ជីវិតកម្សាន្ដ
ឈុតពណ៌មាសរបស់ Lisa លើឆាកប្រគំតន្រ្តីបារាំង ច្នៃម៉ូដដោយបុរសសង្ហាម្នាក់
Lisa សមាជិកក្រុម BLACKPINK បានបង្ហាញខ្លួនក្នុងកម្មវិធីសប្បុរសធម៌មួយនៅ កីឡដ្ឋាន Accor Arena ក្នុងការប្រគំតន្រ្តី Gala des pieces jaunes ដោយបានប្រារព្ធឡើង ថ្ងៃទី ២៦ ខែមករា ឆ្នាំ ២០២៤ (ម៉ោងក្នុងស្រុក) ប្រទេសបារាំង។
![](https://www.kampucheathmey.com/wp-content/uploads/2024/01/image-1688.png)
នៅលើឆាកប្រគំតន្រ្តី Le Gala des Pièces Jaunes សមាជិកក្រុម BLACKPINK រូបនេះ បានបង្ហាញខ្លួនក្នុងឈុតពណ៌លឿងភ្លឺចែងចាំង និងលោហធាតុរិបរាងដ៏តឹងណែន មើលឃើញកាន់តែច្បាស់ជាងមុនទ្វេដង។ ចំណែកវីដេអូពីការសម្តែងនៃក្បាច់រាំដ៏ទន់ល្វត់ល្វន់ អមនឹងចម្រៀងបែប Solo របស់នាង បានល្បីពេញអ៊ីនធឺណិត។ ក្នុងពេលដែល តារាចម្រៀង K-pop បានបញ្ចេញកាយវិការដ៏ស្រស់ស្អាត ដែលធ្វើឲ្យហ្វូងមនុស្សអបអរសាទរ និងបានស្រែកហ៊ោហ៊ោកញ្ជ្រៀវ ច្រៀងរួមគ្នា បង្ហាញពីការគាំទ្រដល់ Idol ដែលពួកគេចូលចិត្ត។
យ៉ាងណាក៏ដោយ អ្វីដែលកាន់តែចាប់អារម្មណ៍ខ្លាំង ពីសំណាក់អ្នកគាំទ្រទូទាំងពិភពលោកនោះគឺឈុតពណ៌មាសដ៏ភ្លឺចាំងលើឆាកបង្អួតនូវរាងដ៏ស្រឡូន។ ក្នុងពេលជាមួយគ្នានោះ អ្នកគាំទ្រ Lisa ជាច្រើនបានសម្រុកយ៉ាងភ្លូកទឹកភ្លូកដី ដើម្បីចង់ដឹងថា តើអ្នករចនាម្នាក់ណា នៅពីក្រោយភាពស្រស់ស្អាតរបស់នាង។
សម្រាប់សំលៀកបំពាក់ពណ៌មាសដែលនាងស្លៀកឡើងឆាកនៅបារាំង គឺជាប្រេនលំដាប់ពិភពលោកពីម៉ាកយីហោ LOEWE ខណៈលើកនេះ លោក Jonathan Anderson ជាអ្នករចនាវាដោយផ្ទាល់ជូនចំពោះ Lisa តែម្ដង។ បុរសសង្ហារូបនេះតាមពិតជាគឺជាអ្នករចនាម៉ូដជនជាតិអៀរឡង់ខាងជើង និងជាស្ថាបនិក JW Anderson ។ លោកត្រូវបានគេស្គាល់តាមរយៈស្លាកយីហោឈ្មោះផ្ទាល់ខ្លួន ហើយបានបម្រើការជានាយកច្នៃប្រឌិតនៃយីហោប្រណីតអេស្ប៉ាញ LOEWE។
![](https://www.kampucheathmey.com/wp-content/uploads/2024/01/image-1690.png)
បន្ទាប់ពីទស្សនិកជន បានដឹងពីអ្នកច្នៃម៉ូដដ៏សង្ហានៅពីក្រោយភាពស្រស់ស្អាតរបស់នាង ម្នាក់ៗបានលើកសរសើរពីទឹកដៃច្នៃប្រឌិតរបស់រូបលោក Jonathan Anderson ថា លោកពិតជាសក្តិសមនឹងតំណែងជាអ្នកច្នៃម៉ូដលំដាប់អន្តរជាតិពិតៗ។ ជាពិសេសឈុតដែល Lisa ស្លៀកឡើងឆាក បានទាក់ទាញឥរស្សរជនល្បីៗជាច្រើនគយគន់នាងមិនព្រិចភ្នែកផងដែរ។
