លេចឮបែកគ្នាសាជាថ្មី Ploy បង្ហោះរូបផ្អែមល្ហែមជាមួយមិត្តប្រុសវ័យក្មេង

កន្លងមកតែងតែលេចឮនូវពាក្យចចាមអារ៉ាមថា គូស្នេហ៍ខុសវ័យ Ploy Chermarn និង​កំលោះសង្ហាជាតារាចម្រៀង Tong TwoPee បានបែកគ្នាសោយស្ងាត់ៗ ក្រោយមិនឃើញពួកគេបង្ហោះរូបភាពជាមួយគ្នាដូចពីមុនឬដូចកលាដែលគូនេះស្រលាញ់គ្នាដំបូង។

ជាក់ស្ដែង តារាស្រីរៀមច្បង Ploy Chermarn ស្រាប់តែបង្ហោះរូបភាពរបស់នាងនិងគូស្នេហ៍លើគណនី IG ផ្ទាលើ់ខ្លួន ដោយអ្នកទាំងបីតបានចេញទៅញ៉ាំបាយជុំគ្នា ជាមួយ Caption សរសេរថា “About last night with twopee” ។ ក្នុងនោះផងដែរ Tong ដែលជាគូស្នេហ៍បានចូលទៅបញ្ចេញមតិបែបញ៉ែញ៉ង់ដាក់ខាងស្រីនិងរូបភាពបេះដូងអមដោយកែវភ្នែកផ្តល់ស្នាមញញឹមរាងបេះដូងខណៈដែឡ Ploy ក៏​បាន​ឆ្លើយ​តប​ជាមួយ​នឹង​រូប​ថើប និង​រូប​បេះដូងបញ្ចាក់ពីក្ដីស្រលាញ់ផ្អែមល្ហែមរវាងអ្នកទាំងពីរជាសាធារណៈ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លើសពីនេះទៀតដែរ​ ងាកទៅកាន់អ្នកគាំទ្រគូស្នេហ៍ Ploy-Tong ឯណោះវិញបានចូលទៅបញ្ចេញមតិរំភើបជាងសាម៉ីខ្លូនទៅទៀត។ ជាពិសេសម្នាក់ៗក៏ហាក់បង្ហាញក្ដីរីករាយឡើងវិញ ក្រោយឃើញគូស្នេហ៍តារាដែលពួកគេពេញចិត្ត មិនដូចអ្វីដែលលេចឮ​ពាក្យ​ចចាម​អារ៉ាម។ រូបភាពរបស់អ្នកទាំងពីរមានតែពាក្យជូនពរឲ្យស្រលាញ់គ្នាលុះចាស់កោងខ្នងហើយសំនូមពរឲ្យ Ploy​ ក៏បាន Tong​ ក៏បានបង្ហោះរូបភាពគូឲ្យញឹកញាប់ចៀសវាងនូវពត៌មានប្រេះឆា។

ទោះយ៉ាងណាក៏ដោយ​ កាលពីចុងឆ្នាំ២០២៣ ​គូស្នេហ៍ Ploy Chermarn និងតារាចម្រៀងប្រុស Tong twopee បានបង្កជាព័ត៌មានដ៏​ក្ដៅ​គគុក ក្រោយលេច​ឮ​ដំណឹងថា​ពួកគេអាចនឹង​ប្រេះឆា​ស្នេហា បន្ទាប់ពី​ឃើញខាងស្រីមិន​ជូនពរថ្ងៃកំណើត និង​លែង​បង្ហោះរូបផ្អែមៗដុចមុនទៀត។ ក្រោយមកទើបខាងស្រីសម្រេចបង្ហោះរូបលួងលោមខាងប្រុសវិញ ទើបស្ងប់ស្ងាត់មួយរយៈធំ៕

អត្ថបទ៖ សាង ស្រីល័ក្ខ

ចុចអាន៖ក្រោយលេចឮប្រេះឆា Ploy បញ្ចេញរូបភាពផ្អែមល្ហែម​ លួងលោមមិត្តប្រុសវិញ