អ្នក​រចនា​ម៉ូដ​ដ៏​ល្បី​ម្នាក់ទម្លាយថា ចង្កេះ​ Lisa តូចខ្លាំងសឹងតែរកមិនឃើញ

អ្នករចនាម៉ូដក្នុងប្រទេសថៃមួយរូប បានទម្លាយពីសំលៀកបំពាក់ដែល Lisa ​ ធ្លាប់ស្លៀកទៅចូលរួមកក្នុងពិធីរបស់ស្ដេច charles នៅវិមាន Buckingham កាលប៉ុន្មានខែមុន ដោយនាងប្រាប់ថាសមាជិកក្រុម BLACKPINK មានចង្កេះតូចខ្លាំងណាស់ ពេលខ្លះរកមិនឃើញត្រគៀកនៅត្រង់ណាផង។ ដែលនេះបានធ្វើឲ្យមហាជន ជាពិសេសអ្នកគាំទ្រមានការភ្ញាក់ផ្អើលយ៉ាងខ្លាំង។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

តាំងពីដំបូងមក Lisa តែងតែធ្វើឲ្យអ្នកលេងអ៊ីនធឺណេតមានការភ្ញាក់ផ្អើលជាមួយនឹងរូបរាងដ៏តូចច្រឡឹង និងចង្កេះតូចមួយរបស់នាងជារឿយៗ។ រាល់សំលៀកបំពាក់ដែលនាងស្លៀកតែងតែទាក់ទាញពីភ្នែកអ្នកទស្សនា​ ខណៈដែលមានឈុតមួយដែលនាងស្លៀកទៅវិមាន Buckingham គឺត្រូវដេរបញ្ចូលបន្ថែមនៅប្រទេសថៃផងនៅអង់គ្លេសផង។

តាមរយៈបទសម្ភាសន៍ជាមួយបណ្តាញ YouTube FAROSE នៅក្នុងវីដេអូចុងក្រោយបានបង្ហាញពី Moo Asava​​ ជាអ្នករចនាម៉ូដជនជាតិថៃម្នាក់គត់ ដែលជាអ្នកបង្កើតឈុតដ៏ប្រណិតនេះសម្រាប់ Lisa ស្លៀកទៅចូលរួមពិធីក្នុងវិមាន Buckingham។ អ្វីដែលធ្វើឲ្យក្រុមអ្នកនិយមលេងអ៊ីនធឺណែត មានការភ្ញាក់ផ្អើលជាខ្លាំងនោះគឺ ឈុតពណ៌ទឹកដោះគោមួយនោះត្រូវដេរចូលបន្ថែមទៀត បើទោះបីជាបានវាស់វែងទំហំសមនឹងរូបនាងកន្លងមកក្ដី។

អ្នកចរនាដដែលនេះបានបញ្ចាក់ថា គាត់ពិតមានការភ្ញាក់ផ្អើលយ៉ាងខ្លាំងសឹងមិននឹកស្មានថា Lisa មានចង្កេះតូចខ្លាំងម្លឹងៗទេ។​ ឈុតដែលគាត់ច្នៃនោះវាមានទំហំ XS ប៉ុន្តែដោយសារតែចង្កេះរបស់នាងតូចពេក ពួកគេត្រូវតែធ្វើការកែសម្រួលបន្ថែមទៀត ដើម្បីឲ្យសមនឹងសមាមាត្ររបស់នាងយ៉ាងល្អឥតខ្ចោះ។ ទោះ​បី​ជា​ដំបូង​មាន​ការ​ផ្លាស់​ប្តូ​រ​នៅ​ក្នុង​ប្រទេស​ថៃ​ ប៉ុន្តែ​នៅ​ពេល​នាង​មក​ដល់​ប្រទេស​អង់គ្លេស ឈុតនោះត្រូវបានដេរបញ្ចូលសាជាថ្មីម្ដងទៀត។

យ៉ាងណាមិញ ក្រោយព័ត៌មាននេះបានសាយភាយពេញបណ្ដាញសង្គម អ្នកលេងអ៊ីនធឺណិតមានការភ្ញាក់ផ្អើលជាមួយនឹងចង្កេះដ៏តូចរបស់នាងយ៉ាងខ្លាំង។ ជាពិសេសអ្វីដែលជាការចាប់អារម្មណ៍ទំហំ XS គឺតូចបំផុតក្នុងចំណោមទំហំទាំងប៉ុន្មានដែលមាន។ ដូច្នេះបានន័យថា រាងរបស់សមាជិកក្រុម BLACKPINK តូចខ្លាំងជាងចហ្កេះរបស់ក្មេងៗទៅទៀត៕

អត្ថបទ៖ សាង ស្រីល័ក្ខ

ចុចអាន៖តុលាការសេអ៊ូលកាត់ទោស អតីតក្រុម B.A.P ជាប់ពន្ធនាគារ៣ឆ្នាំ​ ពាក់ព័ន្ធនឹងរំលោភសេពសន្ថវៈ