ជីវិតកម្សាន្ដ

Song Hye Kyo បង្ហើបចំណងមិត្តភាពជាមួយ Suzy និងជីវិតនៅលីវក្នុងវ័យ ៤២ ឆ្នាំ

បានផុស

២ years មុន

នៅ

ថ្ងៃព្រហស្បតិ៍ ២៩ សីហា ២០២៤

ដោយ

នៅថ្ងៃទី ២៧ ខែសីហា ប៉ុស្តិ៍ YouTube Elle Korea បានចេញផ្សាយវីដេអូមួយដែលមានចំណងជើងថា Song Hye Kyo មិនត្រូវការការពន្យល់បន្ថែមទេ។ នៅក្នុងវីដេអូ រៀមច្បងរូបនេះបានចែករំលែកព័ត៌មានថ្មីៗអំពីជីវិតផ្ទាល់ខ្លួន ដោយរៀបរាប់ថា នាងបានសម្រាកបន្ទាប់ពីបញ្ចប់ការថតខ្សែភាពយន្ត ព្រមទាំងទម្លាយពីចំណងមិត្តភាពជាមួយតារាសម្ដែងនិងចម្រៀង Suzy ក្រោយគេឃើញអ្នកទាំងពីរស្និទ្ធស្នាលគ្នាចម្លែក។

តារាសម្ដែង Song Hye Kyo បាននិយាយថា «ខ្ញុំកំពុងចំណាយពេលដ៏រីករាយជាមួយមិត្តភក្តិ នៅពេលខ្ញុំកំពុងធ្វើការលើគម្រោងមួយ ខ្ញុំស្ទើរតែមិនបានឃើញមិត្តភ័ក្តិរបស់ខ្ញុំទេ ប៉ុន្តែឥឡូវនេះ ខ្ញុំឆ្លៀតពេលសម្រាប់ខ្លួនខ្ញុំផ្ទាល់ ដោយមិនមានអ្វីសំខាន់ដែលត្រូវព្រួយបារម្ភនោះទេ»។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក្នុងនោះផងដែរ នាងបាននិយាយបន្ថែមទៀតថា «ខ្ញុំជាមនុស្សម្នាក់ដែលពិតជាត្រូវការពេលវេលានៅម្នាក់ឯង។ បន្ទាប់ពីចំណាយពេលជាមួយអ្នកដទៃ ខ្ញុំត្រូវការកន្លែងផ្ទាល់ខ្លួនរបស់ខ្ញុំ។ អំឡុងពេលខ្ញុំនៅម្នាក់ឯង ខ្ញុំមើលកុន ស្តាប់តន្ត្រី សម្អាតផ្ទះ និងដើរជាមួយឆ្កែរបស់ខ្ញុំ អ្វីដែលសំខាន់គឺរីករាយនឹងពេលវេលាផ្ទាល់ខ្លួនរបស់ខ្ញុំ»។

ទន្ទឹមនោះទៀតដែរ តួឯកស្រីដ៏ជោគជ័យក្នុងរឿង Glory ក៏បានទម្លាយពីចំណងមិត្តភាពដែលកំពុងកើនឡើងរបស់នាងជាមួយនឹងតារាសម្ដែង Suzy ថា ថ្មីៗនេះពួកយើងបានស្និទ្ធស្នាលកាន់តែខ្លាំង។ បន្ទាប់ពីព្រឹត្តិការណ៍ប្រគល់ពានរង្វាន់ Blue Dragon Series Awards ពួកយើងបានចំណាយពេលជាមួយគ្នានៅផ្ទះរបស់ Hye Kyo ហើយពួកយើងក៏បានជួបគ្នា បន្ទាប់ពីពិធីប្រគល់រង្វាន់ និងបានជជែកគ្នាមុនពេលចែកផ្លូវគ្នា។

ក្នុងវីដេអូនោះ Song Hye Kyo ត្រូវបានគេសួរថា តើមានពេលខ្លះដែលនាងគិតថានាងពិតជាស្រស់ស្អាតឬអត់? នាងបានឆ្លើយដោយចំហថា មានពេលខ្លះដែលនាងគិតថាខ្លួនស្អាត ជាពិសេសក្នុងកម្មវិធីក្រៅប្រទេស ឬការថតរូបដូចសព្វថ្ងៃនេះ ពេលដែលប្រើស្ទីល និងតុបតែងខ្លួនតាមរបៀបថ្មីមួយ។

លើសពីនេះ នាងក៏បានបញ្ចាក់នូវពាក្យចចាមអារ៉ាមដែលគ្រប់គ្នាគិតថា នាងគឺជាបិសាចដែលនៅតែរក្សារូបរាងក្មេងជាងវ័យដោយមិនប្រែប្រួលទៅណាឡើយ។ យ៉ាងណា តារស្រីវ័យ ៤២ ឆ្នាំ បានតបថា ភាពចាស់តាមធម្មជាតិគឺជារឿងសំខាន់ ប៉ុន្តែដោយសារតែមុខរបស់នាងជាញឹកញាប់នៅក្នុងភ្នែកសាធារណៈ ទើបតែងតែព្យាយាមឲ្យអស់ពីសមត្ថភាពដើម្បីថែរក្សាវា និងអាយុឲ្យបានល្អតាមដែលអាចធ្វើទៅបាន។

ជាចុងក្រោយ Song Hye Kyo បានចែករំលែកនូវអ្វីដែលនាងនឹងនិយាយទៅកាន់ខ្លួនឯងថា កាលនៅវ័យក្មេងនាដើមអាជីព នាងមិនបានដឹងច្រើនពីពេលដែលអ្នកចាប់ផ្ដើមនោះទេ ប៉ុន្តែនាងបានខិតខំយ៉ាងខ្លាំង ហើយមកដល់ពេលនេះ Hye Kyo នឹងប្រាប់ខ្លួនឯងថា អ្នកធ្វើបានល្អហើយ។ ក្នុងរយៈពេល ២០ ឆ្នាំចាប់ពីពេលនេះ ប្រសិនបើឥលូវនាងនៅតែធ្វើការ នាងនៅតែជា Hye Kyo ដដែល៕