ជីវិតកម្សាន្ដ

អតីតមិត្តប្រុស Ice បដិសេធថា ខ្លួនមិនបានធ្វើឲ្យនាងជួបវិបត្តិផ្លូវចិត្តទេ

បានផុស

៤ ខែ មុន

នៅ

ថ្ងៃសុក្រ ២៣ កុម្ភៈ ២០២៤

ដោយ

Stefan Isler អតីតមិត្តប្រុសរបស់ Ice Preechaya បានបញ្ជាក់យ៉ាងច្បាស់ថា ពួកគេបានបែកគ្នាកាលពីឆ្នាំមុនពិតមែន និងនៅតែរាប់អានគ្នាជាមិត្ត។ ប៉ុន្តែមនុស្សដែលនាងសំដៅនោះមិនមែនជាលោក ហើយខ្លួនផ្ទាល់ក៏ពុំដែលធ្វើឲ្យនាងមានវិបត្តិផ្លូវចិត្តដែរ។

ទោះយ៉ាងណាក៏ដោយ តាមរយៈសំណេរដែលតារាសម្ដែងស្រី Ice Preechaya បង្ហោះសារត្អូញត្អែរពាក់ព័ន្ធនឹងអតីតមិត្តប្រុស វាក៏បានក្លាយជាព័ត៌មានដ៏គួរឲ្យភ្ញាក់ផ្អើលមួយក្នុងចង្កោមសិល្បៈថៃ មុននឹងមហាជនជាច្រើនងាកមកចាប់អារម្មណ៍ Stefan ខណៈដែលអ្នកគាំទ្ររបស់ Ice កំពុងតែប៉ានស្មានថាអាចជារូបលោកជាផ្នែកនៃហេតុផលដែលតារាស្រីវ័យក្មេងរូបនេះជួបវិបត្តិធ្ងន់ធ្ងរ ដល់ថ្នាក់ត្រូវចូលមន្ទីរពេទ្យដើម្បីព្យាបាលជំងឺធ្លាក់ទឹកចិត្ត។

ដោយឡែកកាលពីថ្ងៃទី២១ ខែកុម្ភៈ ឆ្នាំ ២០២៤ Stefan បានបង្ហោះ IG Story ផ្ទាល់ខ្លួន ទម្លាយការពិតដោយឈប់ឲ្យគ្រប់គ្នាយល់ច្រឡំថា រូបលោកគឺជាដើមហេតុធ្វើឲ្យអតីតមិត្តស្រី ជួបបញ្ហាទ្រាំលែងបាន។ ក្នុងនោះផងដែរ Stefan ប្រាប់ថា លោកបានឆាតទៅសួរសុខទុក្ខនា ងព្រមទាំងលើកទឹកចិត្តឲ្យនាងរឹងមាំ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លើសពីនេះ អតីតមិត្តប្រុសបានផ្ញើសារយ៉ាងវែងពន្យល់ពីស្ថានភាពចុងក្រោយរបស់ខ្លួននិង Ice ថា “បងៗអ្នកយកព័ត៌មានមិនចាំបាច់ហៅខ្ញុំទៅបញ្ចាក់ទេ។ Ice និងខ្ញុំបានបែកគ្នាកាលពីឆ្នាំមុន ពួកយើងគឺជាមិត្តភក្តិដ៏ល្អ ហើយតែងតែលើកទឹកចិត្តគ្នាទៅវិញទៅមក។ ខ្ញុំសូមប្រាប់នៅទីនេះថា ខ្ញុំមិនមែនជាដើមហេតុធ្វើឲ្យនាងទៅជាបែបនេះទេ។ តាំងពីថ្ងៃកើតហេតុមក ខ្ញុំប្រញាប់ទាក់ទងទៅគាត់ព្រោះបារម្ភ យើងនិយាយគ្នាជានិច្ចមិនដែលទុកគ្នាចោលឡើយ។

យ៉ាងណាមិញ បន្ទាប់ពីរូបលោកបានបកស្រាយថាខ្លួនមិនមែនជាដើមហេតុដែលធ្វើឲ្យអតីតមិត្តស្រីធ្លាក់ក្នុងសភាពបែបនេះទេ ហ្វេនៗដែលជាអ្នកគាំទ្រពួកគេកន្លងមក ហាក់មានការធូរចិត្ត។ ប៉ុន្តែយ៉ាងណាក៏ដោយ ម្នាក់ៗនៅតែបារម្ភពីសុខទុក្ខរបស់នាង ខណៈដែលជំងឺបាក់ទឹកចិត្តលុកលុយលើផ្លូវចិត្តនាងសាជាថ្មី៕