ជីវិតកម្សាន្ដ

ក្រុមតន្ត្រី Hashtag band បកស្រាយ ក្រោយជួបរឿងអន់ចិត្តថ្ងៃសង្ក្រាន្តវិទ្យាល័យព្រះសីហនុ

បានផុស

១២ ខែ មុន

នៅ

ថ្ងៃពុធ ១០ មេសា ២០២៤

ដោយ

ទស្សនិកជន និងអ្នកគាំទ្រ មានការចាប់អារម្មណ៍ បន្ទាប់ពីមានការចែករំលែកពាក់ព័ន្ធនឹងរឿងហួស ចិត្តមួយរវាងក្រុមតន្ត្រី Hashtag band ជាមួយគណៈគ្រប់គ្រងសាលានៅក្នុងថ្ងៃអបអរសង្ក្រាន្តវិទ្យាល័យព្រះសីហនុខេត្តកំពង់ចាម ខណៈក្រុមនេះកំពុងលេងសុខៗ ក៏ត្រូវបានបញ្ឈប់ទាំងកណ្ដាលទីតែម្ដង។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

បើតាមប្រភពបានឲ្យដឹងថា មូលហេតុដែលក្រុម Hashtag band សម្រេចឈប់លេង និងចុះចេញពីលើឆាកភ្លាមៗនោះ ដោយសារតែពួកគេមានការអន់ចិត្តជាមួយគណៈគ្រប់គ្រងសាលាដែលបាននិយាយកាត់ចង្វាក់ ដើម្បីសុំឲ្យមានការចាក់ធុងបាសជំនួសវិញ ពោលគឺចង់ឲ្យសិស្សបានរាំសប្បាយគ្រប់គ្នា។ ប៉ុន្តែ ភ្លាមៗ នោះដែរ ក្រុមខាងលើ ក៏បានបញ្ឈប់សកម្មភាពច្រៀងរបស់ខ្លួន។

ជាក់ស្ដែងនៅលើទំព័រហ្វេសប៊ុករបស់ក្រុម Hashtag band បានបង្ហោះខ្លឹមសារភ្ជាប់នូវវីដេអូដូច្នេះថា «ឯណាតម្លៃសិល្បៈ? ពួកខ្ញុំអត់ខឹងទេ តែខ្ញុំអស់សំណើច ដែលខ្លួនលោកជាគណៈគ្រប់គ្រងមួយរូបដែរ តែបែរជាខ្វះសីលធម៌ក្នុងការរស់នៅទៅវិញ»។ ក្រោយមកទៀត ក្រុមខាងលើ ក៏បានចេញវីដេអូខ្លីមួយទៀត ដោយបកស្រាយថា សម្រាប់ហេតុផលដែលធ្វើឲ្យក្រុមរបស់ខ្លួនឈប់ទាំងកណ្ដាលទី ដោយសារតែពេលកំពុងលេងទើបតែដល់បទទី ២ ក៏ស្រាប់តែខាងនាយកសាលាបានស្នើឲ្យបញ្ឈប់ត្រឹមហ្នឹង…….។

ក្រុម Hashtag band បានបញ្ជាក់ថា «នេះហើយជាមូលហេតុដែលធ្វើឲ្យពួកខ្ញុំមានការអន់ចិត្ត ព្រោះថា ខាងអ្នកគ្រប់គ្រងសាលាហាក់មិនឲ្យតម្លៃដល់ក្រុមពួកខ្ញុំ ទើបពួកខ្ញុំក៏សម្រេចចុះពីលើឆាក ដូច្នេះហើយ សុំបងប្អូនកុំគិតថា ពួកខ្ញុំខ្វះសីលធម៌ ហើយម្យ៉ាងវិញទៀតបើតាមគម្រោងគឺពួកយើងត្រូវលេងរហូតដល់ទៅ ៦ បទ ឯណោះ នៅកម្មវិធីសង្ក្រាន្តនេះ»។ ក្រុមនេះ ក៏បានអរគុណចំពោះអ្នកគាំទ្រផងដែរ។

ដោយឡែកងាកមកមើលអ្នកប្រើប្រាស់បណ្ដាញសង្គមហ្វេសប៊ុក បានផ្ទុះការវែកញែកជាខ្លាំង ជុំវិញបញ្ហានេះ ខណៈមានការរិះគន់ជាច្រើនទៅលើគណៈគ្រប់គ្រងសាលាខាងលើថាខ្វះសីលធម៌។ ក្នុងនោះដែរ ក៏មានតារាចម្រៀងលោក ណុប បាយ៉ារិទ្ធ បានចូលទៅបញ្ចេញមតិថា «អត់មានសុជីវធម៌សោះតែម្តង បើខ្លាចសិស្សមិនបានរាំធុងបាសអញ្ជើញគ្នាមកច្រៀងធ្វើអីឆ្ងល់ដែរ មិនចាក់បាសរាំតែម្ដងទៅ។ និយាយប្រណាំងគ្នាអ្នកច្រៀង មើលតែសង្ក្រាន្តប៉ាហ៊ីហើយ»។ ចំណែកខ្លះទៀតបានលើកឡើងថា «ទៅថាឲ្យគ្រូ គ្រូគាត់ព្យាយាមឲ្យអ្នកមើលនៅមើលពួកគាត់ដល់ចប់ មិនមែនគាត់ចង់កាត់ចង្វាក់ទេ ដឹងហើយថា យុវវ័យសម័យឥឡូវយ៉ាងម៉េច,ម្នាក់សុំគ្រូ ពីរនាក់សុំគ្រូ ហើយមើលៗ ទៅថា មនុស្សរាប់រយនាក់រំអុកគ្រូ រហូតគ្រូក៏ប្រកាសទៅឲ្យឭទាំងអស់គ្នា, ណាមួយគ្រូក៏មិនដឹងថាពួកគាត់ត្រូវចូលដាក់វគ្គច្រៀងដែរ។ សូមព្យាយាមយកចិត្តស្ដាប់ និងមើលលើស្ថានភាព»។