ជីវិតកម្សាន្ដ

ខេម រម្លឹកកាលពី ២០ ឆ្នាំមុនរត់ម៉ូតូឌុប ខណៈរៀមច្បង ខេមរៈ សិរីមន្ត ជាអ្នកចម្រៀងល្បី

បានផុស

៨ ខែ មុន

នៅ

ថ្ងៃសុក្រ ១៩ កក្កដា ២០២៤

ដោយ

គេចាំបានថា កាលពីកន្លងទៅតារាចម្រៀងសម្លេងស្អកលោក ខេម ខណៈអាជីពសិល្បៈបច្ចុប្បន្នកាន់តែមានភាពរីកចម្រើន និងទទួលបានការគាំទ្រអាចរកចំណូលបានកាន់តែខ្ពស់ លោកក៏ទម្លាយអំពីប្រវត្តិអតីតកាលរបស់ខ្លួនដែលធ្លាប់ឆ្លងកាត់ការលំបាកជាច្រើនទម្រាំបានល្បីឈ្មោះដូចសព្វថ្ងៃ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

កាលណោះដែរលោក ខេម ក៏បានបង្ហើបពីរឿងរ៉ាវអតីតកាលរបស់ខ្លួនអំឡុងមុនពេលល្បីគឺ ធ្លាប់ឆ្លងកាត់ជីវិតតស៊ូលំបាកច្រើនដើម្បីរកលុយចិញ្ចឹមម្ដាយជាស្ត្រីមេម៉ាយយ៉ាងកម្សត់ទៀតផង។ ទោះបីយ៉ាងណាមកដល់ពេលនេះតារាចម្រៀង ខេម នៅតែមិនភ្លេចនឹងរម្លឹកពីអតីតកាលរបស់ខ្លួនធ្លាប់ជាអ្នករត់ម៉ូតូឌុបផងដែរ។

តួយ៉ាងថ្មីៗនេះតារាចម្រៀងមានដើមកំណើតពីទឹកដីខេត្តកំពង់ឆ្នាំងលោក ខេម បានបញ្ចេញរូបភាពអនុស្សាវរីយ៍ជាមួយរៀមច្បង ខេមរៈ សិរីមន្ត ដោយភ្ជាប់ខ្លឹមសារខ្លីថា” ជា idol Khemarak Sereymun ជាបងប្រុសគាត់នៅតែសង្ហា ២០ឆ្នាំមុនគាត់ច្រៀង ខ្ញុំរត់ម៉ូតូឌុប ពេលនេះក្លាយជាបងនៅក្នុងកន្លែងការងារតែមួយ “។

គួររម្លឹកថា កាលពីកន្លងទៅលោក ខេម គ្រាចូលរួមក្នុងកម្មវិធីមួយលោក បានទម្លាយនូវប្រវត្តិខ្លះៗកាលពីក្មេងគឺ លោកធ្លាប់រត់ម៉ូតូឌុបដើម្បីចិញ្ចឹមម្ដាយគឺជាស្រ្តីមេម៉ាយ ដែលកាលនោះជីវិតលោកមានការតស៊ូ និងលំបាកខ្លាំង។

តារាចម្រៀងប្រុស ខេម បានឲ្យដឹងបែបនេះថា កាលលោកនៅស្រុកកំណើតខេត្តកំពង់ឆ្នាំងគឺ ម្តាយប្រកបរបរលក់ដូរបន្តិចបន្តួច ហើយដល់លោកអាយុខ្ទង់ ១៦ ឬ ១៧ឆ្នាំគឺលោកមានម៉ូតូអាសង់កូរ៉រចាស់មួយគ្រឿងក្នុងការរកលុយជួយផ្គត់ផ្គង់ដល់ជីវភាពគ្រួសារ (ចិញ្ចឹមម្តាយមេម៉ាយ)ដែលត្រូវជួយមើលថែគាត់៕

អត្ថបទ៖ ចាន់រ៉ា