួយចំនួនបានសម្តែងការសោកស្តាយនូវមរណទុក្ខដ៏ក្រៀមក្រំនេះ ជាមួយតារាចម្រៀងស្រីសម្បុរស្រអែមស្រស់កញ្ញា គង់ ចាន់រដ្ឋា និងក្រុមគ្រួសារនាង ផងដែរ៕