ជីវិតកម្សាន្ដ

អំពើល្អមិនសាបសូន្យ ! នេនទុំ ត្រូវបុរសម្នាក់សរសើរទង្វើមនុស្សធម៌ជួយមនុស្សកម្សត់ទុរគត

បានផុស

៧ ខែ មុន

នៅ

ថ្ងៃអង្គារ ១០ កញ្ញា ២០២៤

ដោយ

តារាចម្រៀងរ៉េប នេនទុំ មួយរយៈចុងនេះត្រូវបានទស្សនិកជនកត់សម្គាល់ឃើញថា លោកតែងតែបង្ហាញសកម្មភាពសប្បុរសធម៌ជួយដល់អ្នកខ្វះខាត ជនពិការច្រៀងនៅតាមភ្លើងស្តុប ព្រមទាំងអ្នកសិល្បៈចាស់ជរាជួបការលំបាកជាដើម។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ទង្វើមនុស្សធម៌របស់ នេនទុំ កន្លងមកតែងទទួលបានការគាំទ្រ និងស្ងើចសរសើរពីសំណាក់មជ្ឈដ្ឋានមហាជនមួយចំនួន ប៉ុន្តែទោះបីយ៉ាងណា លោកក៏គេចមិនផុតពីការរិះគន់ផងដែរពីអ្នកគាំទ្រផ្សេងទៀតជុំវិញការងារសិល្បៈ និងសកម្មភាពមួយចំនួនរបស់លោកទាំងជីវិតឯកជនខាងក្រៅ និងវិស័យសិល្បៈ។

ដោយឡែកផ្ទុយពីចំណុចអវិជ្ជមាន តារារ៉េប នេនទុំ ក៏ត្រូវបានអ្នកគាំទ្រម្នាក់ទម្លាយការលើកទឹកចិត្ត និងសរសើរជុំវិញទង្វើមនុស្សធម៌កន្លងមកផងដែរ។ នៅលើគណនីហ្វេសប៊ុកឈ្មោះ Bong non បានលើកឡើងពីគុណសម្បត្តិ នេនទុំ ថា លោកពិតជាច្រៀងបានពីរោះណាស់។

អ្នកគាំទ្ររូបនេះ បាននិយាយទៀតថា រាល់អំពើល្អរបស់លោកគឺជាទង្វើមនុស្សធម៌ដែលលោកបានធ្វើវាកន្លងមកចំពោះមនុស្សកម្សត់ទុរគតអត់ឃ្លានមួយចំនួនហេតុតែនិស្ស័យរបស់អ្នកល្អទើបអ្នកយល់អារម្មណ៍ពួកគាត់។

បន្ថែមពីនេះម្ចាស់គណនីខាងលើបានលើកឡើងដែរថា មានតែអ្នកធ្លាប់ឆ្លងកាត់ទើបយល់អារម្មណ៍ពួកគាត់យ៉ាងណា សម្រាប់អ្នកដែលមិនធ្លាប់ជួបបញ្ហាលំបាកអត់ឃ្លានពួកគាត់មិនសូវយល់ភាពក្រខ្សត់ឡើយ សូមឲ្យវត្ថុស័ក្តិសិទ្ធិមាននៅក្នុងលោកជួយឲ្យសម្រេចបំណងដល់លោក(នេនទុំ)នៅក្នុងថ្ងៃអនាគតតាមសេចក្ដីប្រាថ្នារបស់អ្នកចុះ៕

អត្ថបទ ៖ ចាន់រ៉ា