ជីវិតកម្សាន្ដ

អ្នកស្នងមរតករបស់ Chaebol មួយរូបរងការចោទប្រកាន់គ្រឿងញៀន ក្នុងសំណុំរឿង Lee Sun Gyun

បានផុស

២ years មុន

នៅ

ថ្ងៃសុក្រ ២ កុម្ភៈ ២០២៤

ដោយ

យោងតាមប្រភពផ្លូវច្បាប់កាលពីថ្ងៃទី ៣១ ខែមករា នាយកដ្ឋានស៊ើបអង្កេតបទល្មើសគ្រឿងញៀន នៃប៉ូលិសក្រុងអ៊ីនឈុន បានចោទប្រកាន់ជាផ្លូវការលើបុរសម្នាក់ឈ្មោះកាត់ថា A ដែលជាអ្នកស្នងមរតក Chaebol ជំនាន់ទីបី ពីបទបំពានច្បាប់គ្រប់គ្រងគ្រឿងញៀន ដោយសារការចោទប្រកាន់ពីបទប្រើប្រាស់គ្រឿងញៀន។

បុគ្គលឈ្មោះ A បានស្ថិតក្រោមការត្រួតពិនិត្យនៅក្នុងខែកញ្ញាឆ្នាំមុន ក្នុងអំឡុងពេលស៊ើបអង្កេតរបស់ប៉ូលិសលើតារាសម្តែង Lee Sun Gyun និងម្នាក់ទៀតឈ្មោះ B ដែលជាអ្នកគ្រប់គ្រងគ្រឹះស្ថានកម្សាន្តមួយនៅ Gangnam នៃទីក្រុងសេអ៊ូល។ ប៉ូលិសបានបន្តការស៊ើបអង្កេតរបស់ពួកគេ រួមមាន A និងមនុស្សបីនាក់ផ្សេងទៀតនិងអ្នកកម្សាន្តម្នាក់ទៀតឈ្មោះ C។

យ៉ាងណាក៏ដោយ ប៉ូលិសគ្រោងនឹងកោះហៅជនសង្ស័យឈ្មោះ A ក្នុងពេលឆាប់ៗ និងធ្វើតេស្តរកសារធាតុញៀនជាបឋម ដើម្បីបញ្ជាក់ពីភាពពិតប្រាកដនៃការចោទប្រកាន់នៃការប្រើប្រាស់គ្រឿងញៀន។

ដោយឡែកកាលពីឆ្នាំ២០០៩ បុគ្គល A បានប្រឈមមុខនឹងការចោទប្រកាន់ពីបទសង្ស័យប្រើប្រាស់ថ្នាំញៀនមេតំហ្វេតាមីន ហើយត្រូវបានផ្តន្ទាទោសដាក់ពន្ធនាគារព្យួរ។ ក្រោយមកនៅក្នុងខែកុម្ភៈ ឆ្នាំ ២០២២ ជនសង្ស័យ A បានទទួលការកាត់ទោសដាក់ពន្ធនាគារពីបទល្មើសគ្រឿងញៀនមួយផ្សេងទៀតក្នុងអំឡុងពេលសាកល្បង ហើយត្រូវបានដោះលែងជាបន្តបន្ទាប់។

យ៉ាងណាមិញ ប៉ូលិសបានអះអាងថា ការចោទប្រកាន់របស់ A មិនពាក់ព័ន្ធនឹងករណីដែលពាក់ព័ន្ធនឹង Lee Sun Gyun នោះទេ។ ប៉ុន្តែ ការកំណត់អត្តសញ្ញាណពីមុនរបស់ A ជាបុគ្គលដែលចាប់អារម្មណ៍លើករណីគ្រឿងញៀនដែលទាក់ទងនឹង Lee Sun Gyun បង្ហាញថា ការចូលរួមដែលអាចកើតមានរបស់បុគ្គលនេះមិនអាចត្រូវបានគេច្រានចោលទាំងស្រុងនោះទេ៕

អត្ថបទ៖ សាង ស្រីល័ក្ខ

ចុចអានៈបង្ហាញម្ដងនេះ Dilraba ត្រូវទស្សនិកជនលើកសរសើរពីសម្រស់ទូទាំងពិភពលោក