យ៉ាងណាមិញ ព្រឹត្តិការណ៍នេះត្រូវបានរាយការណ៍ថា ជាផ្នែកមួយនៃគំនិតផ្តួចផ្តើមសប្បុរសធម៌ដែលដឹកនាំដោយជំទាវទីមួយនៃប្រទេសបារាំង លោកស្រី Brigitte Macron ខណៈសមាជិកក្រុម BLACKPINK រូបនេះត្រូវបានគេប្រទះឃើញនៅក្នុងក្រុមហ៊ុនរបស់ Brigitte Macron កាលពីសប្តាហ៍មុនឯណោះ។ គួរឲ្យចាប់អារម្មណ៍ជាងនេះ ការសម្តែងរបស់នាងបានបង្ហាញពីការវិលត្រឡប់លើឆាកម្ដងទៀត ដូចដែល BLACKPINK ធ្លាប់ធ្វើ Born Pink World Tour ទូទាំងពិភពលោកកន្លងមក៕
![](https://www.kampucheathmey.com/wp-content/uploads/2024/01/image-1689.png)
![](https://www.kampucheathmey.com/wp-content/uploads/2024/01/image-1691-686x1024.png)
![](https://www.kampucheathmey.com/wp-content/uploads/2024/01/image-1692.png)
អត្ថបទ៖ សាង ស្រីល័ក្ខ
ចុចអាន៖តារាថៃ៥រូប ជាប់ចំណាត់ថ្នាក់កំពូលទាំង១០០ក្នុងឧស្សាហកម្មម៉ូដពិភពលោក
![](https://kampucheathmey.com/wp-content/uploads/2020/12/1-01-2-01-1.png)
-
ព័ត៌មានជាតិ១ សប្តាហ៍ ago
ត្រីតុកកែមានតម្លៃថ្លៃតាមហាងចិន កំពុងបង្កាត់ពូជនៅមជ្ឈមណ្ឌលវារីវប្បកម្មនៅខេត្តព្រះសីហនុ
-
ព័ត៌មានជាតិ៧ ថ្ងៃ ago
ក្រុងបាត់ដំបង កំពុងប្រឈមនឹងភក់ជ្រាំ មិនខុសពីទសវត្សរ៍ទី ៨០
-
ព័ត៌មានអន្ដរជាតិ៥ ថ្ងៃ ago
ស្លាប់១១នាក់ បាត់ខ្លួន៣០នាក់ ក្នុងហេតុការណ៍បាក់ស្ពាននៅចិនព្រោះភ្លៀងធ្លាក់ខ្លាំង
-
ព័ត៌មានជាតិ៤ ថ្ងៃ ago
អស់រយៈពេល៨ថ្ងៃហើយ ឧទ្ធម្ភាគចក្រដែលបាត់ដាន ពុំទាន់មានតម្រុយនៅឡើយទេ
-
ព័ត៌មានអន្ដរជាតិ៧ ថ្ងៃ ago
កំណើនកម្តៅផែនដីធ្វើឲ្យពេលថ្ងៃ អូសបន្លាយពេលយូរជាងពេលយប់
-
កីឡា៣ ថ្ងៃ ago
ភរិយាលោកគ្រូ អេ ភូថង ចេញសារសុំទោសរឿងតវ៉ាម្សិលមិញ
-
ព័ត៌មានជាតិ១ សប្តាហ៍ ago
UPDATE៖ ជំនន់ទឹកភ្លៀងនៅខេត្តព្រះវិហារ បានស្រកបណ្តើរៗ តែស្ពាននិងថ្នល់មួយចំនួនរងការខូចខាត
-
ព័ត៌មានអន្ដរជាតិ២ ថ្ងៃ ago
មនុស្ស១៤៦នាក់ កប់ស្លាប់ក្រោមបំណាក់ដីភក់ នៅប្រទេស អេត្យូពី