ខេត្តចំនួនបីរបស់ប្រទេសថៃ ដែលផ្តល់កន្លែងទេសចរណ៍គួរជាទីចាប់អារម្មណ៍​សម្រាប់វិស្សមកាលនេះ

សម្រាប់ឱកាសពិសេសនិងថ្ងៃឈប់សម្រាប់ខាងមុខ តើលោកអ្នកមានគម្រោងការទៅដើរលេងនៅទីណា? ឬមានកន្លែងក្នុងចិត្តហើយឬនៅ?​ បើសិនជាមិនទាន់មានទេ​ យើងខ្ញុំសូមធ្វើការណែនាំឱ្យមកទស្សនាតំបន់ទេសចរណ៍នៅភូកេត ក្រៈប៊ី និងផាំងង៉ា ដែលជាខេត្តទាំងបីនៅភាគខាងត្បូងប្រទេសថៃ។​ ជឿជាក់ថា​​ អ្នកនិងមនុស្សជាទីស្រលាញ់នឹងទទួលបានបទពិសោធន៍ថ្មីៗល្អប្លែកនៅក្នុងទីតាំងដែលបានជម្រាបជូននេះជាក់ជាពុំខាន ដោយមានការផ្តល់ជូននូវអារម្មណ៍ស្រស់ស្រាយ​បំផុត។ លោកអ្នកអាចធ្វើការស្វែងរកគម្រោងដំណើរកម្សាន្តជាច្រើនបែប ទៅតាមចំណង់ចំណូលចិត្តនិងសមស្របសម្រាប់អ្នកដំណើរគ្រប់វ័យផងដែរ​ ព្រម​ទាំង​សេវាកម្ម​ល្អ​ឥត​ខ្ចោះ​ដែល​មាន​តម្លៃ​សមរម្យ​ស្រប​តាម​ស្តង់ដារ​ពិភពលោក។

ខេត្តភូកេត ក្រៈប៊ី និងផាងង៉ា សុទ្ធតែស្ថិតនៅក្នុងតំបន់សមុទ្រអាន់ដាម៉ាន់។​ តំបន់ទាំងនេះត្រូវបានគេស្គាល់ថា​ មានឆ្នេរខ្សាច់ម៉ដ្ឋខៃរួមជាមួយទឹកសមុទ្រថ្លាដូចកញ្ចក់ អ្នកដំណើរជាច្រើន​ ចាត់ទុកថាទីនេះ​ជាឋានសួគ៌សម្រាប់ sea lover។​

1.    ភូកេត

ភូកេតប្រៀបដូចជាជម្រកសម្រាប់ឆ្នេរដ៏ស្រស់ស្អាតជាច្រើន រួមមាន ឆ្នេរសុរិន្ទ ឆ្នេរហ្វ្រីដម ឆ្នេរកាតាណយ ឆ្នេររ៉ាវៃ ឆ្នេរយ៉ានុយ និងឆ្នេរការ៉ុន សុទ្ធសឹងជាទីតាំងដែលមានឆ្នេរសមុទ្រស្រស់ស្អាត ខ្សាច់សម៉ដ្ឋ និងទឹកសមុទ្រខៀវថ្លា។ រីករាយជាមួយការសម្រាកសាកថ្មជីវិត ឬដើរលេងកម្សាន្តនៅលើឆ្នេរដ៏ស្រស់ស្អាតទាំងនេះ។​​ មិនតែប៉ុណ្ណោះ កោះដែលនៅជាប់នេះ​ ដូចជាកោះហៃ ដែលអ្នកធ្វើដំណើរអាចរីករាយជាមួយ​ សកម្មភាពជិះទូកកាយ៉ាក លេងទឹក លេងក្តាររអិល  មុជទឹកមើលផ្កាថ្មឬមើលត្រីរាប់ពាន់ប្រភេទ ជិះជេតស្គី និងជិះបានានាបូត។​​ បន្ថែមពីនេះ ឆ្នេរ Mai Khao​ ជាទីតាំងដ៏ល្អបំផុតសម្រាប់ ថតរូបយន្តហោះចុះចតយ៉ាងស្រស់ស្អាត  អាចមើលបានយ៉ាងច្បាស់ នៅពេលយន្តហោះ ហោះនៅលើផ្ទៃសមុទ្រយ៉ាងស្រស់ស្អាត ជាមួយផ្ទៃមេឃខៀវស្រងាត់ ណែនាំជាពិសេសក្នុងអំឡុងពេលព្រឹកដល់ថ្ងៃត្រង់។

