ជីវិតកម្សាន្ដ

ជូរី ល្អហួស ៖ គ្មានទេពាក្យថាហត់ ព្រោះបានបំពេញក្តីស្រមៃរាំរបាំអប្សរាលើកស្ទួយមរតកវប្បធម៌ជាតិ

បានផុស

១១ ខែ មុន

នៅ

ថ្ងៃព្រហស្បតិ៍ ១ សីហា ២០២៤

ដោយ

ទីបំផុតការទន្ទឹងរង់ចាំអស់ពេលជាច្រើនខែកន្លងមកនេះ ជូរី ល្អហួសដែលជាម្ចាស់មកុដ Miss Preteen Junior Idol 2024 បានសម្រេចក្តីស្រមៃដូចបំណងរបស់ខ្លួនហើយគឺ «រាំរបាំអប្សរា» នៅប្រាសាទអង្គរវត្ត ដើម្បីទុកជាឯកសារឲ្យកូនខ្មែរជំនាន់ក្រោយៗបានស្គាល់នៅរបាំបុរាណខ្មែរដ៏ល្អផូរផង់។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ប្រាកដណាស់ ជូរី ល្អហួស បានបង្ហាញក្តីរំភើបជាខ្លាំងក្រោយនាងត្រូវបានការអនុញ្ញាតិឲ្យថតវីដេអូរាំ «របាំអប្សរា» នៅប្រាសាទអង្គរវត្ត នាទឹកដីខេត្តសៀមរាប ក្នុងការចូលរួមផ្សព្វផ្សាយលើកស្ទួយនូវមរតកវប្បធម៌ និងទេសចរណ៍ទៅលើឆាកជាតិ និងឆាកអន្តរជាតិ ពិសេស គឺ ផ្សព្វផ្សាយទៅកាន់ពិភពលោកទាំងមួយតែម្តង។

ជាមួយក្តីរំភើបនេះម្ចាស់មកុដ Miss Preteen Junior Idol 2024 រូបនេះ គឺបានបង្ហាញខ្លួននៅលើទឹកដីសៀមរាបអង្គរ កាលពីថ្ងៃទី៣១ ខែកក្កដា ឆ្នាំ២០២៤ ដោយបានបំពេញនូវក្តីស្រមៃរបស់ខ្លួនតាមរយៈការថត «របាំអប្សរា»។ ក្នុងសកម្មភាពនេះដែរ ល្អហួស បានបញ្ជាក់ឆន្ទៈដោយខ្លីថា “ថ្ងៃនេះមួយថ្ងៃពេញគ្មានទេពាក្យថាហត់ ព្រោះខ្ញុំបានបំពេញក្តីស្រមៃរបស់ខ្ញុំបានហើយ“។

ក្នុងនាមកូនខ្មែរមួយរូបផងនោះ ជូរី ល្អហួស ធ្លាប់បានបង្ហាញការប្តេជ្ញាចិត្តដើម្បីចូលរួមផ្សព្វផ្សាយលើកស្ទួយនូវមរតកវប្បធម៌ និងទេសចរណ៍ទៅលើឆាកជាតិ-ឆាកអន្តរជាតិ ឲ្យនៅគង់វង្សយូរអង្វែងសម្រាប់កូនចៅជំនាន់ក្រោយបានស្គាល់នូវអ្វីដែលជារបស់ខ្មែរ។

ម្ចាស់មកុដបវរកញ្ញាវ័យក្មេង ជូរី ល្អហួស កាលពីកន្លង ទៅពោលគឺ អំឡុងពេលនាងចេញទៅប្រកួតនៅប្រទេសថៃ យុវតីរូបនេះក៏បាននាំយកនូវរបាំអប្សរារបស់ដូនតាខ្មែរដើម្បីយកទៅបង្ហាញនៅលើឆាកអន្តរជាតិ ដើម្បីឲ្យពិភពលោកកាន់តែបានស្គាល់ច្បាស់ថែមទៀតផងដែរ។ សកម្មភាពនេះត្រូវបានមហាជនមួយចំនួនធំបានសម្តែងការគាំទ្រ និងសរសើរគ្រប់ៗគ្នា៕

អត្ថបទ៖ ចាន់រ៉ា