លេចមុខអតីតម្ចាស់មកុដ MGI បវរកញ្ញា Thuy Tien មកកម្ពុជាយ៉ាងភ្ញាក់ផ្អើល

កាលពីថ្ងៃទី ២១ ខែមករា ឆ្នាំ២០២៤ ​ បវរកញ្ញា Nguyen Thuc Thuy Tien និងជាម្ចាស់មកុដកម្មវិធីប្រកួតសម្រស់ Miss Grand International 2021 ស្រាប់តែបង្ហាញវត្តមានយ៉ាងភ្ញាក់ផ្អើលបំផុតលើទឹកដីនៃប្រទេសកម្ពុជា ដើម្បីធ្វើ​សកម្មភាព​សហគមន៍។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

យោងតាមការបង្ហោះពីគណនី IG របស់នាងផ្ទាល់ បានបង្ហាញពីឃ្លិបវីដេអូនៃសកម្មភាពសប្បុរសធម៌ដោយរូបនាងបានចែកអំណោយដល់សិស្សានុសិស្ស និងថ្លែងសុន្ទរកថាពេញដោយស្នាមញញឹមលើផ្ទៃមុខ។ អ្វីដែលកាន់តែចាប់អារម្មណ៍ខ្លាំងពីវត្តមានរាជនីសម្រស់របស់វៀតណាម បានធ្វើឲ្យអ្នកគាំទ្រមានអារម្មណ៍សប្បាយរីករាយយ៉ាងក្រៃលែងនិងថែមទាំងយកទូរស័ព្ទរបស់ពួកគេ ដើម្បីថតរូបភាពជាមួយអាយដលរៀងៗខ្លួនទៀតផង។

យ៉ាងណាក៏ដោយ វាមិនមែនេះជារឿងចម្លែកនោះទេដែល Thuy Tien ​ទទួលបានការស្វាគមន៍យ៉ាងកក់ក្ដៅពីសំណាក់អ្នកគាំទ្រក្នុងប្រទេសកម្ពុជា។ ក្នុងពេលដែលកម្មវិធីប្រកួត Miss Grand International មានភាពល្បីល្បាញខ្លាំងក្នុងទ្វីបអាស៊ី និងទទួលបានអ្នកគាំទ្រជាច្រើន នរណាក៏ស្គាល់ថានាងជាម្ចាស់មកុដ MGI ដែលរកចំណូលបានច្រើនលើសលុប ដូច្នេះហើយ នាងងាយនឹងទទួលស្គាល់និងមានមនុស្សកោតសរសើរ នៅពេលធ្វើសកម្មភាពសប្បុរសធម៌នៅកម្ពុជា។

នេះ​ក៏ជា​លើក​ទី​មួយ​ហើយ​ ដែលអតីតម្ចាស់មកុដ MGI រូបនេះបានធ្វើដំណើរមកកាន់​ប្រទេស​កម្ពុជា​ ដើម្បី​ធ្វើ​សកម្មភាព​មនុស្សធម៌។ កាលពីមុន រូបនាងបានធ្វើការជាមួយក្រុមរបស់ Quang Linh Vlog ដើម្បីជួយ និងសាងសង់អណ្តូងទឹកស្អាតសម្រាប់ប្រជាជនអាហ្វ្រិក។

សូមជម្រាបជូនថា មុនមកដល់ប្រទេសកម្ពុជា បវរកញ្ញា Thuy Tien បានផ្ទុះនូវរឿងអាស្រូវកក្រើកប្រទេសពាក់ព័ន្ធនឹងអំពើពេស្យាចារ កាលពីថ្ងៃទី ០៣ ខែវិច្ឆិកា ឆ្នាំ២០២៣ បានបង្កឲ្យមានការភ្ញាក់ផ្អើលយ៉ាងខ្លាំង ដល់ថ្នាក់រូបនាងផ្ទាល់បានបាត់មុខមួយរយៈធំពីបណ្ដាញអ៉ិនធើណេត។ ក្រោយមក កាលពីល្ងាចថ្ងៃទី ១៤ ខែវិច្ឆិកាឆ្នាំដដែល នាងស្រាប់តែបានបង្ហាញខ្លួនលើកដំបូងក្នុងកម្មវិធីសម្ពោធរឿងមួយ និងនៅតែទាក់ទាញការចាប់អារម្មណ៍ខ្លាំងពីក្រុមអ្នកសារព័ត៌មាននិងភ្នែកមហាជនដដែល៕

អត្ថបទ៖ សាង ស្រីល័ក្ខ

ចុចអាន៖តារ៉ាម៉ូដែលស៊ិចស៊ី វៀតណាម ដែលកាត់ទោសជាប់ពន្ធនាគារកក្រើកប្រទេស មានជីវិតតស៊ូខ្លាំង