ជីវិតកម្សាន្ដ

អ្នកស្នងមរតក Shinsegae និង Samsung លេចមុខជាតារា K-pop យ៉ាងភ្ញាក់ផ្អើល

បានផុស

១ year មុន

នៅ

ថ្ងៃព្រហស្បតិ៍ ៨ កុម្ភៈ ២០២៤

ដោយ

រូបថតរបស់ Moon Seo-yoon ដែលជាចៅស្រីរបស់ប្រធាន Shinsegae គឺលោកស្រី Lee Myung-hee ជាមួយសិក្ខាកាមនៅផលិតកម្មចម្រៀង The Black Label បានបង្កឲ្យមានការភ្ញាក់ផ្អើលយ៉ាងខ្លាំង បន្ទាប់ពីនាងបង្ហាញខ្លួនលើកដំបូងក្នុងនាមជាតារា K-pop ។

យោងតាមប្រព័ន្ធផ្សព្វផ្សាយ The Korea Times បានបង្ហាញនូវរូបថតរបស់ Moon Seo-yoon និងសិក្ខាកាមស្រី ៤ នាក់ផ្សេងទៀតនៅក្នុងបន្ទប់ហាត់រាំ ចាប់ផ្តើមលេចចេញនៅលើបណ្តាញសង្គមកាលពីថ្ងៃអង្គា។ ក្នុងពេលដែល ក្រុមនារីថ្មីដែលស្ថិតក្រោម THEBLACKLABEL គឺជាភ្នាក់ងារកម្សាន្តដែលបង្កើតឡើងដោយផលិតករ Teddy មានមានតារាចម្រៀង K-pop ដូចជា Big Bang, Blackpink, Taeyang, Jeon So Mi, Park Bo Gum និង Lee Jong Won ស្ថិតក្រោមការគ្រប់គ្រងរបស់ខ្លួនពីមុន។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ទោះយ៉ាងណាក៏ដោយ ទីភ្នាក់ងារនេះបាននិយាយថា “ព័ត៌មានលម្អិតជាក់លាក់ទាក់ទងនឹងសមាជិកក្រុមចម្រៀងស្រីដែលបានក្លាយជាប្រធានបទក្តៅនៅលើអ៊ីនធឺណិត នឹងត្រូវបានបង្ហាញនៅពេលក្រោយ។ យើងសុំការយោគយល់របស់អ្នក! សូមអរគុណ” ។

ទោះបីជាមិនមានការបញ្ជាក់ជាផ្លូវការពីយីហោ Shinsegae ឬផលិតកម្ម The Black Label ក៏ដោយ ក៏អ្នកខាងក្នុងឧស្សាហកម្មបានណែនាំថា ការចេញដំបូងរបស់នាងនឹងបង្កើតភាពភ្ញាក់ផ្អើលដល់ពិភពកម្សាន្តមិនខានឡើយ។

ថ្វីបើយ៉ាងនេះក្ដី ចៅស្រីវ័យ២១ឆ្នាំរបស់ Shinsegae គឺជាអ្នកមានឥទ្ធិពលគួរឲ្យកត់សម្គាល់រួចទៅហើយ ដែលមានអ្នកតាមដានជាង ៨០,០០០នៅលើ Instagram ។ នាងក៏ជាចៅស្រីបង្កើតរបស់ស្ថាបនិក Samsung លោក Lee Byung-chul ផងដែរ ខណៈដែលជីដូនរបស់នាង Lee Myung-hee គឺជាកូនស្រីពៅរបស់ Lee Byung-chul ។

លើសពីនេះទៀតសោត ទស្សនាវដ្ដី Forbes បានប៉ាន់ប្រមាណថាទ្រព្យសម្បត្តិសុទ្ធរបស់ Lee Myung-hee មានប្រហែល ៨៤០ លានដុល្លារអាមេរិក គិតត្រឹមឆ្នាំ ២០២០ ដែលនាងជាប់ចំណាត់ថ្នាក់ទី ៤២ ក្នុងបញ្ជីអ្នកមានបំផុតទាំង ៥០ របស់ទស្សនាវដ្តីកូរ៉េឆ្នាំ២០២០៕