ជីវិតកម្សាន្ដ

តារាប្រុសសំបូររឿងអាស្រូវស្នេហា Jun Yeol ដើរជាមួយ Krystal យ៉ាងស្និទ្ធបំផុត

បានផុស

២ years មុន

នៅ

ថ្ងៃពុធ ១១ កញ្ញា ២០២៤

ដោយ

កាលពីថ្ងៃទី ០៩ ខែកញ្ញា តារាប្រុសជាប់រឿងអាស្រូវស្នេហា Ryu Jun Yeol និង Krystal ត្រូវបានគេប្រទះឃើញអង្គុយជាមួយគ្នានៅឯវគ្គផ្តាច់ព្រ័ត្រនៃការប្រកួតកីឡាវាយកូនបាល់ US Open ដែលធ្វើឡើងនៅមជ្ឈមណ្ឌលកីឡាវាយកូនបាល់ជាតិ Billie Jean King ក្នុងទីក្រុងញូវយ៉ក។ វីដេអូ និងរូបថតរបស់អ្នកទាំងពីរបានលេចចេញក្នុងសហគមន៍អ៊ីនធឺណិតផ្សេងៗ ដែលទទួលបានការចាប់អារម្មណ៍ពីអ្នកគាំទ្រយ៉ាងឆាប់រហ័ស។

Ryu Jun Yeol ត្រូវបានគេឃើញពាក់ក្រវ៉ាត់ក អាវពណ៌ស និងអាវរងា ខណៈ Krystal ស្លៀករ៉ូបគ្មានដៃពណ៌ខ្មៅ ជាមួយនឹងអាវកាក់ពណ៌សពាក់លើស្មា។ អ្នកទាំងពីរត្រូវបានគេសង្កេតឃើញជជែកគ្នានៅពេលកំពុងមើលការប្រកួតដោយមានបុគ្គលគួរឲ្យកត់សម្គាល់ផ្សេងទៀតនៅក្នុងផ្ទៃខាងក្រោយរួមមានតារាចម្រៀង Taylor Swift និងតារាសម្ដែង Andrew Garfield ។

ប៉ុន្តែការជួបគ្នាដែលមិននឹកស្មានដល់របស់ Ryu Jun-yeol និង Krystal ដែលហាក់ដូចជាមិនមានទំនាក់ទំនងពីមុនមក បានធ្វើឲ្យមានការចង់ដឹងចង់ឃើញក្នុងចំណោមអ្នកលេងអ៊ីនធឺណិត។ នេះគួរឲ្យកត់សម្គាល់ជាពិសេសថា Ryu Jun-yeol ថ្មីៗនេះបានប្រឈមមុខនឹងភាពចម្រូងចម្រាសជុំវិញទំនាក់ទំនងដែលលេចចេញជាពាក្យចចាមអារ៉ាមរវាងអតីតមិត្តស្រីរបស់គាត់ Hyeri និងតារាសម្តែង Han So-hee ដែលបានបង្កើនចំណាប់អារម្មណ៍មហាជនជាច្រើនមកពិភាក្សាលើរឿងមួយនេះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ដ្បិតថាយ៉ាងនេះក្ដី មានសេចក្តីរាយការណ៍មកថា អ្នកទាំងពីរបានចូលរួមក្នុងព្រឹត្តិការណ៍នេះក្នុងនាមជាទូត Ralph Lauren ដោយបានចូលរួមជាលើកដំបូងនៅក្នុងកម្មវិធីប្រមូលផ្ដុំម៉ាកយីហោ មុនពេលទស្សនាការប្រកួតចុងក្រោយដែលឧបត្ថម្ភដោយ Ralph Lauren តែប៉ុណ្ណោះ។ នៅចំណុចមួយ ពួកគេបានក្រោកឈរឡើង ហើយអបអរសាទរពេលដ៏គួរឲ្យចាប់អារម្មណ៍មួយក្នុងអំឡុងពេលហ្គេម យ៉ាងច្បាស់រីករាយនឹងព្រឹត្តិការណ៍នេះ។

គួរបញ្ចក់ដែរថា Ryu Jun Yeol បានបង្ហាញខ្លួននៅក្នុងខ្សែភាពយន្ត “Alienoid Part 2” និងស៊េរី Netflix “The Eight Show” ។ គាត់ក៏គ្រោងនឹងសម្តែងក្នុងរឿង “The Apocalypse” នាពេលខាងមុខរបស់អ្នកដឹកនាំ Yeon Sang Ho ផងដែរ។ ទន្ទឹមនឹងនោះ Krystal ថ្មីៗនេះត្រូវបានគេឃើញនៅក្នុង “Player 2: War of the Hustlers” របស់ទូរទស្សន៍ tvN ៕