ទាំងនេះសុទ្ធសឹងតែជាទីតាំងគួរជាទីចាប់អារម្មណ៍សម្រាប់អ្នកដែលចូលចិត្តធ្វើដំណើរផ្សងព្រេង​ និងចូលចិត្តលេងកីឡាបែបប្រកួតប្រេជែង​ ដូច្នេះហើយ យើងក៏បានភ្ជាប់មកជាមួយជម្រើសសម្រាប់ភ្ញៀវដែលមានភាពក្លាហានពេញទំហឹង។ បទពិសោធន៍នៃការជិះខ្សែររ៉តឬ zipline គឺជាសកម្មភាពមួយដែលបងប្អូនមិនគួររំលងឡើយ។ ទីតាំងនេះត្រូវបានរៀបចំជាមួយទិដ្ឋភាពសម្រស់ធម្មជាតិពិតៗសឹងតែមិនគួរឲ្យជឿ។

មិនទាន់អស់នៅឡើយទេ​ យើងនៅមានជម្រើសជាច្រើនទៀតសម្រាប់អ្នក នៅឆ្នេរផាតង់ សម្រាប់បងប្អូនចូលចិត្តសម្រស់ពន្លឺភ្លើងក្នុងពេលរាត្រី។ លោកអ្នកប្រាកដជាចង់ចំណាលពេលពេញមួយយប់នៅទីនេះ ដែលផ្តល់កន្លែងដើរកម្សាន្តផ្សេងៗដូចជា សណ្ឋាគារ ភោជនីយដ្ឋាន ផាប់ ផ្សារទំនើប និងសកម្មភាពផ្សេងៗជាច្រើនមុខទៀត។

ឡែមព្រណ្មមទេព ឡែមក្រៈថិង​ និងកន្លែងមើលទេសភាពម៉ាស៊ីនបង្កើតខ្យល់ គឺជាកន្លែងដ៏អស្ចារ្យមួយចំនួនទៀតដើម្បីទស្សនាថ្ងៃលិច។ នៅទីនោះផ្តល់នូវទេសភាពដ៏ធំទូលាយនៃមហាសមុទ្រជាមួយនឹងទូកទេសចរណ៍ដ៏ប្រណិតជាច្រើនដែលចតនៅកណ្តាលសមុទ្រ។ សម្រស់នៃពន្លឺព្រះអាទិត្យកំពុងរៀបលិច ពិតជាបានឆក់យកអារម្មណ៍អ្នកមើលថ្ងៃលិចឲ្យរសាត់អណ្តែតទៅតាមខ្លួន។​​

ទីតាំងដ៏ពេញនិយមបំផុតមួយដែលត្រូវទៅទស្សនានៅភូកេតគឺ​ទីក្រុងចាស់ភូកេត  ដែលជាអ្វីដែលអ្នកមិនគួររំលង។​​ អ្នកអាចទស្សនាអគារស្ថាបត្យកម្មស៊ីន-ប៉ុរទុកាល់ដ៏បុរាណ នៅជុំវិញ ​ទីក្រុងចាស់ភូកេត ដែលជាទីតាំងដ៏ស្រស់ស្អាតមួយសម្រាប់ការថតរូប និងរីករាយជាមួយភាពរស់រវើកនៃទីក្រុងនោះ។ លោកអ្នក​ដែល​មាន​ចំណាប់​អារម្មណ៍​ក្នុង​ការ​ស្វែង​យល់​ពី​វប្បធម៌ និង​ប្រវត្តិសាស្ត្រ ត្រូវបានណែនាំជាពិសេសក្នុងការ​ទស្សនា​វត្តឆាឡុង ជា​ប្រាសាទ​ចាស់​ដែល​មាន​ប្រវត្តិ​យូរ​អង្វែង។ ផ្ទះឈិនប្រជា, ស្ថាបត្យកម្មបុរាណស្ទីលSino-ព័រទុយហ្គាល់; និងសារមន្ទីរ ភូកេតថៃហួរ ដែលជាទីតាំងដែលចងក្រងប្រវត្តិសាស្ត្រទីក្រុងភូកេត។

