ថ្វីបើឈានដល់អាយុ៤២ឆ្នាំ Jun Ji Hyun នៅតែត្រូវគេប្រៀបធៀបសម្រស់ថា ធម្មជាតិសុទ្ធសាធ

នៅពេលនិយាយពីតារាកូរ៉េដ៏ស្រស់ស្អាត ហើយការឆ្លើយតបរបស់មហាជនទូទាំងពិភពលោកដែលទទួលបានគឺ ពួកគេប្រហែលជាកែសម្ភស្សតែប៉ុណ្ណោះ ទើបមានមុខមាត់ស្អាតដូចទេពអប្សបែបនេះ។ ប៉ុន្តែ​ក្នុងចំណោមនោះ ​ប្រាកដ​ថា​ពួកគេ​នៅ​តែ​ជា​សម្រស់​ធម្មជាតិ​មួយ​ចំនួន​នៅ​ទីនោះ​ដូចជា Jun Ji Hyun ជាដើម។

កាលពីពេលថ្មីៗនេះផងដែរ អ្នកលេងអ៊ីនធឺណែតម្នាក់បានចូលបណ្តាញសង្គម ដើម្បីចែករំលែករូបថតរបស់តារាវ័យ ៤២ឆ្នាំរូបនេះ ពីដំណាក់កាលប្រាំផ្សេងគ្នានៃជីវិតរបស់នាង រាប់ចាប់តាំងពីវ័យជំទង់មកម៉្លេះ។

លេចមុខ​ក្នុង​រឿង My Sassy Girl ឆ្នាំ ២០០១ សម្រស់របស់នាងពេលនោះបានទាក់ទាញទស្សនិកជនជាច្រើន ថ្វីបើបើពេលនោះនាងទើបតែមានវ័យជំទង់ក្ដី។ ប៉ុន្តែបើនិយាយពីសមត្ថភាពនិងសម្រស់ តារាសម្ដែងស្រីរូបនេះហាក់ដើរទន្ទឹមគ្នា សឹងតែធ្វើឲ្យមនុស្សស្រីជាច្រើនហាក់មានការច្រណែននឹងរូបរាងរបស់នាងយ៉ាងខ្លាំង។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ជាការពិតណាស់ អ្នកលេងអ៊ីនធឺណែតជាច្រើនសុទ្ធសឹងតែដឹងហើយថា Ji Hyun មានសម្រស់ស្រស់សោភាតាំងពីនៅវ័យក្មេងមក ដូច្នេះ មហាជនក្រោយបានឃើញរូបភាពរបស់នាងលេចធ្លាយសារជាថ្មី គ្មានពាក្យអ្វីក្រៅពីលើកសរសើរនាងនោះទេ។

លើសពីនេះទៀតដែរ អ្នក​លេង​អ៊ីនធឺណិត​ម្នាក់​បាន​សរសេរ​ថា នាង​មិន​ដែល​អាក្រក់​ពេញ​មួយ​ជីវិត​របស់​នាង​ទេ​ ខណៈម្នាក់ទៀតស្រែកថា នាងពិតជាស្អាតខ្លាំងណាស់ នាងតែងតែមើលទៅស្អាតនិងមានចិត្តល្អក្នុងចំណោមតារាផ្សេងទៀត។

ទោះយ៉ាងណាក៏ដោយ មិនត្រឹមតែរូបសម្រស់ស្អាតពីធម្មជាតិមួយមុខនោះទេ Jun Ji Hyun បានក្លាយជាតារាស្រីលំដាប់កំពូលប្រចាំកូរ៉េខាងត្បូង ក្រោយពេលនាងរកចំណូលបានខ្ពស់ជាងគេក្នុងវិស័យភាពយន្ត និងជាតារាស្រីស៊ីថ្លៃលើសគេក្នុងឧស្សាហកម្មកម្សាន្តរបស់ប្រទេសផងដែរ៕

អត្ថបទ៖ សាង ស្រីល័ក្ខ

ចុចអាន៖ទិនហ្វី យកកីឡាការិនីចាំទីចិនមួយរូប មកសម្ដែងក្នុងរឿង “បាល់ទាត់សៅលីង” វគ្គ២