Connect with us

ជីវិតកម្សាន្ដ

តុលាការសម្រេចយល់ព្រមលើសំណើសុំដីការបស់ Min Hee Jin ប្រឆាំងនឹងផលិតកម្ម HYBE

បានផុស

នៅ

កាលពីថ្ងៃទី ៣០ ខែឧសភា របាយការណ៍បានបង្ហាញឲ្យដឹងថា ផ្នែកកិច្ចការរដ្ឋប្បវេណីទី៥០ នៃតុលាការក្រុងសេអ៊ូលកណ្តាលបានកាត់ក្តីឲ្យ Min Hee Jin ដែលមានន័យថា នាងនឹងបន្តតួនាទីរបស់នាងជានាយកប្រតិបត្តិរបស់ ADOR សម្រាប់អនាគតដ៏ខ្លីខាងមុខ។

ទន្ទឹមនោះដែរ តុលាការបានបន្ថែមទៀត នៅពេលដែលនាងបានឈ្នះសេចក្តីបង្គាប់របស់នាង HYBE នឹងមិនអាចអនុវត្តសិទ្ធិបោះឆ្នោតរបស់ខ្លួនលើការបណ្តេញចេញដែលស្នើឡើងរបស់ Min Hee Jin នៅឯកិច្ចប្រជុំម្ចាស់ភាគហ៊ុននាពេលខាងមុខរបស់ពួកគេ ដែលគ្រោងធ្វើឡើងនៅថ្ងៃទី ៣១ នោះទេ។

ប្រសិនបើដីកាបង្គាប់របស់នាងមិនត្រូវបានទទួលយកទេ HYBE អាចប្រើសិទ្ធិម្ចាស់ភាគហ៊ុន ៨០% របស់ខ្លួន ដើម្បីបង្ខំ Min Hee Jin ឲ្យចុះចេញពីតំណែងជានាយកប្រតិបត្តិនៃស្លាកយីហោ NewJeans ADOR ។ វាត្រូវបានគេរាយការណ៍ថា HYBE បានបញ្ជូនការបណ្តេញចេញរបស់ Min Hee Jin ជាសំណើដើម្បីពិចារណានៅឯកិច្ចប្រជុំម្ចាស់ភាគហ៊ុន ហើយក្រុមប្រឹក្សាភិបាលថ្មីសម្រាប់ ADOR ត្រូវបានតែងតាំងរួចហើយ។

ទោះជាយ៉ាងណាក៏ដោយ ប្រសិនបើ HYBE ជំនួសក្រុមប្រឹក្សាភិបាលរបស់ ADOR ដូចដែលបានរាយការណ៍នោះ Min Hee Jin ត្រូវបានគេរំពឹងថា នឹងប្រឈមមុខនឹងការរឹតបន្តឹងយ៉ាងខ្លាំងនៅក្នុងលក្ខខណ្ឌនៃការគ្រប់គ្រង។

យ៉ាងណាមិញ ដោយសារតែរឿងក្ដីក្ដាំនេះមិនងាយដោះស្រាយបានហើយនៅតែបន្តបញ្ហាឥតឈប់ឈរនោះ ភ្លាមៗដែរ​អ្នកលេងអ៊ីនធឺណេតជាច្រើនបានបញ្ចេញមតិហាក់កាន់ជើង​នាងយ៉ាងខ្លាំងថា “ខ្ញុំធូរស្បើយណាស់ សូមនៅជាមួយ NewJeans ឲ្យបាន ១០០ ឆ្នាំ, HYBE វាយប្រហារនាងដោយគ្មានភស្តុតាង, អ្នកដែលនិយាយថានាងគ្មានឱកាសឈ្នះ មិនដឹងថាពួកគេកំពុងនិយាយអំពីអ្វី។ Hee Jin មិន​ឈ្នះ​ដោយ​សារ​តែ​អារម្មណ៍​នាង​បាន​ឈ្នះ​ដោយ​សារ​តែ​កុងត្រា​របស់​នាង និង​ច្រើន​ទៀត”។

គួរបញ្ចាក់ដែរថា​ ជម្លោះក្ដៅគគុករបស់ផលិតកម្មទាំងពីរកើតឡើងស្របពេលដែល ផលិតកម្ម HYBE បានផ្តួចផ្តើមសវនកម្មប្រឆាំងនឹង ផលិតកម្ម ADOR បន្ទាប់ពីបានទទួលព័ត៌មានថា នាយកប្រតិបត្តិ Min Hee Jin និងមន្ត្រីប្រតិបត្តិម្នាក់ទៀតកំពុងព្យាយាមកាន់កាប់សិទ្ធិគ្រប់គ្រងរបស់ ADOR ឡើងវិញ។​ នេះបានធ្វើឲ្យកើតជម្លោះ រវាងផលិតកម្មទាំងពីរផ្អើលក្នុងឧស្សាហកម្ម K-pop​ អូសបន្លាយចោតគ្នាទៅមកពាក់ព័ន្ធការលួចចម្លងក្រុមចម្រៀងស្រីថ្មី ILLIT ឬ Belift Lab ហើយមេ ADOR​ បានចោទប្រកាន់ក្រុមនេះថា​ លួចចម្លងគំនិតរបស់ NewJeans ៕

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

អត្ថបទ៖ សាង ស្រីល័ក្ខ

ចុចអាន៖ក្រោយបញ្ចេញស្នាមសាក់លើដងខ្លួន Han So Hee ត្រូវគេរិះគន់កប់ៗមាត់

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ៩ ម៉ោង មុន

ក.ប.ប រកឃើញថាឈ្មួញនាំចូលផ្លែទុរេនពីប្រទេសជិតខាង និងមានជ្រលក់ថ្នាំ ហើយលក់បន្លំថាជាទុរេនក្នុងស្រុក

ព័ត៌មានជាតិ៦ ម៉ោង មុន

ក្នុងឆ្នាំ២០២៤៖ ឧកញ៉ា អ្នកឧកញ៉ា ៤នាក់ ត្រូវដកហូតគោរមងារ ក្រោយរកស៊ីបោកប្រាស់ និងបាញ់ប្រហារពលរដ្ឋ

ព័ត៌មានជាតិ១០ ម៉ោង មុន

រាជ​ដំណាក់​ព្រះមហាក្សត្រ​ខ្មែរ ​លើ​កំពូលភ្នំ​បូកគោ រង់ចាំអនុញ្ញាតពីព្រះបរមរាជវាំង ​ជួសជុលតាម​គំរូ​ដើម​ឡើង​វិញ

ព័ត៌មានជាតិ៨ ម៉ោង មុន

ដំណាំកសិកម្មជាង ១ ម៉ឺនហិកតា កំពុងរងការវាយប្រហារពីសត្វដង្កូវហ្វូង

ព័ត៌មានអន្ដរជាតិ១២ ម៉ោង មុន

រលក​កម្ដៅ​៥២​អង្សា ប្រល័យ​ជីវិត​អ្នក​ចូលរួម​ធម្មយាត្រា Hajj ជាង​១០០០​នាក់​ហើយ

Sokha Hotels

ព័ត៌មានពេញនិយម