សុខៗ Kim Go Eun កាត់សក់ខ្លីដូចមនុស្សប្រុស ពេលបង្ហាញ​ខ្លួនក្នុង​មហោស្រព​ភាពយន្ត​អន្តរជាតិ Toronto

នៅថ្ងៃទី ១៣ខែកញ្ញា តារាសម្ដែង Kim Go Eun បានបង្ហាញខ្លួននៅក្នុងមហោស្រព​ភាពយន្ត​អន្តរជាតិ​ Toronto លើកទី៤៩ ឆ្នាំ២០២៤ អ្វីដែលកាន់តែធ្វើឲ្យទស្សនិកជនស្រឡាំងកាំងនោះគឺម៉ូដក់ខ្លីកំបិតដូចមនុស្សប្រុស កម្រនឹងបានឃើញចាប់តាំងពីនាងចាប់អាជីពសម្ដែង។

តារាស្រីរូបនេះបានបង្ហាញខ្លួនជាមួយតារាប្រុស Noh Sang Hyun និងអ្នកដឹកនាំរឿង Lee Eon Hee នៃខ្សែភាពយន្តបែបកំប្លែងមនោសញ្ចេតនា ‘Love In The Big City’ ដែលត្រូវបានអញ្ជើញធ្វើជាបទបង្ហាញពិសេសនៅក្នុងកម្មវិធី ‘Toronto International Film Festival’ ឆ្នាំនេះ។ ផលិត​កម្ម​នេះ​និយាយ​ពី​រឿង​នារី​ដែល​មាន​ស្មារតី​សេរី Jae Hee (សម្ដែងដោយ Kim Go Eun) និង​បុរស​ដែល​ឃ្លាត​ឆ្ងាយ​ពី​ពិភព​លោក Heung Soo (សម្ដែងដោយ Noh Sang Hyun)។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

បន្ទាប់ពីកាត់សក់ខ្លីផ្អើលដល់ទស្សនិកជនជាច្រើន ទើបមានរបាយការណ៍បញ្ចាក់ថា ការកាត់សក់ថ្មីរបស់ Kim Go Eun គឺសម្រាប់តួនាទីរបស់នាងនៅក្នុងរឿងភាគរឿង “The Price of Confession” របស់ Netflix នាពេលខាងមុខតែប៉ុណ្ណោះ។ ទន្ទឹមនឹងនេះ រឿង ‘Love In The Big City’ គ្រោងនឹងចាក់បញ្ចាំងនៅរោងភាពយន្តក្នុងប្រទេសកូរ៉េខាងត្បូងនៅថ្ងៃទី ០២ ខែតុលាខាងមុខ៕

អត្ថបទ៖ សាង ស្រីល័ក្ខ

ចុចអាន៖Lisa ត្រូវគេរិះគន់ព្រាតថា ជាតារាល្បីមួយរូប តែបែរច្រៀងចាក់ឌីសលើឆាក VMA