តារាសម្តែង សុខ ស្រីម៉ុច ប្រាប់អាថ៌កំបាំងថែ​រក្សាសម្រស់ ខណៈសុភាពនារីមិនគួរមើលរំលង

ស្របពេលអាជីពសិល្ប:ហក់ឡើងវិញមានទីផ្សាសម្តែងបណ្តើៗ បើក្រឡេកទៅមើលរូបសម្រស់របស់តារាសម្តែងស្រីកញ្ញាសុខ ស្រីម៉ុច ពេលនេះឃើញថានាងក៏កាន់តែប្រែរួបសម្ផស្សខ្លាំងស្ទើរមិនគួរឲ្យជឿផងដែរ។

ជាការពិតគេសង្កេតឃើញថា តារាស្រីកញ្ញា សុខ ស្រីម៉ុ​ច ​បច្ចុប្បន្ន គឺមិនត្រឹមតែមានការប្រែប្រួលខ្លាំងលើរូបសម្ផស្សនោះទេ សូម្បីតែជីវភាពរស់នៅប្រចាំថ្ងៃ និង​ភាព​ហ៊ឺហា​រប្រើប្រាស់​របស់​មានតម្លៃ​ថ្លៃ​ៗ​ក៏មិន​ចាញ់​តារាស្រី​ឯទៀត​នោះ​ដែរ។​មិនតែប៉ុណ្ណោះ ស្រី​ម៉ុ​ច ក៏​កាន់​តែមា​ន​ភាព​សិច​ស៊ី​ស្រស់ស្អាតជាងមុនទៀតផង។

ដោយឡែកសម្រាប់ការរក្សាបាន​ទីផ្សារ​សិល្បៈ​នាពេលនេះ​ ក៏​ត្រូវ​ទស្សនិកជន​មួយ​ចំនួន​យល់ថានាងនៅតែអាចក្តាប់បានឱកាសចេញកើបលុយដើម្បីតម្រូវជីវភាព និងភាពហ៊ឺហាប្រចាំថ្ងៃ។​ តារា​ស​ម្តែ​ងកញ្ញា សុខ ស្រី​ម៉ុ​ច បញ្ជាក់​ប្រាប់ កម្ពុជាថ្មីឲ្យដឹងថា ​ចំពោះអាជីពសិល្បៈបច្ចុប្បន្នបានចាប់ផ្តើមដំណើរការធម្មតាឡើងវិញហើយ ខណ:អាជីពរកស៊ីផ្ទាល់ខ្លួនខាងក្រៅ​ក៏​មានភាពមមាញឹកតាមរយ:ការលក់ផលិតផលថែរក្សាសម្រស់ និងទឹកអប់ល្អៗដែលនាំចូលមកពីប្រទេសថៃជា ដើម។ 

នៅពេលដែលសួរនាំពីវិធីសាស្រ្ត នៃការថែរក្សាសម្ផស្សស្រស់ស្អាតតើរាល់ថ្ងៃ ស្រីម៉ុច មានអ្វីជាអាថ៌កំបាំងអ្វី? ឬតាមរយ:ការវះកាត់ដើម្បីជំនួយឲ្យស្អាតពីធម្មជាតិ? ចំណុចនេះត្រូវបាន សុខ ស្រីម៉ុច ឆ្លើយថា នាងមិនចង់និយាយអ្វីច្រើនទេគ្រាន់តែចង់ប្រាប់អ្នកគាំទ្រថា ដោយសារខ្លួនប្រើផលិតផលត្រូវ គឺផលិតផលដែលខ្លួននាំយកពីប្រទេសបារាំងមកលក់សព្វថ្ងៃដោយខ្លួនឯងទើបធ្វើឲ្យសម្រស់នាងមានការផ្លាស់ប្តូរ។ ម្យ៉ាងទៀតក៏មានការលេបថ្នាំជំនួយស្បែកផងដែរ។

សុខ ស្រី​ម៉ុ​ច និយាយ​ដែរថា ទោះបីជាពេលខ្លះនាងរវល់ការងារខាងក្រៅ ឬការសម្តែងសិល្ប:យ៉ាងណាក្តីតែនាងមិនបោះបង់ការថែរក្សារូបសម្រស់នោះដែរ ចំណុចដែលសំខាន់ គឺមានតែខ្លួនយើងទេដែលដឹងថាសម្ផស្សគឺជារឿងពិសេសបំផុត និងជ្រើសរើសផលិតផលបែបណាយកមកប្រើដើម្បីទទួលបានប្រសិទ្ធភាពខ្ពស់។ ម្យ៉ាងទៀតបើសិនជាសុភាពនារីៗចង់ស្រស់ស្អាត និងក្មេងជាវ័យ ឬបំបាត់អាចរុយនៅលើផ្ទៃមុខ អាចទាកទងទៅនាងបាន ខណ:នាងក៏មាននាំចូលផលិតផលសម្រស់ និងទឹកអប់សុទ្ធល្អមកពីប្រទេសបារាំងផងដែរ៕

អត្ថបទ៖ ចាន់រ៉ា