ជីវិតកម្សាន្ដ

ចាំងគីម និង អ៊ូ ម៉ីនាង ប៉ះគ្នាលើឆាកតែមួយ ហ្វេនសរសើរថាជារាជិនីសម្រស់ប្រចាំកូរ៉េនិងចិន

បានផុស

១ year មុន

នៅ

ថ្ងៃព្រហស្បតិ៍ ១៤ មីនា ២០២៤

ដោយ

Lee Young Ae ដែលជាតួឯកស្រីក្នុងរឿងជីវិតនាងចាំងគីម និង Fan Bingbing តួស្រីក្នុងរឿងភាគចិន អ៊ូ ម៉ីនាងបានថតរូបជុំគ្នាក្នុងកម្មវិធី Asian Film Awards លើកទី ១៧ នៅប្រទេសចិន ខណៈអ្នកគាំទ្រពេញបណ្តាញសង្គមលើកសរសើរពីសម្រស់ថា ស្អាតដូចគ្នា។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

កាលពីថ្ងៃទី ១២ ខែមីនា ឆ្នាំ ២០២៤ ព្រឹត្តិការណ៍ដ៏ភ្ញាក់ផ្អើលមួយបានក្លាយរូបភាពប្រវត្តិសាស្ត្រដែលឧស្សាហកម្មកម្សាន្តត្រូវតែចងចាំ ក្នងពេលដែលតារាស្រីអាស៊ី២ដួងគឺ Lee Young-ae និង Fan Bingbing បន្ទាប់ពីអ្នកទាំងពីរបានចូលរួមក្នុងពិធីប្រគល់រង្វាន់ និងបានឱកាសចូលរួមក្នុងការប្រកួតសម្រស់ រហូតអ្នកគាំទ្រភ្ញាក់ផ្អើលសឹងមិនជឿនឹងភ្នែកនោះទេ។

អ្នកប្រើប្រាស់គេហទំព័រ Pantip ម្នាក់ បានបង្ហោះរូបថតតួឯកស្រីក្នុងរឿងភាគកូរ៉េ “ជីវិតនាងចាំងគីម” និង រឿងភាគចិន “មហិច្ឆតាអ៊ូម៉ីនាង” ស្ថិតក្នុងទីតាំងតែមួយ ព្រមទាំងឈរទល់មុខគ្នាយ៉ាងស្និតស្នាលថែមទៀតផង។ ម្ចាស់ការបង្ហោះក៏បានបញ្ជាក់ផងដែរថា កម្រឃើញតារាស្រីអាស៊ីប៉ះគ្នាណាស់។ ជាពិសេស Lee Young Ae កម្រនឹងបង្ហាញមុខក្នុងព្រឹត្តិការណ៍នានា ការជួបគ្នារបស់អ្នកទាំងពីរ ពិតជាបង្ករការភ្ញាក់ផ្អើលយ៉ាងខ្លាំង ពីសំណាក់អ្នកគាំទ្រទូទាំងប្រទេស។

យ៉ាងណាក៏ដោយ អ្នកគាំទ្រទាំងសងខាងបន្ទាប់ពីបានឃើញរូបភាពរបស់តារាចិននិងតារាកូរ៉េខាងត្បូង ម្នាក់ៗបានបញ្ចេញមតិព្រមៗគ្នាថា សុទ្ធតែជារាជិនីសម្រស់ដូចគ្នា។ តាមរយៈរូបភាពលើទឹកដីចិនបែបនេះ បានធ្វើឲ្យមហាជនមានការស្រឡាំងកាំងជាខ្លាំង។ ជាពិសេសនោះថែមទៀត ឈុតនេះពិតជាឈុតកម្របំផុត ដែលតារាស្រីទាំងពីរបានេជួបគ្នា៕