ជីវិតកម្សាន្ដ

Ahreum អតីតក្រុម T-ara កំពុងសម្រាកព្យាបាលនៅពេទ្យ ក្រោយប៉ុនប៉ងធ្វើអត្តឃាត

បានផុស

២ years មុន

នៅ

ថ្ងៃពុធ ២៧ មីនា ២០២៤

ដោយ

នៅថ្ងៃទី ២៧ ខែមីនា នេះ មានសេចក្តីរាយការណ៍ថា Ahreum អតីតសមាជិកក្រុមចម្រៀងស្រី T-ara ត្រូវបានបញ្ជូនទៅមន្ទីរពេទ្យភ្លាមៗ បន្ទាប់ពីនាងបានប៉ុនប៉ងធ្វើអត្តឃាតកាលពីព្រឹកព្រលឹមព្រមទាំងបង្ហោះនូវស្ទូរី លាក្រុមគ្រួសារនិងអ្នកគាំទ្ររបស់នាង

Ahreum ដែលធ្លាប់ជាផ្នែកមួយរបស់ T-ara ពីខែកក្កដា ឆ្នាំ ២០១២ ដល់ឆ្នាំ ២០១៣ ចាប់តាំងពីពេលនោះមក បានប្រើជីវិតជាតារាចម្រៀងឯករាជ្យម្នាក់។ ក្នុងឆ្នាំ ២០១៩ នាងបានរៀបការជាមួយអ្នកជំនួញវ័យចំណាស់ ហើយបានក្លាយជាម្តាយបង្កើតបានកូនប្រុសពីរនាក់។ ទោះជាយ៉ាងណាក៏ដោយ ការបង្ហាញខ្លួនរបស់នាងនាពេលថ្មីៗនេះនៅលើ រវាងអាពាហ៍ពិពាហ៍ និងការលែងលះ បានបង្ហាញភាពតានតឹងនៅក្នុងទំនាក់ទំនងអាពាហ៍ពិពាហ៍របស់នាង។

កាលពីខែធ្នូឆ្នាំមុន Ahreum បានប្រកាសជាសាធារណៈអំពីការសម្រេចចិត្តលែងលះប្តី ដោយបង្ហាញពីចេតនាចង់រៀបការជាមួយមិត្តប្រុសបច្ចុប្បន្នរបស់នាង ដែលជាអ្នកនិពន្ធរឿងដែលគេស្គាល់ បន្ទាប់ពីដំណើរការលែងលះបានបញ្ចប់។ ស្ថានការណ៍កាន់តែតានតឹងនៅពេលដែល Ahreum ធ្វើការចោទប្រកាន់ពីបទរំលោភបំពានដោយអតីតស្វាមីរបស់នាង ដោយបង្ហាញរូបភាពដ៏ក្រៀមក្រំនៃស្នាមជាំនៅលើដងខ្លួនរបស់កូនៗជាភស្តុតាង។

នៅថ្ងៃទី ២៥ ខែមីនា អតីតសមាជិកក្រុម T-ara រូបនេះ បានលាតត្រដាងបន្ថែមទៀតអំពីករណីនៃអំពើហឹង្សាក្នុងគ្រួសារ ដោយចែករំលែករូបថតនៃមុខរបស់នាង ដែលមានស្លាកស្នាមខណៈកំពុងស្លៀកពាក់រហែក។

ក្រោយមក ស្រាប់តែនាងបង្ហោះស្ទូរីប្រាប់ថា លាហើយ ក្នុងន័យប៉ុនប៉ងធ្វើអត្តឃាតតែអាចមិនបានសម្រេច ទើបត្រូវក្រុមគ្រួសារនិងអ្នកចាត់ការបញ្ចូននាងទៅកាន់មន្ទីរពេទ្យទាន់ពេលវេលា។ ការប៉ងធ្វើអត្ថឃាតរបស់នាងបានធ្វើឲ្យមានការព្រួយបារម្ភបន្ថែមទៀតដល់ការតស៊ូដែលកំពុងបន្តរបស់ Ahreum ហើយបានជំរុញឲ្យមានការគាំទ្រខ្លាំងឡើង និងអំពាវនាវឲ្យមានការយកចិត្តទុកដាក់កាន់តែខ្លាំង ចំពោះបញ្ហាសុខភាពផ្លូវចិត្តនៅក្នុងឧស្សាហកម្មកម្សាន្តកូរ៉េខាងត្បូង៕