ជីវិតកម្សាន្ដ
ស្នាដៃភាពយន្តថ្មីរបស់លោក ឆាយ បូរ៉ា ធ្វើឱ្យអ្នកចូលរួមពិធីសម្ពោធ យល់ថា ជារឿងមិនធ្លាប់បានឃើញពីមុន
ក្រោយពីបានចូលរួម ពិធីសម្ពោធការចាក់បញ្ចាំងភាពយន្ត «រឿង អ៊ំចនម៉ែដោះ» កាលពីល្ងាចថ្ងៃទី១៥ ខែមករា ឆ្នាំ២០២៤ សិល្បករ-សិល្បការិនី និងសាធារណជនជាច្រើន បានបញ្ចេញមតិសាទរចំពោះស្នាដៃភាពយន្តថ្មី របស់លោក ឆាយ បូរ៉ា ថាមិនត្រឹមតែជាភាពយន្តបែបកំប្លែងប៉ុណ្ណោះទេ តែមានតម្លៃអប់រំ និងថែមទាំងបានរំលេចនូវរបាំប្រពៃណី ក៏ដូចជាគុនខ្មែរ ក្នុងទស្សនីយភាពនៃភាពយន្តថែមទៀត។
ពិធីសម្ពោធការចាក់បញ្ចាំង រឿង អ៊ំចនម៉ែដោះ កាលពីល្ងាចថ្ងៃទី១៥ ខែមករា ឆ្នាំ២០២៤ បានប្រព្រឹត្តិធ្វើឡើង នៅរោងភាពយន្ត Major Cineplex (អុីអន១) ដោយមានការចូលរួមពីលោក ហាប់ ទូច រដ្ឋលេខាធិការប្រចាំការក្រសួងវប្បធម៌ និងវិចិត្រសិល្បៈ ថ្នាក់ដឹកនាំស្ថាប័ន-ក្រសួង ផលិតករ សិល្បករ-សិល្បការិនី អ្នកសារព័ត៌មាន និងសាធារណជន។ ពិធីសម្ពោធភាពយន្តរបស់លោក ឆាយ បូរ៉ា លើកនេះ ក៏បាននាំយកទិដ្ឋភាពល្ខោនខោល សម្តែងនៅលើឆាកកម្មវិធីផងដែរ។
បន្ទាប់ពីការចាក់បញ្ចាំង រឿង អ៊ំចនម៉ែដោះ ឱ្យអ្នកចូលរួមបានទស្សនាកាលពីយប់ម្សិលមិញនេះ សិល្បករ-សិល្បការិនី និងសាធារណជនជាច្រើន បានសម្តែងការសាទរចំពោះភាពយន្តថ្មីនេះ និងបញ្ចេញមតិស្រដៀងគ្នាថា រឿង អ៊ំចនម៉ែដោះ ថាជារឿងកំប្លែងមនោសញ្ចេតនា គឺមានឆាកសម្តែងថ្មីៗ ដែលអ្នកគាំទ្ររឿងនៅរោងភាពយន្ត មិនធ្លាប់បានឃើញពីមុន។
បើតាមលោក ឆាយ បូរ៉ា ភាពយន្តថ្មីនេះ ជាភាពយន្តបែបកំប្លែង ដែលបង្កប់ដោយការអប់រំពីជីវិត និងការតស៊ូដើម្បីជីវភាពរស់នៅ និងថែមទាំងឆ្លុះបញ្ចាំងពីសង្គមបច្ចុប្បន្នផងដែរ។ ផលិតករជើងចាស់រូបនេះ ជឿជាក់ថា ភាពយន្តថ្មី ដែលលោកខិតខំប្រឹងប្រែងសម្រិតសម្រាំងឡើងមកនេះ នឹងធ្វើឱ្យអ្នកទស្សនា ទទួលបានទស្សនីយភាពថ្មីប្លែកបន្ថែម លើភាពយន្តជាតិ និងអន្តរជាតិ ដែលចាក់បញ្ចាំងកន្លងមក។
គួរជម្រាបថា ភាពយន្តរឿង អ៊ំចនម៉ែដោះ ជាភាពយន្តជីវិតបែបកំប្លែង ដែលនិពន្ធដោយ លោក ឆាយ បូរ៉ា និងលោកស្រី កូវ សុធារី ដឹកនាំរឿងដោយ លោក ឆាយ បូរ៉ា និងលោក ឆាយ បូរ៉ាពី ដោយមានការចូលរួមសម្តែងពី សិល្បករ-សិល្បការិនីល្បីៗជើងចាស់ជាច្រើន រួមមាន លោក ជួង ជី (នាយកុយ); លោក ទេពរិនដារ៉ូ; អ្នកស្រី អុន សុភឿន (គ្រត); អ្នកនាង ឌី សូនីតា ព្រមទាំងតារាជាច្រើនរូបទៀត។ ភាពយន្តនេះ នឹងចាក់បញ្ចាំងជាផ្លូវការនៅគ្រប់រោងភាពយន្ត ក្នុងព្រះរាជាណាចក្រកម្ពុជា ចាប់ពីថ្ងៃទី១៨ ខែមករា ឆ្នាំ២០២៤ តទៅ៕
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ៧ ថ្ងៃ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ៤ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ព័ត៌មានអន្ដរជាតិ៦ ថ្ងៃ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង