ជីវិតកម្សាន្ដ

ទម្លាយតម្លៃវ៉ែនតានិងក្រវិល Lisa ពាក់បង្ហោះរូបភាពមុនចេញ MV “Rockstar”

បានផុស

២ years មុន

នៅ

ថ្ងៃចន្ទ ១ កក្កដា ២០២៤

ដោយ

ត្រលប់មកវិញនៅថ្ងៃទី ២០ ខែមិថុនា ឆ្នាំ ២០២៤ Lisa បានបង្ហោះរូបថតផ្សព្វផ្សាយវីដេអូចម្រៀងសម្រាប់បទចម្រៀង Rockstar ក្នុងទម្រង់មុខស្រងូតស្រងាត់ជាមួយនឹងគ្រឿងអលង្ការពីម៉ាកល្បីៗ រួមមានវ៉ែនតា អមដោយក្រវិលថ្លាមួយគូ ដែលធ្វើឲ្យអ្នកគាំទ្ររំភើបចិត្តនិងហាក់ចង់ដឹងតម្លៃរបស់វាយ៉ាងខ្លាំង។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

គ្រឿងតុបតែងដែលតារាស្រីមកពីក្រុម Blackpink បានទាក់ចិត្តមហាជនជាច្រើនៅពេលនាងបង្ហោះត្រឹមរូបភាពប៉ុន្មានសន្លឹកតែប៉ុណ្ណោះ។ តាមរយៈការស្រាវជ្រាវយ៉ាងចម្រិតសម្រាំងបំផុតគេបានដឹងថា វ៉ែនតាដែល Lisa ពាក់គឺមកពីម៉ាករថយន្តស្ព័រល្បីលំដាប់ពិភពលោក Ferrari ពីប្រទេសអ៊ីតាលី ក្នុងប្រភេទវ៉ែនតាដែក Ferrari Limited Edition ដែលមានកញ្ចក់ការពារថ្លា ស៊ុមផលិតពីលោហៈ ១០០ ភាគរយ និងមានរាងកោង ជាមួយនឹងកញ្ចក់កញ្ចក់ធំ និងតុបតែងដោយនិមិត្តសញ្ញា Ferrari នៅចំកណ្តាលវ៉ែនតា។ តម្លៃលក់គឺ ១,៥០០ ដុល្លារអាមេរិក។ ចំណែកឯក្រវិលកំពុងពាក់គឺមកពីអ្នករចនាជនជាតិប៊ុលហ្គារី Milko Boyarov តម្លៃប្រហាក់ប្រហែល ៤២៦.១៦ដុល្លារ។

លើសពីនេះ Lisa នៅមានម៉ូដម៉ូដគួរឱ្យចាប់អារម្មណ៍ជាច្រើនទៀតដូចជា អាវដៃវែងពណ៌ត្នោត អាវពណ៌ខ្មៅ និងខោ ដែលភាគច្រើនបង្ហាញនៅក្នុងវីដេអូចម្រៀងសម្រាប់បទចម្រៀង Rockstar ដែលគេមិនទាន់ដឹងតម្លៃរបស់វានិងជារបស់យីហោពិភពលោកមួយណាតែប៉ុណ្ណោះ៕

អត្ថបទ៖ សាង ស្រីល័ក្ខ

ចុចអាន៖MV ថ្មី “Rockstar” របស់ Lisa ខំប្រម៉ូតប្រទេសថៃ បែរជាប់មម្រាមលើ Facebook ភ្លាមៗ