ជីវិតកម្សាន្ដ

ឆ្លងកាត់ជាង ៣០ ឆ្នាំ ខាត់ សុឃីម អះអាងឆន្ទៈគ្មានបំណងបោះបង់អាជីពសិល្បៈ

បានផុស

១០ ខែ មុន

នៅ

ថ្ងៃពុធ ៧ សីហា ២០២៤

ដោយ

តារាពហុជំនាញលេងបានគ្រប់ទម្រង់សិល្បៈ ទាំងបុរាណ-សម័យ និងកំប្លែងជាដើម អ្នកនាង ខាត់ សុឃីម ថ្វីត្បិតមកទល់ពេលនេះនាងប្រឡូកក្នុងវិថីសិល្បៈយ៉ាងជោកជាំពិតមែន តែសម្រាប់តារាស្រីរូបនេះ នៅតែអះអាងឆន្ទៈ ដោយគ្មានបំណងបោះបង់អាជីពមួយនេះទេ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

អ្នកនាង ខាត់ សុឃីម បច្ចុប្បន្នត្រូវបានគេដឹងថានាងជាតារាស្រីពហុជំនាញរបស់ខ្មែរមួយរូបដែលកំពុងតែទទួលបានផ្លែផ្កាជោគជ័យលើមុខជំនួញផ្ទាល់ខ្លួន ក៏ដូចជាអាជីពសិល្បៈទាំងសម័យ និងបុរាណជាដើម។ តារាស្រីចាស់វស្សា អ្នកនាង ខាត់ សុឃីម កន្លងមកក៏បានចេញមុខដោយបញ្ជាក់ថា អាជីពសិល្បៈគឺជាជីវិតរបស់ខ្លួន។

ជាថ្មីម្តងទៀត តារាស្រីសម្តីចាក់ទឹកមិនលិច អ្នកនាង ខាត់ សុឃីម បាននិយាយឲ្យដឹងថា ការងារខ្លះល្អមើល តែមិនល្អស៊ីទេ ការងារខ្លះមិនល្អមើលទេ តែល្អស៊ី សម្រាប់អាជីពមួយនេះ ទាល់តែមាន បេះដូងជាកម្លាំង និងមានការព្យាយាមជាដើមទុន។

តារាពហុជំនាញត្រកូល”ខាត់” រូបនេះ បញ្ជាក់ទៀតថា «”ជាង ៣០ ឆ្នាំហើយ ខ្ញុំមិនដែលបោះបង់ទេ វាមិនធំដុំទេ តែខ្ញុំពេញចិត្តធ្វើវា វាជាការងារដែលខ្ញុំស្រឡាញ់ អរគុណពុកខាត់របស់កូនដែលផ្តល់ទ្រព្យដ៏មានតម្លៃ ១ នេះ ឲ្យកូនបានចិញ្ចឹមជីវិត”»។

គួរជម្រាបថា អ្នកនាង ខាត់ សុឃីម អាជីពសិល្បៈបច្ចុប្បន្នកំពុងមមាញឹកនៅតាមបណ្ដាកម្មវិធីមង្គលការមួយចំនួន ហើយនាងក៏នៅតែរក្សាបានសន្ទុះ នៃការគាំទ្រខ្លាំង មិនចាញ់មិត្តភ័ក្ដិរួមជំនាន់ឡើយ៕

អត្ថបទ ៖ ចាន់រ៉ា