ជីវិតកម្សាន្ដ

ព្រះកាយ ច័ន្ទ ប្រកាសផ្តល់អាហារូបករណ៍ដល់សិស្សគ្មានថវិកាគ្រប់គ្រាន់ចំនួន ១០នាក់

បានផុស

២ years មុន

នៅ

ថ្ងៃសុក្រ ១ មីនា ២០២៤

ដោយ

តារាស្រីពហុជំនាញកញ្ញា ព្រះកាយ ច័ន្ទ បានប្រកាសផ្តល់អាហារូបករណ៍ដល់សិស្ស ដែលគ្មានថវិកាគ្រប់គ្រាន់ចំនួន ១០នាក់ដើម្បីបានចូលរៀនវិស័យសិល្បៈដូចជា, របាំបុរាណ សម្តែង និងការដើរម៉ូដជាដើម…។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

តារាសម្តែងកញ្ញា ព្រះកាយ ច័ន្ទ បានលើកឡើងថា ព្រះកាយ ច័ន្ទ ក្លឹបផ្តល់អាហារូបករណ៍ទៅដល់សិស្សដែលមិនមានថវិកាចំនួន ១០នាក់ ដើម្បីសិក្សា ផ្នែកសិល្បៈ ដែលមានដូចជា, របាំបុរាណ សម្តែង ការដើរម៉ូដ K-P OP និងចម្រៀង ហើយសម្រាប់ព័ត៌មានលម្អិតសូមធ្វើការទាក់ទងមកកាន់ផេក ព្រះកាយ ច័ន្ទ ក្លឹប ។ តាមរយៈដំណឹងនេះ គេឃើញមានមហាជនជាច្រើនបានសម្តែងការគាំទ្រចំពោះទឹកចិត្តដ៏ល្អរបស់តារាស្រី ព្រះកាយ ច័ន្ទ ។

សូមបញ្ជាក់ថា ព្រះកាយ ច័ន្ទ បានចូលប្រឡូកក្នុងសិល្បៈនាអំឡុងឆ្នាំ២០១១ ខណៈដែលទស្សនិកជនស្គាល់នាងដំបូងតាមរយៈការធ្វើជាពិធី ការិនី និងសម្ដែងភាពយន្តជាច្រើនរួមមាន “ផ្ការីកក្នុងចិត្ត” របស់ CTN និងរឿង “ភ្លើងព្យាបាទ” របស់ស្ថានីយទូរទស្សន៍ប៉ុស្តិ៍លេខ៩ ជាដើម។ បច្ចុប្បន្ន ព្រះកាយ ច័ន្ទ ក៏កំពុងមមាញឹកការងារនៅសាលាសិល្បៈផ្ទាល់ខ្លួនដែលនាងបើកបង្រៀនក្មេងៗជំនាន់ក្រោយលើអាជីពសិល្បៈស្ទើរគ្រប់ទម្រង់។

គេក៏ចាំបានថា បន្ទាប់ពីឆ្លងកាត់ការប្រឡងវគ្គជម្រុះជាច្រើននៅក្នុងកម្មវិធីកញ្ញាឯកដ៏អស្ចារ្យទីបំផុតគឺរកឃើញម្ចាស់មកុដ Miss Grand ភ្នំពេញ២០២៤ បានទៅលើបេក្ខភាពតារាសម្តែងកញ្ញា ព្រះកាយ ច័ន្ទ ដែលតំណាងខណ្ឌទួលគោក។ ប៉ុន្តែក្រោយ កាន់តំណែងនេះមិនទាន់បានប៉ុន្មាននាងក៏បានប្រកាសដំណឹងលាឈប់ពីតំណែងដោយគ្មានការសោកស្តាយឡើយ៕

អត្ថបទ៖ ចាន់រ៉ា