ភូកេតក៏មានទីតាំងជាច្រើនដែលផ្តល់សេវាកម្មជាច្រើនកញ្ចប់សម្រាប់ជ្រើសរើស ដែលស្របតាមស្តង់ដារអន្តរជាតិ ប្រសិនបើអ្នកចាប់អារម្មណ៍លើផលិតផល Health & Wellness Tourism ។

អ្វីដែលកាន់តែពិសេសនោះ ផ្លូវចំណាស់​សូយ រ៉ូម៉ានី ត្រូវបានគេស្គាល់ថាជាផ្លូវខ្យល់នៅភូកេត ខេត្តរមណីយដ្ឋាន កោះភាគខាងត្បូងប្រទេសថៃមួយនេះ ត្រូវបានចាត់ថ្នាក់លេខរៀងទី ១៩ នៅលើពិភពលោកដោយ Seasia ក្នុងបញ្ជី “ផ្លូវស្អាតបំផុតទាំង ២០ នៅលើពិភពលោក” ដោយ Seasia.Stats សម្រាប់ឆ្នាំ ២០២៣ ផងដែរ។ លើសពីនេះ ភូកេតត្រូវបានអង្គការយូណេស្កូដាក់ឈ្មោះថាជា “City of Gastronomy” នៅឆ្នាំ ២០១៥ ដែលធ្វើឱ្យវាក្លាយជាទីក្រុងដំបូងគេនៅអាស៊ីអាគ្នេយ៍ដែលទទួលបានកិត្តិនាមនេះ។ នៅទីនោះក៏មានភោជនីយដ្ឋានជាច្រើនដែលមានអាហារឆ្ងាញ់ៗ ចាំស្វាគមន៏បម្រើភ្ញៀវទេសចរជានិច្ច។ 

2. ក្រៈប៊ី 

ក្រៈប៊ី មាន​ឆ្នេរ​ដ៏​គួរ​ឲ្យ​ចាប់អារម្មណ៏​មួយ​ចំនួន រួម​មាន​កន្លែង​មុជ​ទឹក​នៃ​កោះ ភីភី ឆ្នេរ អាងណាង និង​ឆ្នេរ រ៉ាត់ថារ៉ា ។

ទស្សនីយភាព ៣៦០ ដឺក្រេ ដែលផ្តល់នូវចំណុចទាក់ទាញនៃទេសភាពក្នុងកោះភីភី គឺជាទីតាំងដ៏សំខាន់បំផុត។​ ក្រៅពី ជាកន្លែងពេញនិយម សម្រាប់ការឡើងភ្នំហើយ ឆ្នេររ៉ៃឡេន ត្រូវបានគេចាត់ទុកថា ជាទីតាំងដ៏ស្រស់ស្អាតបំផុតរបស់ ក្រៈប៊ី សម្រាប់​មើលថ្ងៃលិច។ មួយវិញទៀត​ កោះ Hong កោះ Poda និងសមុទ្រដាច់ពីគ្នារបស់ ក្រៈប៊ី (UNSEEN) គឺជាទីតាំងគួរឱ្យកត់សម្គាល់មួយទៀត។ នៅទីនោះពេលដែលកម្រិតទឹកស្រក យើងអាចស្វែងរកផ្លូវឡើងភ្នំដែលនាំទៅដល់ឆ្នេរក្បែរៗនោះជាច្រើនទៀត ដែលបែកជាពីរផ្លូវ។

ជាមួយនឹងការដើរឡើងជណ្តើរ ១២៦០ កាំឆ្លងកាត់ព្រៃ វត្តថាំសឺរ (Tiger Cave Temple) គឺជាប្រាសាទមួយស្ថិតនៅលើកំពូលភ្នំ។ ភ្ញៀវទេសចរអាចគយគន់ទេសភាពដ៏អស្ចារ្យនៃទីក្រុង ក្រៈប៊ី ជាមួយទិដ្ឋភាពនៃព្រះអាទិត្យរះ និងពពកទឹកសមុទ្រ បន្ថែមពីលើការបន់ស្រន់។

