ជីវិតកម្សាន្ដ

ប៉ុស្តិ៍លេខ៣ ត្រៀមជំរុញតារាសម្ដែងប្រុសថ្មី ឲ្យពូកែដើរតាមគន្លង Mark និង Nadech

បានផុស

៣ years មុន

នៅ

ថ្ងៃសុក្រ ២២ ធ្នូ ២០២៣

ដោយ

ប៉ុស្តិ៍លេខ៣ថៃបាននិងកំពុងជំរុញតារាសម្ដែងចំណូលថ្មីលោក Wu Kittiphon បន្ទាប់ពីទើបបង្ហាញខ្លួនក្នុងរឿងភាគមួយរបស់ទូរទស្សន៍ប៉ុស្តិ៍នេះដោយមានចំណងជើងថា “Tricky in Love” ក្នុងនាមជាតួឯកប្រុសនិងជាស្នាដៃបង្កើតរបស់អ្នកចាត់ការ A Supachai ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ត្បិតថាក្នុងភាពយន្តមួយនេះជារឿងដំបូងនិងថ្មីស្រឡាងសម្រាប់លោកក្ដី ប៉ុន្តែយ៉ាងណា តារាសម្ដែងវ័យក្មេងរូបនេះហាក់ធ្វើបានយ៉ាងល្អប្រសើរ។ ដែលនេះបង្ហាញថាលោកបានត្រៀមខ្លួនជាស្រេចដើម្បីទទួលបានជោគជ័យតាមគន្លងរបស់លោក Mark-Nadech ជាតារារៀមច្បងកំពុងសាងកេរ្ត៍ឈ្មោះល្បីរន្ទឺ។

លើសពីនេះថែមទៀតដែរ ងាកទៅកាន់ប៉ុស្តិ៍លេខ៣ឯណោះវិញក៏កំពុងតែជំរុះដុះខាត់នូវជំនាញបន្ថែមលើ Wu Kittiphon ខណៈដែលរឿងភាគដំបូងរបស់តួឯកប្រុសរូបបានទទួលការគាំទ្រយ៉ាងច្រើនលើសលុបពីសំណាក់អ្នកគាំទ្រនិងទស្សនិកជន។

សួមបញ្ចាក់ឲ្យដឹងថា Wu Kittiphon គឺជានិស្សិតបរទេសបានបញ្ចប់ការសិក្សាពីសាកលវិទ្យាល័យ Washington Bothell សហរដ្ឋអាមេរិក បច្ចុប្បន្នមានអាយុ ២៥ឆ្នាំ។ បើទោះបីជាទើបប្រឡូកក្នុងវិស័យសិល្បៈថ្មីថ្មោងយ៉ាងណាក៏ដោយ ប៉ុន្តែអ្នកគាំទ្រជាច្រើនជឿជាក់យ៉ាងមុតមាំថា ទៅថ្ងៃមុខ Wu Kittiphon អាចនឹងជំនួសតំណែងរបស់តារាជួរមុខ Mark និង Nadech ជាក់ជាមិនខានឡើយ៕

សូមទស្សនានូវរូបភាពខាងក្រោម៖