ជីវិតកម្សាន្ដ

ម្ដាយ Coco Lee យំក្នុងថ្ងៃខួបកំណើតកូន ខណៈគ្រួសារមិនទាន់ស្ងប់ចិត្តការស្លាប់របស់នាង

បានផុស

២ years មុន

នៅ

ថ្ងៃអង្គារ ២៣ មករា ២០២៤

ដោយ

នៅល្ងាចថ្ងៃទី ០៥ ខែកក្កដា ឆ្នាំ២០២៣ គ្រួសាររបស់ Coco Lee ស្រាប់តែប្រកាសថា តារាចម្រៀងរូបនេះបានទទួលមរណភាពហើយ ហេតុការណ៍នេះមានការភ្ញាក់ផ្អើលនិងសោកស្ដាយដល់អ្នកគាំទ្រទូទាំងអាស៊ី។ ដ្បិតថានាងទទួលមរណភាពច្រើនខែក្ដី ប៉ុន្តែក្រុមគ្រួសារតារាស្រីអាមេរិកនៅមិនទាន់អស់ចិត្កនូវឡើយទេ។

យោងតាមការចុះផ្សាយពីកាសែត Sinchew មនុស្សដែលស្រលាញ់ Coco Lee បានប្រមូលផ្តុំគ្នារៀបចំផ្កា និងអំណោយសម្រាប់នាងនៅឯសួន Coco Lee Memorial Garden ក្នុងឧទ្យាន Shimenfeng ទីក្រុង Wuhan ដែលធ្វើឲ្យតំបន់ទាំងមូលមើលទៅដូចជាសមុទ្រផ្កា។ ពួកគេក៏បានរៀបចំពិធីខួបកំណើតដោយអញ្ជើញក្រុមគ្រួសារតារាចម្រៀងសំឡេងស្រទន់ មកចូលរួមនៅពេលរសៀលផងដែរ ។ សិល្បករជាច្រើនបានផ្ញើផ្កាទៅកាន់ព្រឹត្តិការណ៍នេះ រួមជាមួយនឹងកាតជូនពរ Coco Lee ឲ្យសម្រាកដោយសន្តិភាព។

ក្នុងនោះផងដែរ ម្តាយរបស់ Coco Lee ក៏បង្ហាញវត្តមានចូលរួមក្នុងកម្មវិធីខួបកំណើតកូនស្រីខ្លួន ជាមួយនឹងកូនស្រីច្បងស្ពីរនាក់របស់គាត់។ ក្រុមគ្រួសាររបស់ម្ចាស់បទ Before I Fall In Love ត្រូវបានអញ្ជើញឲ្យធ្វើជាអធិបតីក្នុងពិធីនេះក្នុងនាមគ្រួសារ ដោយដំបូងឡើយ ម្ដាយបង្កើត Coco Lee បានបង្ហាញខ្លួននៅលើឆាកញញឹមពព្រឹម ប៉ុន្តែក្រោយមកគាត់ស្រាប់់តែយំយ៉ាងខ្លាំង រហូតមិនអាចបន្តព្រឹត្តិការណ៍នេះតទៅទៀតបាន ដូច្នេះហើយ បងស្រីទាំងពីររបស់ Coco Lee ត្រូវរៀបចំសកម្មភាពជំនួសម្ដាយ។

ថ្វីបើគ្មានវត្តមានប្អូនស្រីក្នុងពិធីអបអរខួបកំណើត តែបងស្រីរបស់ Coco Lee ឈ្មោះ Nancy បាននិយាយទាំងញញឹមថា ឆ្នាំ ២០២៣ គឺជាឆ្នាំដ៏លំបាកបំផុតសម្រាប់គ្រួសាររបស់នាង។ នាងសង្ឃឹមថាអ្នកគាំទ្រ និងមិត្តភក្តិនឹងចងចាំរឿងល្អៗដែលតារាចម្រៀងស្រីរូបនេះបន្សល់ទុក ហើយរស់នៅប្រកបដោយភាពវិជ្ជមាន និងពោរពេញដោយថាមពល។

ដោយឡែក យោងតាមប្រភពមួយទៀតពី St Headline បាននិយាយថា Coco Lee បានទុកទ្រព្យសម្បត្តិទាំងអស់របស់នាងទៅឲ្យម្តាយអាយុ ៨៦ ឆ្នាំ។ ស្របពេលដែលសារព័ត៌មាន Yahoo ផ្សាយថា ទ្រព្យសម្បត្តិរបស់ Coco Lee លើសពី ១២៨លានដុល្លារអាមេរិក ។ ទ្រព្យសម្បត្តិដែលតារាចម្រៀង Coco Lee បន្សល់ទុករួមមាន អចលនទ្រព្យ ភាគហ៊ុនក្រុមហ៊ុន, ចំណូលពីការផលិតចម្រៀង ការចូលរួមកម្មវិធីទូរទស្សន៍។

សូមជម្រាបជូនថា ឈ្មោះពិតរបស់ Coco Lee គឺ Ly Van នាងជាតារាចម្រៀងហុងកុង-អាមេរិក ដែលមានសម្រស់ដ៏ស្រស់ស្អាត ទឹកដមសំឡេងផ្អែមខ្លាំងអាចអន្ទងឲក្យអ្នកស្ដាប់អន្លង់អន្លោចទៅតាមសំនៀងរបស់នាង។ តារាស្រីសញ្ចាតិអាមេរិករូបនេះ មានបទចម្រៀងល្បីៗជាច្រើនដូចជា៖ Before I Fall In Love, Just no other way ដែលល្បីបំផុតក្នុងអាជីពសម្ដែងរបស់ Coco Lee។ ល្បីល្បាញបំផុតក្នុងអាជីពសិល្បៈរបស់ Coco Lee គឺបទចម្រៀង A love before time ដែលជាបទភ្លេងនៃខ្សែភាពយន្ត Crouching Tiger, Hidden Dragon ៕