ក្រៈប៊ីក៏មានព្រៃឈើនៅតាមមាត់សមុទ្រ និងសម្រស់ធម្មជាតិចម្រុះ ដែលអនុញ្ញាតឲ្យអ្នកទេសចរបានស្រូបខ្យល់អាកាសបរិសុទ្ធ និងសម្រាកដើម្បីសាកថ្មជីវិតផងដែរ។ រីករាយក្នុងការទស្សនាព្រៃក្រាស់ទៃងទាំងសងខាង ជាមួយពណ៌បៃតងនៅខ្ពង់រាបខ្នប់ទឹក​ដោយការជិះទូកប៉ោងរយញពេលវែង  ឬក៏ជិះទូកកាយ៉ាក់ Ao Tha lane។

ទឹកធ្លាក់រ៉ន់ក្លង់តម (Hot Spring afterfall) ​ត្រូវ​បាន​បង្កើត​ឡើង​ដោយ​ប្រភព​ទឹក​ក្តៅ​ធម្មជាតិពិតៗ​ដែល​មាន​សីតុណ្ហភាពរហូតដល់ ៤២ អង្សារសេ។ ទីតាំងដ៏ពិសេសនេះ ចាត់ទុកថាជាកន្លែងទឹកធ្លាក់ធម្មជាតិដ៏ក្តៅបំផុតមួយរបស់ពិភពលោក ដែលត្រូវបានរកឃើញទាំងនៅក្នុងប្រទេសថៃ និងសាធារណរដ្ឋឆេក​សម្បូរទៅដោយ សារជាតិរ៉ែធម្មជាតិ ដែលមានគុណប្រយោជន៍សម្រាប់សុខភាព។ ទឹកធ្លាក់នេះផ្តល់នូវបទពិសោធន៍ងូតទឹកក្តៅបែបឯកជន ក៏ដូចជាសេវាកម្មសុខភាពផ្សេងៗទៀត ដូចជាការម៉ាស្សាថៃ ដើម្បីព្យាបាល និងជំនួយសុខភាព ។

3. ផាងង៉ា

រួមជាមួយនឹងឆ្នេរដ៏គួរឱ្យចាប់អារម្មណ៍នេះ ផាងង៉ាគឺជាទីជម្រករបស់កោះយ៉ាវ កោះខៃ កោះភា និងឧទ្យានជាតិបណ្តុំកោះមូត្យស៊ីមេឡាន់ន៍- ឆ្នេរសុរិន ដែលជាឋានសួគ៌របស់អ្នកមុជទឹក។

ក្រៅ​ពី​ឆ្នេរ​ដ៏​ស្រស់​ស្អាត ផាងង៉ា ផ្តល់នូវសកម្មភាព​ជា​ច្រើន​សម្រាប់​ដំណើរ​ផ្សងព្រេងរបស់អ្នក។ ធ្វើដំណើរកម្សាន្តតាមទូកកាយ៉ាក់ក្នុងរូងភ្នំ​ទៅកាន់កោះអាថ៌កំបាំង និងតាមកោះនានា ឬទៅ ជ្រមុជទឹកមើលទេសភាពទឹកថ្លាឈ្វេ។ ការឡើងភ្នំ ការជិះទូកកាយ៉ាក និងការជិះស្គីលើទឹកគឺស្ថិតក្នុងចំណោមកីឡាសំណព្វចិត្ត សម្រាប់អ្នកដែលស្វែងរកអារម្មណ៏រំភើប។

ទស្សនីយភាព សាមិត ណាងស៊ីគឺជាកន្លែង check-in ដ៏ល្បីមួយដែលមានទេសភាពថ្ងៃរះ និងថ្ងៃលិច ដែលមិនអាចកាត់ថ្លៃបាន ក៏ដូចជាពន្លឺពេលរាត្រីផងដែរ។ ទេសភាពដ៏ស្រស់ស្អាតនេះមិនត្រឹមតែទាក់ទាញភ្ញៀវទេសចរប៉ុណ្ណោះទេ ប៉ុន្តែវាថែមទាំងរួមមកនូវជម្រើសអាហារ កន្លែងស្នាក់នៅ និងហាងកាហ្វេ ដែលធ្វើឱ្យវាក្លាយជាបទពិសោធន៍ដ៏សម្បូរបែប និងរីករាយសម្រាប់ភ្ញៀវទេសចរ។ 

