រូបថត Park Shin Hye ស្លៀកឯកសណ្ឋានសិស្ស ត្រូវគេបៀបធៀបជាមួយនឹងរឿងភាគកាល ១១ ឆ្នាំមុន

តារាសម្ដែងកូរ៉េដ៏ល្បីល្បាញ Park Shin Hye ត្រូវទស្សនិកជនទម្លាយនូវរូបភាពប៉ុន្មានសន្លឹករបស់នាង​ ក្នុងសំលៀកបំពាក់សិស្សសាលា ដែលកាលណោះនាងសម្ដែងក្នុងភាពយន្តក្រោមចំណងជើងថា “The Heirs”​ ក្នុងឆ្នាំ២០១ ហើយប្រៀបធៀបនឹងរូបភាពបច្ចុប្បន្ន នេះបើយោតាមការចុះផ្សាយពីសារព័ត៌មាន Allkpop ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ទោះយ៉ាងណាក៏ដោយកាលពីថ្ងៃទី ២៧ ខែមករា រឿងភាគកូរ៉េ “Doctor Slump”​​ ដែលសម្តែងដោយកំពូលតារាស្រីពីរដួង​ParkShinHye និង ParkHyungSik ក្នុងរឿងនេះពួកគេត្រូវស្លៀកនូវឯកសណ្ឋានសាលាតាមតួនាទីរបស់តួអង្គក្នុងភាពយន្ត។ ប៉ុន្តែអ្វីដែលធ្វើឲ្យមនុស្សជាច្រើនចាប់អារម្មណ៍នោះគឺ Park Shin Hye មានអ្នកគាំទ្រប្រៀបធៀបរូបថតរបស់នាងកាលនាងសម្ដែងក្នុងរឿង The Heirs ឆ្នាំ ២០១៣ ជាមួយនឹងរូបថតរបស់នាងស្លៀកឯកសណ្ឋានសិស្សក្នុងរឿង Doctor Slump ឆ្នាំ ២០២៤ បើប្រៀបធៀបទោះបីជា ១១ឆ្នាំបានកន្លងផុតទៅក៏ដោយ ប៉ុន្តែមុខមាត់មុខរបស់ Park Shin Hye នៅតែស្រស់ស្អាតនិងក្មេងជាងវ័យដដែល។

លើសពីនេះទៀតសោត តារាស្រីរូបនេះមានកូនមួយក្នុងបន្ទុកហើយ ប៉ុន្តែនៅពេលនាងត្រលប់មកសម្ដែងរឿងដោយស្លៀកពាក់ឯកសណ្ឋានសិស្ស Park Shin Hye នៅតែរក្សាបានតំណែងជាតួស្រីបែបយុវវ័យដែល។ជាពិសេសក្នុងភាគថ្មីក្រោមចំណងជើងថា Doctor Slump ផលិតឆ្នាំ ២០២៤ សម្រស់ស្រស់ត្រកាលរបស់នាង នៅតែទាក់ទាញការចាប់អារម្មណ៍យ៉ាងធំធេងពីអ្នកទស្សនា។

ក្នុងនោះផងដែរ អ្នកគាំទ្ររឿងភាគកូរ៉េ The Heirs ឆ្នាំ ២០១៣ បានចែករំលែកនូវរូបភាពរបស់នាងកាពល១១ឆ្នាំមុននិងបច្ចុប្បន្ននេះយ៉ាងព្រោងព្រាត លើបណ្ដាញអ៉ិនធើណេត ហើយបញ្ចេញមតិស្របគ្នាថា នាងនៅតែសក្តិសមជាក្មេងស្រី ថ្វីបើរៀបការមានស្វាមីហើយក្ដី។ ប៉ុន្តែក្នុងដួងចិត្តទស្សនិកជន ពួកគេថា គ្មានថ្ងៃប្រែប្រួលឡើយ បើដាក់នាងជាតួអង្គសិស្សសាលាគ្រប់រឿងដែលនាងសម្ដែង។

សូមបញ្ចាក់ដែរថារឿងភាគកូរ៉េ The Heirs បញ្ចាំងឆ្នាំ ២០១៣ Park Shin Hye បានសម្ដែងជាតួឯកស្រីជាមួយនឹងតារាប្រុស Lee minho ដោយក្នុងភាពយន្តមួយនោះនិយាយពីគូស្វាមីភរិយាវ័យក្មេងមួយគូ ដែលមានប្រវត្តិផ្ទុយគ្នា ត្រូវតែរុករកតាមរយៈការរឹតត្បិតផ្សេងៗក្នុងសង្គម និងប្រយុទ្ធប្រឆាំងនឹងបទដ្ឋានដែលធ្វើឡើងដោយគ្រួសារអ្នកមានទ្រព្យ៕

អត្ថបទ៖ សាង ស្រីល័ក្ខ

ចុចអាន៖កីឡាករបាល់ទាត់២រូប ប្រជែងប្រជាប្រិយភាពលើម៉ាក់យីហោធំៗ លើសតារាកូរ៉េផ្សេងទៀត