ប៉ូលិសចាប់ខ្លួនម្តាយ Han So Hee ពីបទបើកល្បែងស៊ីសងខុសច្បាប់

ម្តាយរបស់តារាសម្ដែង Han So-hee ត្រូវបានប៉ូលិសចាប់ខ្លួនដោយចោទប្រកាន់ពាក់ព័ន្ធនឹងប្រតិបត្តិការល្បែងស៊ីសងខុសច្បាប់ នេះបើយោងតាមរបាយការណ៍ពី TV Chosun បានចុះផ្សាយនៅថ្ងៃ០២ ខែកញ្ញា ឆ្នាំ២០២៤។

ស្ត្រីវ័យ ៥០ ឆ្នាំ ដែលត្រូវបានគេកំណត់អត្តសញ្ញាណថាជាលោកស្រី Shin ត្រូវបានចាប់ខ្លួនកាលពីថ្ងៃទី ០២ ខែកញ្ញា ពីបទបើកល្បែងស៊ីសងខុសច្បាប់ចំនួន១២ នៅក្នុងទីក្រុងដូចជា Ulsan និង Wonju តាំងពីឆ្នាំ ២០២១។

អ្នកស្រី Shin ត្រូវបានចោទប្រកាន់ពីបទប្រើប្រាស់ម្ចាស់ប្រូកស៊ី (proxy owners) ដើម្បីប្រឈមមុខនឹងប្រតិបត្តិការទាំងនេះ ដែលជាកន្លែងដែលអ្នកឧបត្ថម្ភបានចូលទៅកាន់គេហទំព័រល្បែង ដែលដំណើរការដោយនាងដើម្បីលេងហ្គេមដូចជាល្បែងបៀរដែលលេងនៅកាស៊ីណូ បន្ទាប់ពីការទិញក្រេឌីតហ្គេម។

ទោះយ៉ាងណាក៏ដោយ នេះក៏មិនមែនជាលើកទីមួយដែលម្តាយរបស់តារាសម្ដែង Han So-hee​ មាន​ប្រវត្តិ​ត្រូវ​បាន​ប្តឹង​ពី​បទ​ឆបោក និង​ធ្លាប់​ទទួល​បាន​ការ​ផាក​ពិន័យ​ពី​បទ​ល្មើស​ស្រដៀង​គ្នា​នេះ។ ករណីនេះបានទាក់ទាញការចាប់អារម្មណ៍បន្ថែមទៀតដោយសារតែសេចក្តីថ្លែងការណ៍ជាសាធារណៈមុននេះរបស់ Han So-hee ដែលឃ្លាតឆ្ងាយពីម្តាយរបស់នាង បន្ទាប់ពីជម្លោះបំណុលកន្លងមកបានលេចចេញជារូបរាង។

នៅក្នុងខែមីនា ឆ្នាំ ២០២ ទីភ្នាក់ងាររបស់ Han So-hee បានចេញសេចក្តីថ្លែងការណ៍មួយ ដោយទទួលស្គាល់ថា លោកស្រី Shin បានជាប់ពាក់ព័ន្ធក្នុងសំណុំរឿងក្លែងបន្លំជាច្រើន រួមទាំងការក្លែងបន្លំ ប៉ុន្តែបានបំភ្លឺថា Han So-hee មិនជាប់ពាក់ព័ន្ធនឹងសកម្មភាពរបស់ម្តាយនាង ដូចដែលបានកំណត់ដោយតុលាការនោះទេ៕

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

អត្ថបទ៖ សាង ស្រីល័ក្ខ

ចុចអាន៖មុនពេលស្ថិតក្រោមទ្រនំ YG តារាកូរ៉េ ៥ រូប ធ្លាប់បណ្តុះ​បណ្តាល​​ក្រោម​ទីភ្នាក់ងារ​កម្សាន្ត​​ផ្សេង​ទៀត