អ្នកអាចដើរលេងកម្សាន្តជុំវិញ ទីក្រុងចាស់តាក់កួរប៉ា ផ្ទះ អគារ និងអគារស្ថាបត្យកម្មព័រទុកាល់បុរាណផ្សេងទៀត។

ប្រសិនបើអ្នកមានអារម្មណ៏ថាបានឃើញផ្ទៃសមុទ្រគ្រប់គ្រាន់ហើយ អ្នកក៏អាចសាកល្បងអ្វីថ្មីៗ ដោយការជិះទូកនៅ Komol’s Corner ដែលមានលក្ខណះការដោលឬស្សីនៅតាមបណ្តោយទន្លេថាមរកត ដែលអ្នកអាចទស្សនាជីវភាពរស់នៅប្រចាំថ្ងៃនៃប្រជាជនក្នុងតំបន់នោះ។ ភ្ញៀវទេសចរនឹងសម្គាល់ឃើញទឹកថ្លាឈ្វេងពណ៌បៃតងនៃព្រៃជុំវិញ ជាកញ្ចក់ឆ្លុះទៅកាន់ផ្ទៃទឹកដែលធ្វើឲ្យទឹកមានពណ៌បៃតងដូចជាមរកតក។

ភ្ញៀវទេសចរណ៍អាចធ្វើដំណើរបានកាន់តែងាយស្រួលជាងមុន ជាពិសេសសម្រាប់ប្រជាជនកម្ពុជាដែលរស់នៅក្នុងខេត្តសៀមរាប បាត់ដំបង និងភ្នំពេញ ដែលមានបំណងចង់ទៅទស្សនាគោលដៅផ្សេងៗដែលយើងបានជម្រាបជូនខាងលើ នៅភូកេត ផាងង៉ា និងក្រប៊ី។ ក្រុមហ៊ុន AirAsia នឹងផ្តល់ការហោះហើរត្រង់ចំនួនបីជើង ក្នុងមួយសប្តាហ៍ ហោះហើរពីខេត្តសៀមរាប ទៅកាន់ភូកេត ដែលចាប់ផ្តើមនៅថ្ងៃទី ២៩ ខែតុលា ឆ្នាំ ២០២៤។

ដោយ​ការប្រើប្រាស់រថយន្ត​ផ្ទាល់ខ្លួន ឬ​ឡានក្រុង​ ភ្ញៀវ​ទេសចរ​អាច​ធ្វើ​ដំណើរ​ពី ភូកេត ទៅ ក្រៈប៊ី ក្នុង​រយៈពេល​ប្រហែល ២ ម៉ោង និង ផាងង៉ា ក្នុង​រយៈពេល​ប្រហែល ៣ ម៉ោង។ ជាមួយនឹងការធ្វើដំណើរតាមដងផ្លូវ ភ្ញៀវទេសចរនឹងទាក់ចិត្តជាមួយទេសភាព និងលក្ខណៈពិសេសប្លែកៗនៃខេត្តនីមួយៗនៃខេត្តទាំងបីនេះ។

ប្រសិនបើអ្នកចង់បានព័ត៌មានបន្ថែមទាក់ទងនឹងវិស័យទេសចរណ៍ក្នុងប្រទេសថៃ ជាពិសេសនៅក្នុងខេត្តទាំងបីដែលបានរៀបរាប់ខាងលើ សូមទំនាក់ទំនងមកកាន់យើងខ្ញុំជាមួយព័ត៌មានខាងក្រោម។​ សម្រាកដើម្បីបំពេញថាមពលដោយជិតស្និទ្ធនឹងធម្មជាតិសម្បូរបែប។

https://www.tourismthailand.org/home

Fanpage: Amazing Thailand in Cambodia (https://www.facebook.com/Amazingthailandincambodia)