ជីវិតកម្សាន្ដ

តារាចម្រៀងរ៉េប 1NE ចេញមុខច្រានចោលករណីសង្ស័យបៀតបៀននារីម្នាក់នៅបាត់ដំបង

បានផុស

៣ ថ្ងៃ មុន

នៅ

ថ្ងៃចន្ទ ២៧ ឧសភា ២០២៤

ដោយ

បន្ទាប់ពីមានការសង្ស័យជុំវិញករណីធ្លាយរឿងនារីម្នាក់នៅបាត់ដំបងរងការបំពានបៀតបៀនផ្លូវភេទទីបំផុតតារាចម្រៀងរ៉េបវ័យក្មេង1NEបានចេញមុខបកស្រាយ និងច្រានចោលពាក់ព័ន្ធការសង្ស័យមួយចំនួនមកលើរូបលោក។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ទោះបីយ៉ាងណា តារារ៉េបរូបនេះក៏បានអង្វរស្នើសុំដល់មហាជនបញ្ឈប់ការយល់ច្រឡំមកលើរូបលោកតទៅទៀត ព្រោះក៏មានឪពុកម្តាយបងប្អូនដែលទទួលរងឥទ្ធិពលមួយនេះដែរ។ លោកបញ្ជាក់ថា រូបលោកមិនបានប្រព្រឹត្តដូចដែលគេបានចោទនោះទេ សូមមេត្តាឈប់ផ្សព្វផ្សាយ ឬក៏ចែកចាយព័ត៌មានដែលមិនពិតនោះទៀត ហើយលោកស្ងប់ស្ងាត់មួយរយៈដោយសារចាំមើល តើគេនឹងធ្វើបែបណាទៀត?

តារារ៉េប1NE បាននិយាយទៀតថា “ខ្ញុំរក្សាភាពស្ងប់ស្ងាត់ពីព្រោះខ្ញុំចង់ដឹងថារឿងទាំងអស់នេះកើតចេញពីណាឱ្យពិតប្រាកដ តើគេបង្ហោះក្នុង social media ក្នុងគោលបំណងអ្វី? តើរឿងនេះពិតមែនដែរ ឬទេ? ពីព្រោះមិនទាន់មានការបញ្ជាក់ ឬបញ្ចេញឈ្មោះនោះទេ ខ្ញុំសូមរុញច្រានចោលគ្រប់ព័ត៌មានដែលបានវាយប្រហារ ក៏ដូចជាបញ្ចេញឈ្មោះរូបខ្ញុំបាទ”។

លោក 1NE បានលើកឡើងបន្ថែមថា លោកសូមអង្វរឈប់បង្ខូចកេរ្តិ៍ឈ្មោះលោកទៀត ព្រោះលោកក៏មានឪពុកម្តាយបងប្អូនដែលទទួលរងឥទ្ធិពលមួយនេះដែរ។

គួរបញ្ជាក់ថាថ្មីៗនេះ មានការចែករំលែករឿងរ៉ាវដ៏ភ្ញាក់ផ្អើលខ្លាំងថ្មីមួយទៀតបន្ទាប់ពីមានការទម្លាយនៅលើបណ្តាញសង្គមហ្វេសប៊ុកករណីនារីម្នាក់ដែលត្រូវបានក្រុម Rappers ល្បីឈ្មោះ ២នាក់រួមនឹងបក្សពួកបៀត.បៀនផ្លូវភេទខណៈជនរងគ្រោះមិនទាន់ទទួលបានយុត្តិធម៌៕

អត្ថបទ៖ ចាន់រ៉ា