ជីវិតកម្សាន្ដ

តារាកំប្លែងវ័យចំណាស់ តាចេក ធ្លាក់ខ្លួនដើរសំលៀងកាំបិតតាមផ្ទះគេ

បានផុស

២ years មុន

នៅ

ថ្ងៃសៅរ៍ ២៩ មិថុនា ២០២៤

ដោយ

តារាកំប្លែងវ័យចំណាស់ តាចេក ដោយសារតែបញ្ហាជីវភាពគ្រួសារ ទើបរុញច្រានឲ្យ លោកតា ខំប្រឹងពុះពាររាល់ឧបសគ្គ ដើម្បីរកប្រាក់ចំណូលបន្ថែមជួយផ្គត់ផ្គង់ដល់ជីវភាពរស់នៅប្រចាំថ្ងៃ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

តាចេក ធ្លាប់ជាតារាកំប្លែងស្ងួត ដែលផ្តល់ភាពសើចសប្បាយរីករាយជួនទស្សនិកជននាពេលកន្លងមក។ តួយ៉ាងកន្លងមក មហាជន និងអ្នកគាំទ្រ ធ្លាប់បានដឹងហើយថា តារាកំប្លែងលោកតា ចេក ក្រៅតែអាជីពសិល្បៈ គឺគាត់ចាប់មុខរបរលក់បន្លែផ្លែឈើ និងភេសជ្ជៈ នៅម្តុំផ្លូវទៅគិរីរម្យជាដើម។ ប៉ុន្តែយ៉ាងណាមិញ បន្ទាប់ពីស្ងប់ស្ងាត់មួយរយៈធំ ស្រាប់តែថ្មីៗ នេះ មានការទម្លាយរឿងដ៏ភ្ញាក់ផ្អើល ក្រោយឃើញសភាពតារាកំប្លែងរូបនេះ ធ្លាក់ខ្លួនដើរសំលៀងកាំបិតតាមផ្ទះ។

នៅលើបណ្ដាញសង្គមហ្វេសប៊ុកគេឃើញមានការចែករំលែកវីដេអូខ្លីមួយបង្ហាញពីសកម្មភាពរបស់តារាកំប្លែងលោកតា ចេក កំពុងអង្គុយសំលៀងកាំបិតបង្កប់ដោយក្តីទុក្ខព្រួយយ៉ាងកម្សត់ ខណៈរូបភាពនេះ បានធ្វើឲ្យមហាជនមានក្តីអាណិតអាសូរ និងខ្លោចចិត្តជាខ្លាំង។

តាមរយៈខ្លឹមសារដែលបង្ហោះភ្ជាប់វីដេអូនោះ បានរៀបរាប់ថា «សូមជួយស៊ែរឲ្យបានដល់ថ្នាក់ដឹកនាំផង ដែលជាម្លប់ដល់កូនចៅ,ខ្ញុំបានជួបលោកអ៊ំ កាលពី ៣ ឆ្នាំមុន លោកអ៊ំលក់ផ្លែឈើនៅភ្នំគិរីរម្យ!ហ៊ឹម…ឥឡូវគាត់ ដើរសំលៀងកាំបិតតាមផ្ទះគេ គួរតែបងៗ ខាងសិល្បៈគិតគូរគាត់ផង គាត់ក៏ជាសិល្បៈជើងចាស់មួយរូបដែរ ទឹកមុខបង្ហាញពីទុក្ខ សូមជួយគាត់ផង គាត់អាយុច្រើនហើយ ពេលវេលានៅមានតិចណាស់»។

ជាការកត់សម្គាល់ តារាកំប្លែងជើងចាស់ លោកតា ចេក បច្ចុប្បន្ន ត្រូវបានទស្សនិកជនដឹងហើយថា នាយជាតារាកំប្លែងជើងចាស់មួយរូបដែលមានប្រវត្តិតស៊ូ និងជួបការលំបាកជាច្រើន សម្រាប់ជីវភាពគ្រួសារប្រចាំថ្ងៃ ពោលគឺខុសប្លែកពីតារារួមជំនាន់ដទៃទៀតដែលមានជីវភាពធូរធារ៕

អត្ថបទ ៖ ចាន់រ៉ា