ជីវិតកម្សាន្ដ

នាយ ឃ្លោក បង្ហាញការហួសចិត្តជាខ្លាំងចំពោះទង្វើតារាស្រីមួយរូប

បានផុស

១ នាទី មុន

នៅ

ថ្ងៃព្រហស្បតិ៍ ១៥ សីហា ២០២៤

ដោយ

អតីតតារាកំប្លែងជើងចាស់ល្បីឈ្មោះងារជាឧកញ៉ានាយ ឃ្លោក ដែលមានឈ្មោះពិតគឺលោក ទុំ សារុត បានបង្ហាញអារម្មណ៍ហួសចិត្តជាខ្លាំងបន្ទាប់ពីឃើញមានការចែករំលែកឃ្លីបវីដេអូខ្លីមួយបង្ហាញពីសកម្មភាពមិនសមរម្យរបស់តារាស្រីមួយដួង។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

តាមរយៈវីដេអូខ្លីដែលត្រូវបានគេចែករំលែកនៅលើបណ្តាញសង្គមហ្វេសប៊ុក និង TikTok នេះ ក៏ត្រូវបានតារាកំប្លែងជើងចាស់រូបនេះយកទៅស៊ែរចែកចាយបន្តដោយលើកជាចម្ងល់ថា “តើជាតិសាសន៍ខ្ញុំ ឬជាតិសាសន៍គេ?”។ ស្របគ្នានឹងការបង្ហោះនេះដែរ ក៏មានទស្សនិកជនមួយចំនួនទៀតបានបញ្ចេញការវែកញែក និងរិះគន់យ៉ាងចាស់ដៃផងដែរ។

តារាកំប្លែងលោក ទុំ សារុត ហៅ នាយ ឃ្លោក បានចោទជាសំនួរដូច្នេះថា «ភ្ញាក់ពីដេកក្រឡេកភ្នែកប្លែកអារម្មណ៍ តើជាតិសាសន៍ខ្ញុំ ឬជាតិសាសន៍គេ? បើជាតិសាសន៍ខ្ញុំខ្មាស់អៀនម៉្លេះទេ បើជាតិសាសន៍គេស្រេចតែគេចុះ»។ ដោយឡែកបើតាមការបញ្ចេញមតិពីអ្នកគាំទ្រមួយចំនួនទៀតបញ្ជាក់ថា សកម្មភាពនេះបានកើតឡើងនៅខ្មែរអំឡុងពេលប្រកួតកម្មវិធីបវរកញ្ញាមួយ។

សូមបញ្ជាក់ថាលោក ទុំ សារុត ហៅ នាយ ឃ្លោក កន្លងមកថ្វីត្បិតលោកមមាញឹកជាមួយមុខជំនួញយ៉ាងណា តែឧកញ៉ា ឃ្លោក ជានិច្ចកាលតែងលេចមុខក្នុងកម្មវិធីសិល្បៈម្តងកាល និងការចេញមុខផ្តល់ជំនួយជួយដល់អ្នកសិល្បៈមានជំងឺ និងខ្វះខាតជាដើម។ ម្យ៉ាងទៀតឧកញ៉ា ឃ្លោក ក៏ត្រូវបានព្រះមហាក្សត្រត្រាស់បង្គាប់តែងតាំងងារជាឧកញ៉ាផងដែរកាលពីខែឧសភា ក្នុងឆ្នាំ២០១៤៕

អត្ថបទ៖ ចាន់រ៉ា